الثلاثاء، مايو 06، 2008

!ما لم اعلمه يوما

في مراحل فائته من سنوات حياتي الاولي او في مراحل المراهقه الاولي تحديدا
كنت اعتقد اني قد صرت مكتمله بشكل تام استطيع القراءة وشراء ميكي جيب من البائع المجاور وحدي!! او وجبه صغيره لي
بعد ان مرت عدت سنوات وفي عنفوان العام الجامعي الاول كان الهوس هو ان لا اعلم اي شيئ.....
ان لا اجيد الانجليزيه بطلاقه مثلا
واتذكر جيدا النقود التي انفقتها والوقت في التردد علي معاهد تعليم اللغات ثم انتقلت الي الالمانيه اللتي لم احبها ثم الي الفرنسيه التي استهوتني كثيرا
ثم الي دراسه الكومبيوتر ومن شيئ الي اخر كنت ارهق نفسي كثيرا سعيا الي ان اعرف كل شيئ واي شيئ ... وبغض النظر عن حاجتي اليه اصلا ويبدوا انه تسرب الي ذاتي ان ما يخفي علي في العالم هو بعض التفاهات التي لا قيمه لها مثل تقاليد المطبخ الصيني او قواعد واللغه الاسبانيه!!!
او تاريخ الدول اللاتينه... وعلاقه ثوراتها بثورة 1952 !! واعتقد ان ذلك مرتبط بغرور تلك المرحله وبعد ان انتقلت الي حياه جديده بعد انضمامي الي مؤسسه الزواج عقب التخرج بشهور واصلت بشده وكفاح صقل مهاراتي وتحديثها رغم كل الصعوبات وان كنت اكتشف انه دوما هناك جديدا لا بد من العلم به ووضعه في خطط خمسيه جديده للتعرف عليه بعد انهاء الخطط القائمه(((:
بعد الان ان تجاوزت التلاتين بسنوات اكتشفت ان هناك اشياء واشياء لا يوجد متسع حتما لاستيعابها او ان اللهث ورائها نو ع من الماسوشيه وتعذيب الذات
الذي لاطائل منه فلا بد ان يبقي شيئا لا اعرفه...
الاكتشاف الاهم هو اني لم اكتشف اي شيئ وانني مازلت في مرحله التسنين المعرفيه
وان خبراتي الاجتماعيه
وعلاقاتي الانسانيه مازالت بحاجه الي صنفرة وتوضيب
وانني ارتكبت اشياء خاطئه جدافي حق نفسي وكبلت نفسي بعلاقات لا معني لها ايله للسقوط في اي موقف
او ارهقت نفسي بما اظنه واجبا لارضاء الاخرين الذين غالبا في حاله عدم رضا
اومطالبه بالمزيد مني حتي سحب اخر نفس تقريبا.... او قد انقلبت الي جمل صبر كثيرا ثم عندما ثار رمي اولا صاحبه من فوق ظهره ... مازلت عاجزة جدا امام فهم وتفسير سلوك البشر وتناقضاتهم {بما فيهم انا شخصيا} فضلا عن قبول هذا السلوك اصلا
مازلت بحاجه الي مدرس خصوصي يضمن لي طريقه الحل النموذجيه في التعامل مع الاخرين... او توجيهي للحظه المناسبه للانقلاب عليهم قبل ان ينقلبوا عليّ او اعطائي الاشاره المناسبه... لنفض اي علاقه مرهقه مستنزفه لوقتي واعصابي يوجد الكثير الذي لم اعرفه بعد
اتمني انه اعرفه يوما ما

هناك 20 تعليقًا:

خمسة فضفضة يقول...

السلام عليكم ورحمة الله وبركاته

يوجد الكثير الذي لم اعرفه بعداتمني ان اعرفه يوما ما

كلنا هذا الرجل ..اممممم... اقصد هذه السيده

سلام

blackcairorose يقول...

بالنسبة لى مقدرش اقول علاقاتى ناجحة ميه بالمية بكل الناس، ولكن ممكن اقول ان كل الناس اللى يهمونى فعلا علاقتى ناجحة بيهم والحمد لله

متهيالى فيه شوية قواعد كده، هى مش من عندى ولا حاجة، ولو اى حد يقدر يضيف عليها ممكن برضه يضيف اللى هو او هى شايفاه

مثلا

ـ عدم التوسع فى معرفة الناس، كل ما كانت العلاقات اوسع كل ما كان فيه صعوبة فى التحكم فى نجاحها، طبعة تحديد المعرفة برضه ليه عيوبه

ـ ادراك التفرقة بين المقربين وبين المعارف وبالتالى هنعرف ايه اللى ممكن نديه لده وايه ممكن نديه لده، وطبعا يتبعه ايه اللى مممكن ننتظره من ده وايه اللى ممكن ننتظره من ده

ـ محاولة عدم انتظار المعاملة بالمثل فى جميع الاحوال، فيه ناس متقدرش تدى الا فى حدود معينة وتحت ظروف معينة، مش بالضرورى انى اقيسها بالقلم والمسطرة واقول انا هدى كده وبانتظار بالضبط نفس الحجم من العطاء من الآخرين

ـ الصراحة وقت اللزوم من غير كسوف، لو العلاقة من الاول مكتوب لها متستمرش مش هتستمر ويبقى من الافضل انهائها بدرى بدلا من محاولات الانعاش الى برضه هتنتهى بخيبة امل ، بس ده برضه بيطلب التفرقة بين علاقات تواجه صعوبات من الشخصين لكن ممكن بالخطوات المتبادلة تستمر، وبين العلاقات اللى جانبها السلبى محسوس من الاول

ـ مبحبش الناس اللى بتاخد خطوات كبيرة ثم تتراجع بخطوات كبيرة، فيه ناس بتضرب صحوبية جامده من الاول وبعدين تقفش قوى مع اول زعلة، يعنى التدرج مطلوب فى المشاعر سواء كنا بنتكلم عن حب او صداقة او حتى زمالة عمل

ـ فيه حاجات ملناش فيها كونترول، يعنى مهما كان عندك رغبة صادقة انك تبقى كويسة مع شخص ما، اذا لم يكن لدى هذا الشخص نفس الرغبة وبنفس الدرجة تقريبا، صعب ان العلاقة تنجح

ـ الخطأ فى تقدير العلاقات قائم ووارد ولا يعنى خطأنا فى دخول العلاقة من اساسه، يعنى اكتشاف ان هذه الزميلة لا تصلح لزمالتى او ان هذا الشخص غير صالح لى كخطيب او حبيب مثلا وارد وطبيعى وممكن تكون نسبته ملموسة من اجمالى علاقاتنا ولا خطأ فى ذلك، ولكن ان نكتشف هذا الخطأ فى عدد كبير ممن حولنا ونحن معم فى علاقات يدل بالتالى الى الحاجة لمراجعة النفس واكتشاف الخطأ فى كل علاقة

ربما بعد تقييمك لاسباب الخطأ تكتشفى خطأ مشترك من جانبك

ربما مثلا كنتى حسنة الظن زيادة بالجميع، او متهاونة فى توضيح الامور التى تسبب لك ضيقا الخ الخ

يعنى تحلسل الفشل المتكرر اكيد هيوضح لك اتجاه اسباب الفشل

وفى النهاية

دى كلها محاولات لوضع اساس ناجح علاقات، مش بالضرورة انى شخصيا بعملها كلها او بنجح فى تنفيذها كلها ولكن بحاول

افدتك بأى حاجة؟؟؟

وتسلمى

... يقول...

Touching
أظنك ستستمرين في هذا للأبد
وخللي بالك
خيركم من تعلم العلم وعلمه

عين فى الجنة يقول...

فى حب العلم والتعلم فلا يوجد حد بعده نصبح من العلماء او المثقفين
وبعض المفكرين ينصح بوضع خطة لتثقيف الذات فينصح بقراءة القديم من انتاج الفكر الانسانى مرورا بعصور تعتبر علامات على طريق الابداع ثم قراءة الحديث من الفكر
وانا مع القراءة المتنوعة حسب ما يتيسر من وقت وكتب ومع الوقت تتراكم المعارف ونستطيع صياغة رؤية شخصية للعالم
اما الاخرين فأسوأ الاوضاع ان يفرض علينا اشخاص لافكاك منهم ولا مهرب

لكى تحية على بوست التاج ولى سؤال عن من هى التى رسمها الفنان ؟

فاتيما يقول...

يعنى كلامك تمام
الواحد بيقعد يجرى و يلهث وراء الأشياء عشان يحسن من حياته و يتكعبل كام كعبلة و هوه بيجرى فى سكته و فى الىخر يلاقى روحه نفسه أتقطع و عاوز يركن على جنب شوية فيلاقى نفسه تعبان و اللى حواليه تعبانين منه و يتسائل ما الجدوى ؟؟
أنتى رصدتى حالة نفسية شائعة لدينا جميعاً و زى ما قالت خمسة فضفضة كلنا هذه السيدة ....
دمتى بكل خير يا عزيزتى

بنت القمر يقول...

فضفضه
الايام بتعلمنا والتجارب بتصقلنا
ودي مدرسه الحياه
التي بلا نهايه الي اخر انفاسنا
ربنا يدي العمر والصحه
تحياتي

بنت القمر يقول...

blackcairorose
الاول اهلا يا صديقتي اكيد افد
تيني ونورتيني وعلي قد كرمك في التعليق ها اكون اكرم في الرد
((((:
شوفي
بالنسبه لعدم التوسع فاعتقد اني مش من النوع المتحفظ علي الاخرين بل انبساطيه اوي في النقطه دي وده كام لوقت قليل بيرهقني بواجبات اجتماعيه كتيرزي المعايدات والتليفونات والمجاملات الماديه والمعنويه
وده اتحكمت فيه مؤخرا
2_ بالنسبه للمقربين والمعارف الفرق اكيد مهم لكن احيانا بيكون عشمك في صديقه اكتر من اخت او مفيش حدود واضحه لان العلاقه الانسانيه متقدريش تقيسيها بمدي ارتباطها بعلاقه الدم
هنا احب اقولك اني تصنيفي ده ملوش اي علاقه بالعلاقه الزوجيه لانها كوم لوحده خااالص(((:
3_بالنسبه لانتظار العطاء بالمثل فعن نفسي لسه موصلتش لدرجه الشفافيه اني انسي اديت ايه
ومازلت اعتقد ان اليد المغلوله عن العطاء تحمل دوما خلفها قلبا قاسيا
فما بالك اذا كان المنتظر هو رد المعروف بقا؟
وممكن ده يكون عيب بس هكذا تجري الامور
((:
4_الصراحه اتفق معاكي بخصوص الصراحه والصراحه دي بقا لعبتي.. وان كنت مع مرورالوقت اعتقد انه الافضل احيانا اذا كانت العلاقه صداقه مثلا في طريقها حتما اللي النهايه فمجهود الصراحه غير مجدي الافضل اغلاق الصفحه مع اقبل نسبه الالام لجميع الاطراف وقد يكون مفيدا ترك الحروف بلا نقاط!!
اكيد فاهماني
اما في العلاقات المفروضه الزوج .. الاهل..الام.. الاخوة فلا بد كل حين من تفريغ شحنه المشاعر ووضع النقاط والافصاح عن اسباب الضيق.. ومنع التراكمات
5_انا مش من دول نهائي
6_ صح وعلاقاتي ليست فاشله في الاغلب بل ناجحه ولكن الحكايه هي سوء تقدير في الطريقه المثاليه لادارة الامور
وانه مفيش سيستم ناجح مع الناس كلها
وان اللي يجي بالطيب غيره يجي بالردي
:((
افدتيني ونورتيني
يا صديقتي
اشكرمرورك

بنت القمر يقول...

بثينه
********
Touching
*********
بمعني؟؟؟
انك فهمتي فكرتي
ولا انك حاسه بيا
ولا حاجه تالته؟؟
(((:
من تعلم العلم وعلمه بس اكيد خبرات الحياه وده اللي اقصده ملهاش نهايه وولادنا لازم بياخدوها هما كمان مع الوقت ويكتشفوا طبيعه الاشياء لوحدهم
عموما منورة واخبار الدراسات ايه؟؟
((:

بنت القمر يقول...

راجي
العلم لا نهايه له
وده اللي اقصده ولكن احيانا بتكون في حاجه للخبرات الحياتيه وفن التعامل مع الاخرين اكتر من حاجتك الي دراسه الادب اللاتيني او علم الفلك
((:
حكايه الاخرين المفروضين
فاعتقد وبكل امانه انه مفيش حد مفروض ابدا عليّا
استطيع بكل حزم اغلاق وانهاء صفحه اي علاقه تسيئ لي مهما كانت العواقب
ومهما كان ده مؤلم
متخافش علي قمر...
بالنسبه للتاج قريته عند شريف وجالي اهداء مباشر من مي عمر ومن some one in life
والاخرين تركوا اهدائه جماعيا زيك وزي نسرين بسيوني
الحقيقه انه رفع معدل نرجسيتي
وخلاني اعتقد انه مهم ان اري الاخرين جوانب من شخصتي يمكن هما مهتمين بقا
(((:
االلي رسمها الفنان تقصد ايه مفهمتش تقصد صورة البوست؟؟
تحياتي ونورت

بنت القمر يقول...

فاتيما
منورة يا ام يوسف
اتكعبلي ما يهمكيش المهم تقفي علي رجلك تاني
يتعبوا منك ومالو
هما اكيد برضه تعبوكي
((:
اشكر مرورك ومتابعاكي بوست بوست وسلامي ليوسف
وقبلاتي كمان

غير معرف يقول...

انت هكذا .. حب المعرفة لديك هواية .. ولايزال هناك الكثير .. مافيش شئ غريب

مسألة أنك قد تجدى معاملة لاترضيك .. كل انسان يعمل بأخلاقه .. وانت انسانة رائعة .. المقابل عند الله ..

لااظن ان احد يتغير .. فقط يشكو اذا تعب

admelmasry يقول...

هذه هي نبرة العلماء المتواضعين
اتسائل الان
لو كانت هذه لغة كل من له موقع سلطة
او يملك سيطرة ما
فما كان حالنا الان
.
.
المشكلة سيدتي ان كل من قرا كتابا او دعينا نقل كل من يشري الجرنال يوميا
يعد نفسه مثقفا حتي يعطي له الحق
في فرض رايه فرضا متعسفا علي كل الرافضين له
.
بل ويتطور به الامر الي استخدام العنف احيانا مدافعا عن وجهة نظرة
.
تواضع العلماء ليس بالضرورة صفة تلازم العالم
وليس العالم هو من اخترع شيئا او اكتشف شيئا لم يكن معروفا
ولكن المعاملة هي من ترفع فلان او اخر الي مراتب العلماء
.
فالدين المعاملة ..
.
اشكرك لمرورك في مدونتي
لك تحياتي
والسلام

Ahmed Kamal يقول...

انت مش محتاجه مدرس خصوصي ، كلنا عندنا أخظاءنا و عيوبنا ، و المهم إننا نتقبل بعض و نحاول نخاف على بعض ، و في النهاية لا ينتهي العلم إلا عندما تأتي النهاية .. تحياتي .

alexandrany يقول...

بسم الله الرحمن الرحيم
"وما أوتيتم من العلم إلا قليلا"

اما بخصوص العلاقات الانسانيه والاجتماعيه الواهيه والتي تنتظرنا بفارغ الصبر ان ننهي حبالها للأبد فأظننا قد حصرنا انفسنا امام شاشاتنا الصغيرة ووطدنا علاقتنا بها الا ان اصبحت مجمل حياتنا الشخصية ومحل اتصالاتنا حتى انستنا من نحن واصبحنا لا نعرف من اسمائنا غير ما اعطينا لانفسنا من ألقاب نتواصل بها مع المحيط المعلوماتي المجهول.
بوست جميل جدا يا بنت القمر
وفي جمال التعبير عن الصراع النفسي المتأجج بداخلك
تحياتي

بنت القمر يقول...

شريف

لااظن ان احد يتغير .. فقط يشكو اذا
تعب
صح جدا وعندك الف حق
اشكرك

بنت القمر يقول...

ادم المصري
لااعلم واعلم اني لا اعلم الا قليلا
وهكذا الاخرين ولا داعي لاي غرور حتما
اشكرك
ومبروك انتهاء المشكله
تحياتي

بنت القمر يقول...

احمد كمال
صدقت يا عزيزي طالما الوقت يمر ننتظر دوما الجديد من دروس الحياه تحياتي

بنت القمر يقول...

alexandrany
موضوع الحياه الاليكترونيه حكاااايه كبيره
ادعوك لقراءه اخر بوست عند عصفور المدينه تلاقي اللينك بتاعه عندي
بخصوص ما ذكرت
اشكر مرورك

شغف يقول...

أيون كده يا بنتي
بصراحة كل لما أدخل عندك المداونة ، بلاقي محاولات للاهتمامات بمواضيع ما ، و بتبقى كتير كلام منمق أكتر من الازم أو كلام موسوعي أكتر منه بوست

البوست ده فارق قوي
و في اعتقادي إن دي أهمية المداونات و كتابتها الحقيقية : وجهات النظر اللي جاية من خبرة حياتية حقيقية اللي الواحد بيحاول نوعا مشاركتها مع الناس ، و ده اللي ممكن يفرق معاهم جدا أكتر في ساعات من قراية الكتب و الموسوعات

بالنسبة للبوست نفسه :
أنا متفقة كتير مع كلام
blackrosecairo

و ما أنكرش بالنسبة للاهتمامات إني كنت كل أول سنة بأقعد أحط لستة بالحاجات اللي عازة أتعلمها أو عايزة أعرفها
و ده كله بيطلع على فاشوش لأني نادرا ما بأنفذ حاجة ، أو بأكمل حاجة لآخرها
و كنت بأقعد ألوم في نفسي على كسلي و تقصيري --- إلخ

الوضع ده كله اتغير تماما من حوالي سنة و نص
اتعلمت إن أسوأ حاجة إن الواحد يبقى كمالي
و إن الواحد المفروض يركز ع الحاجات اللي تهمه بجد ، و اللي تستهويه فعلا ، و اللي ليها فايدة حقيقية في حياته

و إن الواحد عمره ما هايعرف كل شيء عن كل شيء
فالأفضل إنك تعرفي نبذه مختصرة جدا عن أي شيء بيعدي عليكي ، و مش تحطي في بؤرة اهتمامك غير اللي هايفرق معاكي بجد
و ده سواء بالنسبة للاهتمامات ، أو بالنسبة للناس

و فعلا ده فارق جدا معايا

freedom يقول...

لكن معرفتك و ان كانت ضئيلة .. ساعدتك في طريق حياتك.. لا يستوي الذين يعلمون و الذين لا يعلمون