السبت، مارس 08، 2008

عشبيه العينين


حين عاد بعد سنوات من ذلك البلد الصحراوي وبعد أن كوّن ما يكفي لحياه كريمه كانت الغربه قد سرقت سنوات من عمره

وتركت روحه خاليه ومشاعره جافه و قد نبت في قلبه اشواكا بفعل الوحده والغربه

.. احتاج بشده الي ان يضخ الي شرايينه الدفء والي وحشه روحه النور

بحث عن شريكه وزوجه وكّل الام والاخت في البحث عن من تعيد اليه دفء الايام ومن تبعث في روحه الحياه

كانت جارة رقيقه الحال جميله بيضاء بعيون ملونه بلون العشب الاخضر وشفاه كانهاجرح نازف ما كان يعيبها الافقر اسرتها وكونها ممرضه في مستشفي حكومي مجاور

حين رآها ملكت جوارحه واسرته عيونها..

مضي سريعا في خطبتها... ما ضير عملها فلا حاجه له بعد الان فلقد شيد القصر بسنوات الكفاح

ولم يتبق الا ان تسكنه سيدته وسيده القصر!!ا

كانت حلما امتلكته يداه ..عاش معها احلي الايام وذاق حلاوة الحب وعرف لهيب العشق.

أسرته رقتها وحلاوة طبعها وملئته سنائه نجوما واقمارا بعد ان ملئت بساتين عمرة بفراشات الحب الملونه

وشرب من راحتيها شهد الحب ونبت من قاحل ايامه عمرا جديدا لم يعشه من قبل..

كان يهيم بعيونها التي بلون العشب وحين يجن بها يقبلها في عيونها

واكتملت سعادتهما بعد ان جلبت له ولدا يحمل اسمه ويحمل ايضا لون عيونها العشبي

فكانا ملاكاه وكنزاه الاثيران

اتي صديقه من غربه مماثله وقد دعاه السهرة رجاليه لمشاهده شريط زفاف صديقهما الثالث في بلد مجاورة

وبدأ ت السهرة بالقفشات والنكات وشرب الشاي... تابعت عيونه الشريط بلا اكتراث.. حتي اتت فقرة الراقصه فإذا بعشبيه العين تؤدي دورها

تتمايل بأقدام حافيه.. وثوب مهترئ... تجمد الدم في عروقه وجف حلقه !

وكأن صدره سوف يغادر صدرة بلارجعه اعتذر عن إكمال السهرة وانصرف عائدا للبيت...

استقبله الصغير عشبي العينين فاحتضنه بقوة وقد اختنقت الدموع في عيونه...

التزم الصمت برهات ثم واجهها بما رأي لم تكذب عليه

صارحته بعملها في قريه مجاورة في الرقص لبضعه شهور لظروف اسرتها الضيقه وقد اخفت الامر عن الجميع

لم تدافع عن نفسها!! ولم تطلب الصفح منه علي ماضيها!!ا

لم تحاول ان تبرر كذبتها فقط اخبرته الحقيقه والتزمت الصمت القاتل

قتله صمتها بعد ان قتله ما رأي وعرف... ذهبت الي الغرفه تجمع ملابسها وقد ايقنت نهايه حياتهما سويا........

ذهب خلفها ودعاها الانتظار الي الصباح ليقرر مايريد

لم يكن حقا يعرف مايريد كل ماكان يعرفه انه لا يعرف ما يريد.... ولكنه عرف ان الشوك نبت في قلبه من جديد

وعادت الي فمه مرارة الايام

هناك 21 تعليقًا:

خمسة فضفضة يقول...

السلام عليكم ورحمة الله وبركاته

ما اعتقدش انه هايقدر يكمل معاها زي الاول ، فيه حاجه بينهم اتكسرت

الواحد لما بيفقد الثقه في اقرب واحب حد ليه بيفقد الثقه في الناس كلها والدنيا بتضلم في عنيه



سلام

الطائر الحزين يقول...

انه تدليس

كان أحرى بها أن اقول له فى البداية وهذا ادعى ان يزرع الشك فى أى تصرف قادم

وسبحان مسبب الاسباب


تحياتى

عاليا حليم يقول...

هى غلطانة لانها بت من الاول

عجبنى اوى التعبير ده (وشرب من راحتيها شهد الحب ونبت من قاحل ايامه عمرا جديدا لم يعشه من قبل )

بنت القمر يقول...

د فضفضه
وعليكم السلام
فعلا وعندك حق بس ايه رأيك ان دي فصه حقيقيه
بس بتصرف مني
وبفكر انزل بقيتها جزء تاني
بس تفتكري الثقه اهم للحياه ولا التسامح مطلوب
منورة يا دكتورة

بنت القمر يقول...

الطائر الحزين
كان مفروض بس ده اللي حصل كان مفروض بس كان ممكن تخسر فرصه لبدايه حياه كريمه
تفتكر لو انت مكانها كان القرار ها يكون سهل؟؟
علي فكرة دي قصه حقيقه بس بتعديلات
تحياتي

بنت القمر يقول...

عاليا حليم
فعلا يل عاليا بس مش تفتكري الواحد ممكن يكدب عشان يلاقي فرصه لبدايه جديده مرة تانيه؟؟
مبسوطه انها عجبتك
تحياتي

عدى النهار يقول...

من الممكن والجائز إن هو شخصياً يكون عنده إستعداد للتغاضى عما سلف قبل معرفته بها بحكم أنه عندما عرفها كانت تقوم بمهنة شريفة وأنهما تزوجا وكونا أسرة سعيدة ومستقرة. لكن تفضل مشكلة تفكيره فى نظرة الناس والمجتمع حاجز بينه وبين تسامحه معها

زمان الوصل يقول...

مش باعرف أضيف تعليق هنا من جهازى فى الشغل :( كنت نفسى أكتب التعليق قبل ما اعرف إنّها قصّه حقيقيه .. خلاص بقى .. :)

جار القمر يقول...

السلام عليكم ورحمة الله وبركاته
الفاضله (جارتي) بنت القمر
تحيه طيبه وبعد...

ولكنه عرف ان الشوك نبت في قلبه من جديد

وعادت الي فمه مرارة الايام

إن أشواك القلب لم تذبل ولكنها تراخت وفقدت حدتها إمتثالا لأمر الله والحب
ومرارة الأيام أيضا لم تذهب لأي مكان الا أنها أختبأت تحت لسانه خجلا من شهد شفتان سقته الحب
وبعض العاطفه وارت بها سوئة عريها القديم
نهايه اليمه بكل المقاييس
ولكنها جائت في وقت مناسب قبل أن تحمل له الأيام في أحشائها زمرة أبناء مشوهين بماض بغيض لأم خاطئه.
المحترمه بنت القمر
في إنتظار المزيد من بديع الكلمات ولكن بإضفاء بعض البسمات
تحياتي....جارالقمر

fatima يقول...

بنت القمر
بصى هو كان فرصتها الاخيرة فى السعادة و هى مقدرتش تضيع الفرصة دى و كأفته بإغراقه بحبها و حناهنا تكفيرا عن ماضيها
قدرت قيمته كويس و دا يحسب لها
بس واحدة مجربة فى الحياة زيها و إتمرمطت كدا لازم تكون عارفة إن الكدب ملوش رجلين و المستخبى هييجى يوم و يبان
طب ليه خبت ؟؟
خبت عشان مكسوفة من روحها و كانت عايزة فرصة أخيرة للحياة
أنا عذراها ..
و لو ينفع أقوله يسامحها عشان أبنهم و عشان ربنا جعله سبب فى إنها متضعيش تانى ..و لو طلقها و بعد عنها برضو هتفضل طول عمرها أم إبنه...
بلاش يرميها تانى و المرة دى موش الفلوس اللى ترجعها للرقص
هترجع تانى عشان ادبحت خلاص و مبقتش فارقة
تحياتى و حلوة قوى قوى

يوميات مواطن مصرى يقول...

جميله جداااااااااااااااااااااااااااااااااا تدوينه جامده

راجى يقول...

كلام فاتيما مضبوط وانا متفق معاها انه عمره ما حيقدر يشطبها من حياته وذلك من اجل الولد ، وكان الافضل ان يعفو ويصفح وقد تكون معرفته بماضيها حافز لها على ان تحمل فى قلبها العرفان له طول العمر وتكون زوجة صالحة
تحياتى لكى

خمسة فضفضة يقول...

السلام عليكم ورحمة الله وبركاته

طبعا الثقة مهمه والا هاتتحول الحياه لدوامات من الشك القاتل في كل حاجه ،والتسامح كمان مطلوب بس مش كل الناس تقدر تسامح ومش اي موقف ينفع فيه التسامح

في الحكايه دي اللي هايحصل هايكون بناء علي شخصية البطل وهل يقدر يسامح ويغفر ولا لأ
بس صدقيني حتي لو استمرت الحياه بينهم وتظاهر انه سامحها ، هايفضل برضو في حاجز بينه وبينها ومش هاترجع علاقته بيها ولا حبه ليها زي الاول ابدا
واعتقد كمان انه لو استمر هايكون عشان خاطر سمعة وسعادة ابنه


مستنيين الجزء التاني


تحياتي

بنت القمر يقول...

عدي النهار
مش عارفه ليه لما قريت تعليقك افتكرت المثل البلدي بتاع
الجحيم هو الاخر
احيانا نظرتنا الي انفسنا والي علاقاتنا المحيطه بيحكمها ويتحكم فيها نظره الناس وتكون سيف مسلط علينا
بتمنعنا من التسامح والتغاضي بتجعلنا اكتر قسوة... وكبر ..وانانيه
استني الجزء التاني بناء علي طلب الدكتورة فضفضه
لا يرد لها طلب بس محدش قلي رأيه في اللغه الادبيه ليه؟؟
منور تحياتي

بنت القمر يقول...

زمزم العزيزة مليش دعوه
عاوزة اعرف كنتي عاوزة تقولي ايه؟؟
مليش دعوة
وش مقموص.. مش بحب حد يعلقني كده يا زمزم
عموما هي نص حقيقه
هههههههههههههه
وش خبيث وعين بتغمز!!
بصي
الخطوط العامه حقيقيه زي الفرق الاجتماعي وزي عملها وزي حضورة بعد الغربه
وعموما طالما انتي حنستيني كده
انا كمان مسافرة بكرة خمس ايام وها احنسك واحكي لكم بقيه الحكايه لما ارجع بالنسبه للفيس بوك
انا برضه عملت اكاونت زي الناس وقلت اشوف ايه النظام والي الان دمه سم علي قلبي
ومش لاقيه فرق غير ان هنا اسمه نيو بوست وهناك wall
هنا تعليق وهناك تعليق
حتي الجروبات اللي هناك هنا برضه بس في السكرته
يعني كل مدونه لها قرائها ومعجبيها ومتابعيها
احنا هنا برضه شله زي ما هناك شلل بس يلا اهو الواحد شكله وحش والعيال الصغننه علي الفيس واحنا مش علي الفيس
كاننا علي القفا
هههههههه
ها بعتلك المعلوم لما ارجع في شنطه بني مع الواد سيد الدقاق
منورة زمزم

بنت القمر يقول...

جار القمر
الاخ السكندري العزيز
دايما الحكم علي الناس حتي لو خياليين بيكون صعب اوي اننا نحكم طبيعتهم البشريه مش بنقدر نتخلص من نظرتنا الذاتيه ولا معاييرنا الخاصه الاخلاقيه والدينيه والاجتماعيه
طب تعالي ندلق كل ده علي جنب ايه رأيك في الحبكه الدراميه والصياغه الادبيه .. والصور الشعريه والتشبهات؟؟
انفع اديبه ناشئه؟؟
وش محرج...
تحياتي اشكر مرورك

بنت القمر يقول...

فاتيما منورة يا تمتم
الزيارة الاولي
تفتكري تستحق ولا ها يطله من نقرة يقع في دوحديرة
ومش ها تكون اخر العواصف
تفتكري فضيله التسامح من المفروض تكون اقوي
ام ان المؤمن لا يلدغ من جحر مرتين
ومش دايما كرم الاخلاق والغفران بيلاقي اللي يقدره
استني الجزء التاني وابقي نوريني اني تايم وقبلاتي للصغير يوسف.. ربنا يجمعكم ويفرحك بيه
تحياتي

بنت القمر يقول...

يوميات مواطن مصري
طب الله يكرمك
تابع الجزء التاني الاسبوع الجاي
تحياتي

بنت القمر يقول...

الاستاذ راجي
الله ينور بس تفتكر ينفع
علي فكرة انا لئيمه اللي يقول يسامحها اشككه انه ما ينفعش واللي يقول ربنا يخلصه منها اقوله يسامحا
عارف ليه؟؟
لان الحكم دايما مش سهل والقرار لما بيكون مصيري وجوهري في حياه الانسان وبيدفع تمنه اخرين لازم يعيد التفكير الف مرة
عموما الخطوط العامه للقصه دي حقيقيه
لكن حورت في تفصيلات كتير
ها انزل الجزء التاني الاسبوع الجاي عشان مسافرة كام يوم
بس ايه رايك انفع اديبه شابه
او اديبه مبتدئه
تحياتي ومش قادرة انسي شكل الراجل اللي بتاع مصر والسودان كل ما افتكر اضححححك
كان بوست جون والله
تحياتي
اخي العزيز

بنت القمر يقول...

الكتورة فضفضه يا دي النور
تعليقين في بوست واحد
عموما بما انك عرفتي انه قصه فيها حقيقه كتير
وعاوزة الجزء التاني احب اقولك ان تكهناتك تحمل قدر كبير من الصحه
وان كان
الجزء التاني يحمل قدرا كبيرا من المفاجأت
تحياتي يا دكتورة
بقولك صحيح
استغلك بقا
الميجا فيت احسن ولا الميدفيت
عشان تمن سنين
وليه الميدفيت بيحرق في الزور
الهي يكرمك ست يادكتوره
تحياتي

maii bahaa يقول...

أنا حسيت انها فعلا حقيقية
الست يعني ممكن تخبي حاجات عشان تبتدي حياة جديدة وبيت سعيد
انما حاجة اتسجلت صوت وصورة؟؟ دي ألف حد شافها..كان لازم تقول واللي يحصل يحصل..مش أحسن من منظرها دلوقتي؟
مستنية الجزء التاني عشان اشوف الدنيا اللي ياما هانشوف فيها
ميرسي لكتابتك اللي بتشد بجد
تحياتي
:)