الجمعة، مايو 09، 2008

مصرنا أم لبنانهم

رغم اني ليس لي اي اصول لبنانيه نهائيا ولا لحد الدرجه السابعه و ومع اني ما زرتش لبنان الي الان لكن اخبار الازمه الاخيرة اصابتني بضيق شديد.. اتابع الاخبار بحزن واسي شعب يتمزق ووطن ينهارالسيد نصر الله{فرش الملايه} لخصومه جعجع وجنبلاط واصفا اياهم بالمرتشين القتله المزورين_ علي المنار_ بسبب حادثه الكاميرات الاخيرة تراشق الفريقان الرصاص والاتهامات وقتل ثمانيه قتلي ابرياءورغم اني اؤيد المقاومه المسلحه وانبهر يشخص السيد
ولكن اخشي الحرب الاهليه التي تطحن البلد وتمزق الشعب
ولكن حين افكر بعقل يعني لو عندنا في مصر فريق اخر غير الدوله عنده سلاح
وعنده قوة وسلطه ان { يبدر} المطار الوطني كاميرت اجد انها فكرة غير مقبوله اطلاقا ولكن حتما اللي يمشي هنا مش ممكن يمشي هناك !!
,وارجع اقول وكل مكان وليه خصوصيته اتنقل بين المحطات_ الاخبار هزيله
والمحطات اللبنانيه مسيسه جدا كأنها لدول منفصله!!
وقناة المستقبل اغلقت قناه القزم ابن العملاق !!المدونات لم تهتم بأخبار لبنان بنفس درجه اهتمامها بموجه الغلاء الاخيرة
والعلاوة والمقلب الي اخده الشعب بعد العلاوة اللهم الا الصديقه
نوارة اللي برضه مهتمه بالموضوع في مدونتها ونسرين علي الفيس بوك ,,اليوم املأ تانك العربيه بنزين للمرة الاولي بعد غلاء السعراكتشف اني دفعت 47 جنيه بدلا من 36 جنيه قبل زياده الاسعار الاخيرة يعني الواحد لازم يرّشد الفسح والتمشيه من غير هدف لازم يجمع المشاوير اللي في اتجاه واحد سوا.. مش كل مشوار في يوم لوحده فعلا الغلاء خانق جدا.. اشاور نفسي اوفر فلوس السواق واوصل البنت المدرسه بنفسي... ايه المشكله شويه نشاط وتوفير والفلوس اللي بياخدهم املآ بيهم التانك!! ابتديت اخد بالي مضطره!! افتكر تاني في لبنان واقول الحمد لله احنا حالنا احسن من غيرنا ..ومشاكلنا اقل او ارحم ولا انا بيتهيألي؟؟ هل يحمل المستقبل لنا مصير لبنان ؟؟اعذب نفسي واحتار واقول مالي انا ومال لبنان منكده علي نفسي ليه بس؟؟ مشكلتي الخاصه الوطنيه اهم ولا مشكله عامه قوميه اكبر واعظم الاولي بالاهتمام العام ام الخاص نفسي ام الاخرين دي انانيه مني اني افكر في تمن البنزين ولا رفاهيه وترف اني ادور علي الاخر ولكن تلوح في الافق اجابه محزنه لا املك اي حل... لا لنفسي ولا للاخرين!!
********************
تحديث
دفعه تدوينات مصريه عن لبنان: اولا_ تانيا_ تالتا_ رابعا _خامسا_سادسا

هناك 38 تعليقًا:

حـنــّا السكران يقول...

أجزم أنك لا تستطيعين القول ( مالي و مال لبنان ) لأن الخير و الوطنية و حب الناس و الحق .. ظاهر وواضح بين سطورك في هذه المدونة ..
لو أخذنا الموضوع من الناحية التي عرضتيها أنت كتشبيه و ليس كرأي أو حكم ..لكان معك حق تماما ..لا يمكن قبول دولة داخل دولة بأي شكل من الأشكال .. لكن حالة لبنان استثنائية و مختلفة جدا و لا يمكن طرح الموضوع بهذا الشكل ..
هناك بلد في حالة حرب دائمة مع اسرائيل ..و هناك مقاومة من أهل المنطقة المتاخمة لهذا الكيان ..و هناك أرض محتلة ..و هناك قيادات مستهدفة بشكل علني تعلنه اسرائيل يوميا ..و هذه القيادات تمثـّل ثقلا رهيبا ..لو لا سمح الله سقطت سيكون زلزالا .. أضف إليها أن هناك اعتبارات طائفية لا يمكن حاليا تجاوزها أو غض النظر عنها ..فحتى الدستور قائم على أساس طائفي ..إذن هناك اعتبارات كثيرة جدا لا يمكن طرحها و إيفاءها حقها في تعليق هنا ..تجعل من الوضع في لبنان لا يمكن تشبيهه ببلد اخر .
المقاومة الان ترى أنها أصبحت مستهدفة من الداخل و الخارج ..و هو برأيي امتداد لمشروع ( دايتون) الذي فشل في غزة حيث لم يتمكن دحلان من تنفيذه و أدى إلى ما أدى إليه من أحداث مؤسفة هناك ..يراد الان استكماله في لبنان و فشل أيضا ..و الحمد لله أن الأطراف الأخرى الداخلية لا تستطيع القيام بحرب أهلية مع أن بعض قيادات هذه الفئة يسعى إليها بشكل واضح ..
أريد أن أقول شيئا هاما قاله الجنرال الشريف ميشال عون قبل فترة حيث يمثـّل هو و تياره الثقل المسيحي الأبرز و الأكبر و هو متحالف مع المقاومة ..قال :
( الذين يريدون حرب أهلية في هذا البلد ..لا يستطيعون القيام بها لعدم توفر الإكانيات لديهم ..و الذين يستطيعون القيام بحرب أهلية ..هم لا يريدون القيام بها بأي حال من الأحوال ) و طبعا هو يقصد بالذين يستطيعون القيام بها أي الذين لديهم الإمكانيات ..أي ( هو و تياره ..و حزب الله ) ..فما دام الوطنيون هم الأكثرية الشعبية ..فلا خوف من حرب أهلية إن شاء الله .
تحياتي لك ..البوست جميل جدا ..و ربنا معاكم في ما تواجهونه من غلاء لا يحتمل .

عين فى الجنة يقول...

شوفى كل الاحداث والمشاكل فى المنطقة مرتبطة ببعضها بطريقة او بأخرى
فمن المهم فعلا الاهتمام فقط الاهتمام اذا كان هذا هو المتاح فقط

غير معرف يقول...

ماقدرش أقول غير إني فعلا زعلان و تعبان من اللي بيحصل سواء هنا أو هناك

فيه رواية إسمها ثلثية غرناطة أحد الشخصيات إسمها مريمة قالت في مرة
يا رب لماذا تعطيني الأمل إذا كان سيتحول إلى ألم
هو ده اللي أنا حاسس بيه سواء في لبنان أو مصر

و غير كده مش عارف أقول لك إيه

محمود المصرى يقول...

بسم الله الرحمن الرحيم

لبنان مثلها مثل الساحة الاقليمية ككل تتقاطع فيها المحاور المختلفة , وتجوز عليها جميع التقسيمات سواء كانت طائفية او سياسية .
فيمكن ان نقول ان الصراع الحالى هو صراع بين منهج مقاوم ومنهج انبطاحى , وممكن نقول انه صراع بين محور شيعى ومحور مناوىء له قد يسمى محورا سنيا مجازا .
لكن ما يجرى بلبنان ليس بالخطورة المتوقعة , فتوازن القوى يكاد يكون منعدم , وتوقع قيام حرب اهلية هو احتمال غير قائم , فالحرب تكون بين طرفين متقاربين فى القوة وهذا ليس حال لبنان , وما حدث فى السبعينات من تورط سوريا لنصرة مسيحييى لبنان الذين كانوا الطرف الاضعف ليس واردا الان لنصرة الموالاة الذين هم الطرف الاضعف على الارض , فالمسألة محسومة بلا جدال .
لكن لى سؤال لهؤلاء الذين يهللون لحزب الله الا يتشابه موقف حزب الله الان مع ما فعلته حماس فى غزة ؟ فلماذا الهجوم على حماس والتهليل لحزب الله ؟

Bella يقول...

لن أزيد عما قاله جو فهو الاقدر على شرح الوضع اللبناني بشكل اعمق وافضل من اي شخص خارج الدائرة

مايحدث في لبنان يؤلمنا جميعا

وانا ايضا كتبت عن لبنان في بداية الاشتباكات وكنت اود كتابة تدوين مفصلة ولكني فضلت ارجاءها قليلا

تحياتي

جبهة التهييس الشعبية يقول...

بنت القمر
يا حبيبتي لبنان حالة مختلفة عن مصر وعن اي دولة في العالم
ووكالات الانباء معظمها متواطئ مع حزب الموالاة

حزب الله مش هو الميليشيا الوحيدة في لبنان
جنبلاط له مليشيا
وجعجع له ميليشيا
والحريري له ميليشيا
اشمعنى ميليشيا حزب الله اللي واقفة في زور العالم بالعرض؟
عارفة اشمعنى؟
عشان جنبلاط تبع فرنسا وامريكا
وجعجع تبع اسرائيل
والحريري تبع السعودية وامريكا
لكن حزب الله هو الوحيد اللي ضد اسرائيل وامريكا
عشان كده الميليشيا بتاعته هي الوحيدة اللي مش شرعية وبقية الميليشيات شرعية وجميلة وحلوة وزي الفل لانها معمولة عشان تواجه حزب الله وتخدم المصالح الامريكية والمصالح الاقطاعية بتاعة الحريري وديوله

الحقيقة ان الفرق بين الموالاة والمعارضة
ان الموالاة حزب البكوات والاغنياء ورجال الاعمال
والمعارضة حزب الفقرا والغلابة والمقطوع عليهم المية والكهربا والذين ما ذاقوا لحم الضأن الذين لا حول لهم ولا شأن الذين يدعون الى الحرب ولا يدعون الى المأدبة

والناس بتتكلم عن المعارضة على انها حزب الله مع ان المعارضة فيها مارون وكاثوليك ودروز وكمان الحزب الشيوعي والحزب الناصري والاخوان المسلمين اللبنانيين
اشمعنى دول ماحدش بيتكلم عليهم في المعارضة؟

جبهة التهييس الشعبية يقول...

اه ونسيت اقول لك حاجة
فيه حاجة يا اوختشي حارقة دمي

لما بيتكلموا عن المعارضة بيقولوا عملاء لسوريا وايران
ووليد جنبلاط بيقول بالمفتشر انا حلفائي امريكا وفرنسا وانا مؤمن بحق اسرائيل في الوجود
والحريري بيقول انا حلفائي امريكا والسعودية
وش كده
اصل هي دي الميزة في لبنان
كل واحد بيقول بصراحة هو تبع ايه ومين حلفائه

طيب اذا اعتبرنا ان اربعتاشر اذار مش تابعين لامريكا واسرائيل والسعودية وان دي مجرد تحالفات سياسية

يبقى اشمعنى تحالفات المعارضة مع سوريا وايران لا تقيم بنفس الطريقة؟

واذا سلما جدلا ان المعارضة عملاء لسوريا وايران

يبقى ده معناه كمان ان فريق الموالاة عملاء لاسرائيل وامريكا وفرنسا

طب اذا كان بقى ضروري نختار ما بين اتنين عملاء ومافيش اختيار تالت ولا حتى استعانة بصديق

انهي احسن: عميل لايران وسوريا
وللا عميل لاسرائيل وامريكا وفرنسا؟

عدى النهار يقول...

ب ب س قالت إمبارح إنها حرب بين شيعة وسنة. الغريب إنك لو قرأتي بعناية دهوة الحريرى لنصر الله لعدم التسبب فى فتنة وحرب أهلية تجدى إنه بيلعب بدناءة على نفس الوتر اللي ب ب س لعبت عليه فى نشرة الأخبار. أعتقد إنه وأسياده يريدون تصعيد الأمر حتى يتمكنوا من التخلص من حزب الله تماماً وده عن طريق حرب داخلية بين حزب الله وبقية المليشيات وطبعاً سيتم منع وصول أى أسلحة للحزب ومد المليشيات بكل ما تحتاجه من معلومات وأسلحة

خالد مشعل والزهار وهنية ونصر الله وأمثالهم رقابهم مطلوبة وبأسلوب يجعلهم عِبرة للغير ومش من أمريكا وإسرائيل بس لأ ده من أراجوزات المنطقة قبلهم

بالنسبة لسؤالك.. إحنا عاجزين عن عمل أى شىء فى أى شىء مش اللي حاصل فى لبنان بس. العجز بقى لبانة بنمضغها كويس أوى المهم ومش باقى لنا غير محاولة فهم اللي حاصل وعدم تغييب وعينا

مواطن مصري يقول...

طبعا الكل فاكر ان نصر الله السبب في الي بيحصل الكلام دة غلط
لية لاان نصر الله دعا الي الحوار و الاضراب

و لكن دعونا نلقي نظرة دولية لما يحصل في لبنان

لمذا الانتخبات الان
لان يوجد في امريكا انتخبات و اسرائيل قلقة ان يفوز الحزب الديموقراطي و ان من مصلحتها ان يفوز الحزب الجمهوري و المرشح جون ماكين
لان برنامج
الديموقراطي سحب
القوات الامريكية من العراق و قد سمعنا انة سوف يتم سحب 3500
جندي من كم يوم قبل حدوث المشاكل في لبنان
و ايضا زيارات رايس
ل اسرائيل و تأكيدت
بانها تدعم اسرائيل و ايضا المرشح الجمهوري
قبل حدوث المشاكل

فهدف اسرائيل الاول هو سحب سلاح المقاوومة من حسن نصر الله
و ايضا هدف قوى 14 ايار جنلاط و اعوانة سحب السلاح من لبنان و
بيتكلمو على انهم خايفين على لبنان
و ايام الحرب مشفناش حد منهم هز طولة
و دافع عن لبنان غير نصر الله
؟
الي بيحصل دة لمصلحة اسرائيل و الحزبا لجمهوري عشان القوات الامريكية تفضل في العراق
و اسرائيل تضرب لبنان و تهدد سوريا
و عمليات العنف الي بتحصل في لبنان
نصر الله و حزب الله برىء منها
لان دي عمليات قذرة بيقوم بيها مرتزقة
و الي منكم شاف فلم ميونخ و بيحكي قصة واقعية و الفلم بتاع
سبليبرج
يعرف ازاي ان اسرائيل بتقوم بعليات قذرة بدس مرتزقة يلبسو لبس المقاومة و يخلو
جنبلاط يجعجع
و مع الاعلام الناس تصدق
ان نصر الله هو سبب المشاكل

دة تحليلي ل احداث لبنان
www.lifeonnile.blogspot.com

على باب الله يقول...

مشكلة أن تكون خيوط حل المشكلة اللبنانية يسكن بعضها في سوريا و البعض الآخر في إيران .. و إسرائيل
و أمريكا ... و يمكن بعضها في دولة أندوجيا العظمي

مشكلة أن تكون داخل لبنان ميليشيات مسلحة تتلقي تمويلها و تدريبها و أسلحتها من الخارج .. و يكون ولائها أيضاً لغير لبنان

مشكلة أن تكسر لبنان الرقم القياسي العالمي في عدد مرات إنعقاد البرلمان بدون إنتخاب رئيس للبلاد

مشكلة أن تكون هناك دولة .. بل و عدة دول .. داخل لبنان
يضع بعضها كاميرات مراقبة في المطار .. و يغلق الطرق الرئيسية و يمنع الرحلات من و إلي لبنان و يصنع لنفسه جيشاً و حكومات ظل ؟

مشكلة أن تطلق الميليشات المسلحة النار علي الشرطة و علي المنازل ثم تقول هذا دفاع عن النفس ؟

---

مشكلة

عاشــــــ النقاب ـقــــة"نونو" يقول...

اخشى ان يكون هناك ما هو ابعد من ذلك

.:.-=- ELGaZaLy-=-.:. يقول...

تعرفى ان جالى كرب شديد لما سمعت الاخبار عن لبنان لانى شوفتها...اصعب احساس انك تشوفى شوارع مشيتى فيها مخصبة بالدماء...

والاصعب ان يتحول شخص مثل السيد حسن نصر الله من مقاومة الاحتلال الى حرب داخلية

ومتستبعديش ان المستقبل يحمل يينا انيل

فى قرى كاملة فى الصعيد مسلحة بالكامل وباربيجيهات وبجد

فى كنايس كتير فيها مخازن سلاح

والاخوان عندهم ميشيلايات مدربة ودة شئ معلوم وما هو اسواء من الاخون كذالك

ولازم نفهم صدقينى ...لو مفهمناش ومهتمناش بالى بيحصل فى لبنان ومتعلمنش هانبقى العن الف مرة

الدتوينة راقية جداا والجميل التعليقات بجد...

استمتعت ..جدااا...اسمحيلى اضيف المدونة فى مفضلتى...تحياتى

بنت القمر يقول...

حنا السكران
هو الحقيقه الهم همين يا عزيزي
ولكن زي ما تقول كثر الحزن يعلم البكا طبعا لا اقصد ابدا مالي ومال لبنان من باب حب الذات والانشغال علي النفس فما زلت ابحث عن الاخبار بأبره قريت تعليقك اللي نشرته نوارة
ولا اختلف معاك ابدا و اعتقد ان يمكن المقاومه في مصر لا يختلف عليها اتنين واكتر من لبنان ربما
شخص السيد وبطولاته وما انجزة وبذله في الحرب الاخيره
يخلي الاعمي يشوف
كلام مش افعال
لكن الحقيقه ولأني مهتمه بالحاله اللبنانيه لانها مثيره وغريبه ومتشابكه مش قادرة افهم كيف يجتمع الاخرون خلف شخصيات زي جعجع وجنبلاط
شاهدت حلقات وحلقت عن الحرب الاهليه علي الجزيرة الوثائقيه
الجميع الحقيقه مجرم ويداه مخضبه بالدماء او خارج من السجن او عائد من المنفي
لا احد منهم طاهر ابدا ولا حتي بتوع 14 اذار
مش قادرة افهم كيف يجمعون حولهم اي مريدين وانصار
واحد زي الجميل الابن اللي كان في فرنسا او جعجع في السجن اوالادهي جنبلاط ذو التاريخ الاسود
اتذكر كلماته قتلونا وقتلناهم هي كده الحرب
ربنا يحفظ بلدكم ويحمينا من مصير اي حرب اهليه او طائفيه وكلنا يا عزيزي في الهم شرق وادعوك لقراءه تعليق الغزالي رقم 12
تحياتي
ولعل القادم افضل ان شاء الله
تحياتي

بنت القمر يقول...

راجي
فعلا الاهتمام فقط هو المتاح بعد ان اصبح العجز لبانه نجيد مضغها جيدا علي رأي صديقنا_عدي النهار
تحياتي

بنت القمر يقول...

يحي المصري
سعيده انك شفت الربط اللي اقصده بين مصر ولبنان كحاله
اوكمصير
ربنا يدينا الامل عشان نقدر بس نواصل هذه الحياة الكئيبه
منور يا يحي

بنت القمر يقول...

محمود المصري
تعليقك يوافق ما قاله حنا السكران وهو مدون لبنانب{ جو غانم} ومؤيد للمقاومه
ادعوك لقراءة ما قاله تفصيلا في الرابط اللي وضعته عند نوارة
وانه نصر الله لا يريد القيام بحرب اهليه
وان كنت اراه بشر في النهايه وقد يخطئ ويصيب ويستفز
ومحدش يقدر ابدا يضمن المستقبل
وخصوصا ان ايدي سوداء ما زالت تتآمر
نقطه حزب الله وحماس
شوف انا ها اريحك وها اجيب هالك علي بلاطه
البعض رافض اي صبغه اسلاميه للحل {حل اي مشكله}بمعني حماس سنيه وجيرانا وقد يري البعض انها امتداد للاخوان وده بالنسبه لهم مرفوض وها بقوي شوكه الاخوان
يقوموا يقولوا امن مصر وسياده مصر
والاخوان الحماساويه التيييييت استباحوا حدودنا
وبقيه الاغنيه اللي انت عارفها
كأن فناء حماس او اي فصيل مقاوم هو تدعيم لامن مصر كأن اسرائيل وترسانتها النوويه لما ها تضربنا ها تقعد تفرز ده كان مع او ضد حماس
ولاحظ ان معظم اللي هاجموا حماس ليهم موقف معادي اصلا من الاخوان فهمني يا باشا؟؟
يعني لو حماس حررت فلسطين تبقا مصيبه اما حكايه الحدود.. وده حق يراد بيه باطل لو كان الحزب الشيوعي او كتله مش عارف مين او الفتحاويه هما اللي عملوا كده اعتقد يقينا ان موقفهم ها يكون مختلف
محدش نزيه يا محمود ولا خالص النوايا
والخطير جدا انه محدش موضوعي!!
تحياتي

بنت القمر يقول...

بيلا
انهارده لقيت كتابات تانيه عن لبنان والحقيقه انا مكنتش اقصد اني اشرح الحاله اللبنانيه { وانا هاجي ايه جنب المحطات الاخباريه ولا واحد زي جو غانم هم اقدر علي تشريح الحاله}لكن فقط كنت ارغب في الربط بينا وبينها
من حيث المشاكل والخوف من هذا المصير
تحياتي يا بيلا
وبصي علي الروابط

مـ~ـاجدولين يقول...

مدونتك جميله يا بنت القمر

وانامعجبه بحسك العربي وتناول قضيه لبنان
واحنا فعلا متابعين عل ى القنوات الفضائيه ولا نستطيع ان نتحدث في المدونات لعدم المامنا بالوضع الحقيقي السياسي البناني

زوري مدونتي مشكوره

تحي لك

Ahmed Kamal يقول...

ما يحدث في لبنان ليس حربا بالوكالة و لكن جزءا من حرب أكبر ، و يجب النظر إلى التحالفات لمعرفة من يحارب لمصلحة أعداء الأمة و من يحارب لمصلحة بلده ، و تاريخ جعجع و جنبلاط معروف ، و إذا كنا متأكدين من عمالتهم و خيانتهم فلا شك أننا نؤيد الطرف الآخر .

يبقى الربط بمستقبل مصر و علاقتها بما يحدث ، و الحقيقة إن موقف مصر الرسمي مفهوم و يصب في صالح تحالف واحد أيضا كما هي العادة ، مما يدل على الموقف المستقبلي عندما ينفجر الوضع - عاجلا أم آجلا - و عتدها يجب ألا ننسى تاريخ العملاء ، و يجب تأييد الطرف الآخر مهما كان شكل الحرب الإعلامية التي تحول البطل إلى خائن و تشوه المناضل إلى باحث عن السلطة و هكذا .

و في النهاية سوف نجد أن الحرب التي تدور بشكل سافر في لبنان ، هي نفسها في كل الدول العربية (العراق ، فلسطين ، مصر ، الصومال ، الخ) في شكل صراع بين حلفاء أعداء الأمة و بين الأمة نفسها . صراع تختلف شدته و تختلف أسماء رموزه ، و لكن يظل هو نفس الصراع ، و نظل نحن باحثين عن بوصلة الصواب و الخطأ في كل تجربة.

Ahmed Kamal يقول...

نسيت أقول إن توزيع الأدوار يقتضي أن يكون موقف مصر بعيد عن التأثير اللازم لأن هذا الدور تقوم به السعودية ، بينما تتدخل مصر في ملف فلسطين و تؤدي دور الدولة العربية "المحايدة".

فاتيما يقول...

بنت القمر
بالتأكيد الحالة فى مصر مختلفة
و على أد ما كنت بحسد البنانيين على أعتراكهم للسياسة و كأنها الخبز اليومى بس عندهم حالة غريبة موش عارفة أوصفها بس البلد ممكن تقوم فى لحظة و تعقد فى لحظة بشكل غريب جدا
أنا من عشاق حسن نصرالله بس مهواش مقدس عندى هوه فى النهاية أنسان عادى بس بصراحة الصراعات اللى وراء الستار إحنا الناس العادية منعرفهاش و بصراحة اكتر وليد جنبلاط دا مبينزلييش من زور أبداً و بحس إنه منافق و بتاع مصلحته و إبن الحريرى جلباب أبيه واسع عليه و المسألة زى ما تكون صراع نفوذ بين كام عيلة ساكنين فى زمام عندنا موش فى بلد بحاله و المؤلم عدد القتلى المتزايد ...
عنك كل حق فى إنشغالك ماهو مبقاش ينفع نتجاهل اللى بيحصل حوالينا
و ربنا يحفظ لبنان من كل شر
و يهون علينا إحنا كمان
دمتى بكل خير يا حبيبتى

بنت القمر يقول...

جبهه التهييس
اولا شرفتي
جميله طريقتك في الشرح وانا عندي شويه المام بالموضوع
لكن الامور لانها واضحه وبسيطه بالنسبه لنا اعتقد انها مش كده.. علي الحقيقه في ناس بتؤيد الموالاه وليهم ميليشيات
وليهم قوة حتي لو كانت مش قد حزب الله لكن بستغرب ان ناس بتؤيد واحد زي جنبلاط معترف علي الجزيرة وثائقي برنامج ل
{احزاب لبنان} بمجازر واهوال
واحد زي جعجع
طالع من سجن واحد زي الجميل الابن الي كان مأنتخ في فرنسا!!
ازاي بيقدروا يقنعوا الناس بمشاريعهم مقابل ناس بذلت دم
ويقلبوا الحقايق بأن حزب الله يريد فتح طريق لايران الي المتوسط
الناس دي عجيبه بجد؟؟
الهدف بتاع البوست بتاعي هو مقارنه بين مصر ولبنان
ننشغل يجوة اولي ولا بره؟؟ نفس المصير منتظرنا يا تري
طبعا انتي عارفه الاحتقان الطائفي والغلا
واحوال الصعيد ممكن تقري تعليق الغزالي
اعتقد ان كل ده بيدفعنا الي مصير لبنان تدريجيا رينا يستر
تحياتي

بنت القمر يقول...

عدي النهار
طبعا انت زهقت من جايزة افضل تعليق
عشان كده ها تاخدها المرة دي مع الغزالي مناصفه
مصرنا ولبنانهم كان شقير مرة بيقوزل اكتر حاجه الناس ما بتخدش بالها منها في اي تدوينه هو العنوان اعتقد انك قريت كويس وفهمت ربطي باحداث لبنان مصر
*************
العجز بقى لبانة بنمضغها كويس أوى المهم ومش باقى لنا غير محاولة فهم اللي حاصل وعدم تغييب وعينا
*************
جامده اوي وموجعه ادينا عمالين نحاول نستوعب اي شيئ من التراجيدامحيطه ادعوك لقراءة تعليق الغزالي منور

Abd-Alrahman يقول...

الوضعين يحزنوا الصراحة
بجد الواحد مش عارف يقول اية
بس مفيش في ادينا غير الدعاء

كانت اول زيارة ليا في مدونتك
بجد مدونة جميلة
ربنا يوفقك
وياريت اشوف لقلمك اثر في مدونتي
المتواضعة

عبدالرحمن

someone in life يقول...

بنت القمر

كيف حالك .. فعلا الغلاء اصبح طاحنا في الماضي كان الناس يشتكون و اقول الحمد لله نحن شخصان فقط و لكن الأن الدخل مع الأسف لا يزيد و الأسعار ترتفع جدا امس ذهبت للغذامع ابني الاسعار اصبحت الضعف و الكمية أقل فكرت ماذا لو اسره من أربع أفراد كم ستدفع ؟ و كم مرة ستتاح لهم الفرصة للخروج معا؟ خاصة ان مصر ليس بها اماكن اقتصادية او اماكن مفتوحه بوجبات سريعه و نظيفه بسعر معقول مثل الخارج . اليس هذا يزيد العبء النفسي ايضا على الأسرة لألغاء بند الترفيه ؟ كل شئ اصبح خانق
امس في الأخبار شاهدت الشارع اللبناني في الأخبار به محلات و سيارات جميلة و حديثه فكرت عندما يحدث انفجار في منطقة ما و يفقد انسان ما ممتلكاته لمجرد انه يقطن في هذا الشارع ماذا يكون شعوره ؟ وكيف لديه القدرة على ان يبنهض ثانية و يحاول التجديد و شراء اخري ؟ اظن انه تعود و ثقافة انهض حاول .. تحياتي

بنت القمر يقول...

مواطن مصري
اولا بحيي تحليلك
واشكر مرورك
ورغم ان خيوط المؤامرة بتتشابك وتتقاطع كثيرا في المنطقه الا اني كنت بحاول اربط بين مصر ولبنان
من ناحيه المشاكل والتحديات والخوف علي المستقبل اهلا بيك وفي انتظار زيارات اخري
اضفت تحليل حضرتك{اللينك الي البوست}
ليستفيد منه الاخرين
تحياتي

بنت القمر يقول...

علي باب الله
مشكله ان مصر يخنقها الفساد والغلا
ده مشكله
ان مصر تعوم علي بركان طائفيه
مشكله
ان مصر يكون فيها قري متكدسه سلاح مشكله
ان محدش عارف مين هايتولي رئيس بعد مبارك
مشكله
نورت

بنت القمر يقول...

.:.-=- ELGaZaLy-=-.:.
اولا اهلا بيك اول زيارة
تعليق سيادتك متميز جدا ويمكن حضرتك من القلائل اللي لقطت الربط اللي عاوزة اقوله عن حالتنا بالمقارنه بالحاله اللبنانيه
الخوف من بكرة
البلد لما يموت مبارك مش باين لها رئيس
عايمه علي برطه طائفيه
غلا وفساد
ربنا يستر
المدونه تتشرف تكون علي مفضلتك
تحياتي

بنت القمر يقول...

مـ~ـاجدولين
اهلا بمرورك
والله مصيرنا كعرب مرتبط ببعض جدا واللي بيحصل هنا او هناك مرتبط ببعضه
الفكرة ان الواحد مش عارف يزعل علي ايه ولا ايه؟
علي بلادنا ولا علي بلاد الا خرين
اهلا بيك
وها اطل عندك حاضر
شرفتيني

بنت القمر يقول...

احمد كمال
يا ريت يا عزيزي واعتقد ان تعليقك يشابه تحليل نوارة{جبهه التهييس} ان الامور واضحه كدة وبسيطه
والصح باين والغلط
والعميل والوطني
الامور مختلطه جدا بدليل ان شخص زي جعجع او جنبلاط ليهم ميليشيا ولو مأجورة
ليهم ناس بتشيل السلاح عشانهم
المصيبه ان في ناس لسه بتنتقد النهج المسلح للمقاومه
لسه ناس بتقاوح وتقولك ايران عاوزة تمد سلطانها
ايران اللي في اخر الدنيا خايفين منها
مش اسرائيل اللي حطيتها جنب حيطنا
للاسف مازال النالس بتلبس الحق بالباطل
ويا خوفي علي مصر تلاقي المصير ده في يوم
اشكر مرورك جدا وتحياتي

بنت القمر يقول...

فاتيما
اهلا بيك يا ام يوسف
كلنا بنخاف علي لبنان وكنت اقصد اربط بين الاوضاع هناك وهنا من ناحيه المشاكل
والخوف علي المستقبل
الخوف علي بلدنا علي مصر الحقيقه الواحد مش عارف يزعل علي ايه ولا ايه
تحياتي يا صديقتي

بنت القمر يقول...

Abd-Alrahman & NOUR
يا ريت يكون في ايدنا اكتر من الدعاء لكن مش واضح
غير الانتظار والدعاء
اشكر مرورك جدا

بنت القمر يقول...

someone in life
يا عزيزتي ورغم ان مصر مفيش زيها
لا جمال ولا هوا ولاحضارة لكن الغلا بيخيليكي مش قادرة تستمتعي بأي شيئ
اي خروجه بتحسبي تمنها
اي مشوار بتحسبي تكلفته وللاسف الامر بيزيد يوم عن يوم ناهيك بقا عن انه يكون عندك احلام تغيري السكن او العربيه
او تحسبي فلوس المصيف من الشتا
وصلتك فكرتي يا عزيزتي
شرفتي المدونه تحياتي

بنت القمر يقول...

nonoymm
ابعد من ذلك؟؟
سواء هنا او هناك
مصر او لبنان
يا رب ما يكونش في اسوأ من ذلك
المستقبل مخيف جدا يا صديقتي
نورتي واسفه علي لخبطه الردود
تحياتي

Ahmed Kamal يقول...

مش عارف ليه حاسس إن ردك علي زي ما يكون على تعليق تاني :). أنا ماقولتش إن الأمور واضحة للدرجة دي لأن الإعلام له دور في رسم الصورة في لبنان و غير لبنان ، و تعليقي كان له بعد مختلف عن نوارة و إن كان عجبني تعليقها ، لكني أشكرك على الرد و على فتح الموضوع ده.

تحياتي

بنت القمر يقول...

احمد كمال
اقصد
بالتشابه بين تعليقك وبين تعليق نوارة تشابه في توصيف الحاله واعتقد انه محدش مختلف معاك فيها لكن اللي اقصده أن ما يبدو ظاهرا لنا لا يحتمل شك او جدال يبدو علي ارض الواقع{ اللبنانيه} يحتمل
البعض يتشيع لمن نراهم قتله وخارجين علي القانون
والاخر يري خيوط المؤأمرة تدبر وينساق
تحياتي واشكرك

مواطن مصري يقول...

لبنان عاملة زي طبق الكشري
كلو مع بعض و ضد بعض و ضد
فيناس ضد ال ضد
و في ناس جوة المع ضد المع
و هكذا

فهمتي حاجة

انما مصر
اولا لية تحشر نفسها في مشكلة عويصة
و صعبة و سايبين امننا القومي
في الجنوب
ع البحري
نحل مشكلة دارفور و نعمر مصر و السودانو بعض كدة نحل لبنان

adhm يقول...

كاميرات حزب اللة والدفاع عن بيروت