الأربعاء، فبراير 27، 2008

15 رجل لحكم مصر


كان أول من صاغ هذه النظرية صياغة سياسية حديثة هو اللورد كرومر.. أشهر مندوب سامي بريطاني حكم مصر.. وأكثر سادة الاحتلال دراسة وفهما لها.. كان يري أن السيطرة علي مصر لا تحتاج سوي السيطرة علي أهم 300 شخصية في افضل الأحوال يمكن ألا يزيدوا علي 15 شخصاً في أضيق الأحوال.. كان يقول شفاهة وكتابة : أخضع هؤلاء وهم يتولون إخضاع الشعب المصري.. لكنه.. أضاف شروطا لا يمكن إغفالها.. أن يحافظ هؤلاء الأشخاص علي سمعتهم.. فلو تلوثت سمعة أحدهم حرقوه.. وتخلصوا منه.. واستبدلوه بوجه آخر.. يضاف إلي ذلك توفير الحد الأدني لمعيشة السواد الأعظم من الشعب المصري حتي لا ينام واحد منه جائعا.. دون عشاء.. إن المعدة الممتلئة في قاعدة الهرم لا تبالي بما يحدث في قمة السلطة إلا إذا قرصها الجوع.
ويسهل علينا أن نطبق نظرية اللورد كرومر علي واقع الحكام الوطنيين الذين جاءوا بعده حتي اليوم .. يمكن تحديد 300 شخص يديرون كل المؤسسات الحيوية في مصر.. يحصلون علي ما يميزهم عن غيرهم.. ويمسكون بايديهم وأسنانهم بمناصبهم.. والأخطر أنهم ينفصلون عن القاعدة البشرية العريضة.. ويتعجبون من معاناتها ومتاعبها.. ويهاجمون بضراوة من يعبر عنها.. أو يدافع عن مصالحها
اقرأ المزيد..عادل حموده

هناك 18 تعليقًا:

محمود المصرى يقول...

بسم الله الرحمن الرحيم

اللورد كرومر وضع نظام منهجى لأدارة البلاد وفقا لما يخدم مصالح الدولة المستعمرة وهى بريطانيا العظمى , وهذا النظام المنهجى قد يبدو فى ظاهره نظاما نخبويا ( اى ان النخب المتعلمة والمثقفة التكنوقراطية هى التى تمسك بيدها خيوط الحكم والادارة ) لكن فى حقيقته كان نظاما تحكميا مخالف تماما للنظام النخبوى , لأن النظام النخبوى المقبول والمحمود هو الذى تتواصل فيه النخبة وحاجيات القاعدة الشعبية وطموحاتها ومصالحها .
لكن لدى سؤال بسيط بخصوص مقال عادل حمودة , هو يعتبر فى اى اتنين فى المائة من الاتنينات الكتيير اللى ذكرها ؟

karakib يقول...

مع اني مش بحب عادل حمودة نهائيا
بس تقدمة الموضوع تخلي الواحد يحب يقراه

حـنــّا السكران يقول...

سأقرأ المزيد ..لأن الموضوع يبدو جدير بالقراءة المتأنيّة ..لكن يجب أن أعترف أني أريد أن اعود لأسمع فيروز من جديد قبل أن أتابع..لا أستطيع مقاومة أم زياد ..لكن قلت أرمي السلام وأحييك قبل أن أتابع.

جو غانم

joe75.jeeran.com

الطائر الحزين يقول...

وفلحوا

ولنا فى كل عصر كرومر
ولنا فى كل عصر بريطانيا عظمى

والعجب

مازلنا نحيا


تحياتى

خمسة فضفضة يقول...

السلام عليكم ورحمة الله وبركاته


لسه وبعد كل السنين دي ما زلنا علي درب اللورد كرومر سائرين

و يارتهم حتي حافظوا علي الشرطيين دول



أن يحافظ هؤلاء الأشخاص علي سمعتهم

يضاف إلي ذلك توفير الحد الأدني لمعيشة السواد الأعظم من الشعب المصري حتي لا ينام واحد منه جائعا

بنت القمر يقول...

محمود المصري
واضح اننا تحت حكم نظام نخبوي اسوأ من الذي كان في ايام كرومر فقد اشترط في هذ النظام النزاهه والسمعه الطيبه
وتوفير الحد الادني لاحتياجات الشعب
واعتقد اننا فقدنا الشرطين دول بأمتياز في النخب التاليه
اهلا بمرورك
تحياتي

بنت القمر يقول...

محمود المصري
علي فكرة هو صنف رؤساء التحرير من ضمن الاتنين في الميه
تحياتي

بنت القمر يقول...

كراكيب
انا متأكده انك لازم تكون مش بتحبه
بس المقال قويه جدا
انت عارف يا انتوك انا الراجل ده جريت ورا مقاله الاسبوعي عشر سنين من ايام ماكان في روز اليوسف الي صوت الامه انتهاءا بالفجر
المقال قوي ودسم ومش ممل
مش انا كلمت مامتك الروحيه امبارح
الحقيقه لطيفه جدا وذكيه
اقرا المقال بليز يا انتوك

بنت القمر يقول...

بحبك يا لبنان
كلنا بنحب لبنان وبنحب فيروز
فعلا هي لا تقاوم في اي وقت والاغنيه دي تحديدا مش مشهورة اوي وعشان عندي فولدر خاص لفيروز سعدت باكتشافها
وحسيتها مناسبه اوي للمدونه المتواضعه بتاعتي اشكرك علي التحيه واحييك بالمقابل اهلا بيك اي وقت قراءه مفيده وفيروز مجانيه
تحياتي

بنت القمر يقول...

الطائر الحزين
لا مش لنا كرومر لينا اسوأ منه
لنا من فقدوا شرط النزاهه والسمعه الطيبه والكل دلوقت بقا {ملطوط} بقضايا فساد وطبعا مفيش نقاش في فقد شرط توفير مستلزمات الشعب
من سيئ الي اكثر سوءا
اشكرك

abderrahman يقول...

هي سياسة كرومر كانت سياسة انجلترا عامة، سياسة النجلزة اللي بتعتمد على استقطاب الأقلية الحاكمة والنخب للثقافة والسلطة الانجليزية، حتى كان المفروض ان ده يتم مع المناضل مانديلا حسب ما انا فاكر، لكن حصل العكس
دي عكس الفرنسة اللي كان فيها المدرس والبقال والجزار الفرنسي عايش وسط شعب المستعمرات، الممارسة دي من كرومر كانت ضمن سياسة عامة في المستعمرات
هي يمكن مشكلتنا اننا اتعودنا على اننا نكون مستعمرين
:)

Desert cat يقول...

طيب هو فين الحفاظ على سمعة الـ 300 فرد فى مصر دول سوءوا سمعتهم وسمعة مصر كلها
واكثر من نصف الشعب بيناموا من غير عشاء
لو اللورد كرومر كان مازال بينا كان غضب عليهم لانهم مش عارفين ينفذوا نظريته
تحياتى

بنت القمر يقول...

mogul
حاولت افتح اللينك ومعرفتش
نهائيا
وكل ما افتح برنامج الانتي فيروس يشتغل
لو تكرمت تعرفني محتواه
اشكر مرورك

بنت القمر يقول...

د/فضفضه
وعليكم السلام
يا ريت حتي مشينا علي دربه
زي ما بتقولي الي الاسوا
حتي شرط النزاهه وتوفر الاحتياجات للشعب وتوفير الامن الغذائي فقدناه امبارح لقيت كرتونه البيض وصلت 20 بعد ان كانت 18 الاسبوع اللي فات اما العدس الاصفر وصل 9 جنيه وجبنه الشيدر44 جنيه
طبعا مش ها نكلم علي العيش والزيت وغيرة
تحياتي

بنت القمر يقول...

abdou basha
اعتقد ان الاحتلال كان ذكي بدليل انه عارف انه كان ماشي ماشي وعشان كده حاول يحط صمام امان لوجوده المؤقت وده من خلال منهج ونظريه
نخبه مثقفه حول سلطه طيبه السمعه
توفر لها حد ادني من الامان الاجتماعي
لكن يبدو ان الزمن حمل الينا سلطه اغبي فقدت شروط بقاء اي سلطه ولو مؤقته
تحياتي اشكر مرورك

بنت القمر يقول...

ديزرت كات
الله ينور عليكي
وده من غباء السلطه الحاليه اللي محصلتش حتي الاحتلال
اشكرك
تحياتي

عين فى الجنة يقول...

ولكن ، القبضة الحديدية التى ترتدى قفاز الحرير قد ارتخت واصابها الوهن وبدأ يفلت منها زمام الامور رويدا رويدا
وعندما يصيبها الشلل التام ويسرى الخدر فى اعصابها فسوف يأخذ رجل الشارع زمام المبادرة
عادل حمودة نجم فقد بريقه فأصبح صفر على الشمال

بنت القمر يقول...

الاستاذ راجي
دورة التاريخ بتقول انه بعد القوة وهن وبعد الشباب شيخوخه وهرم
كل شيئ وليه نهايه حتميه
لكن عادل حموده ده حبيبي
متقلش عليه كده
منور راجي وعفوا علي التأخر في الرد