الأحد، مايو 04، 2008

هاجه هلوه هالص

تقودني الصدفه البحته للبحث عن حقيبه ظهر الي منطقه الابراهيميه حيث المعرض الصيني اعياني البحث عن الحقيبه فدخلت لعلي اجد ضالتي...
البضاعه رخيصه وشعبيه تظهر البائعه الصينيه القصيره بين أرديه النوم النسائيه المنسدله كستائر المسرح _تاركه وجبتها في العلبه المعدنيه_عباره عن ارز البيض مسلوق وحبات فاصوليا خضراء بدون تقطيع... تعرض بيع بضاعتها ارفض بادب
تعرض مرة اخري رداء نوم وبيجامات من الساتان الخشن وتعرض عليّ المزيد والمزيد ارديه تشبه ما ترتديه {رجاء الجداوي}في مسلسلات التلفزيون ارواب لها ريش طاووسي واخري لها تطريز وشقوق من كل جانب لا تصلح لي ابدا ..
اعتذر لها بلباقه تصعد علي كرسي خشبي صغير تستمد منه طولا اضافياليمكنها من سحب روب ساتان كعرض اخير وتردف قائله بابتسامه دي هاجه هلوه هالص.... وتحاول مخاطبه الانثي داخلي في محاوله مستيته للبيع.. اشعر بحرج بالغ فاشتريه منها{ اهو ينفع للصلاه او فتح باب الشقه}.مجرد خمسين جنيه فقط جبر خاطر لتعبها..
اواصل التجول في المعرض اتذكر اريد شراء شيئا اخر اتوجه الي ركن اخر في المعرض تتولاه بياعه مصريه فأسألها عليه فلاتنظر الي عيوني ابدا ولاترد ...هي عليّ فهي منهمكه في امر جلل تمسك قطعه من البسكوت وكوبا من الشاي تغمس البسكويت في الشاي ومعه تنغمس مقدمه اصابعها القذره وتاكل في نهم اكرر سؤالي عن القطعه
ترمقني بنظره{حاده}وتسحب اصابعها من كوب الشاي وتلقي لي بالقطعه ...انظر لها لاتناسب مقاسي اطلب قياسا اخر... ترمقني مره ثانية وتصر وتجيب هيّ دي مقاسك يا ابلة...... وتصر واصر انا ايضاعلي مقاس اخرو أضع وقناعا بلاستيكيا علي وجهي واصر انا ادري بمقاسي... تشيح بوجهها الغبي الي جهه العدم وتردف تعال شوف المدام عاوزة ايه يا حمو؟؟
يظهر حمو من اللامكان كأنما انشقت الارض عنه .. تملأ وجهه الجروح واثار الشجار.. تكسوه سمرة البحر... يسدد نظره الي مباشره عيون حمراء بلون الدم وصوت مبحوح مخيف...قائلا ومتحفزا: خير يا ابله؟؟ اردو اطلب منه قياسا اخر..
. يقلب حمو كرتونه بجواره بغيرنظام ويخرج القطعه..
ويتابع باوتوماتيكيه قائلا..{خمسه جني يا ابله}..ادفع الخمسه لها فهي صاحبه المطرح تمد هي يدها وتاخذ النقود وفي طريقها _يدها_الي النقود تنثر قطرات الشاي علي البضاعه المرصوصه امامها ملوثه اياها اهدر وقتا كبيرا في تلك اللعبه المقيته هذا الوقت يساوي غرامه خمسه وعشرين جنيه ثمن غرامه ركن في الممنوع امام المعرض الصيني مقابل شراء قطعه ثمنها فقط {خمسه جني يا ابله}
******************
!ملحوظه غير ذات صله: الصين تنجح في استنساخ اول ارنب!

هناك 24 تعليقًا:

mohand يقول...

هاجه هلوه خالص

هما بيعرفوا يبيعوا ازاي

ورزق قليل في بيع كتير يجيب رزق كتير

دا قانونهم

اتعاملت معاهم قبل كده

ناس بتقدس الوقت والعمل بس لما بيعاشرونا اكتر بيتحولوا ويبقوا زينا

تحياتي

Wael يقول...

عجيب فعلا امر الصينيين

مسافرين عبر البحار من بلادهم لغاية عندنا عشان مكاسب زهيده

وان دل هذا فانما يدل على مدى اجتهادهم واستحقاقهم لما وصلوا اليه بالمقارنة بامثالنا , هاجه وهشة هالص :(

يا مراكبي يقول...

الموضوع ده لا يميز الصينيين وحدهم عن المصريين

بل توجد شعوب أخرى كثيرة تتقن فن التسويق والبيع وتحترم مهنتها تلك .. إلا نحن

لنرى مثلا إذا دخلتي إلى مطعم ما في لبنان .. سيشعرك الجميع بأنك العميل رقم واحد في ذلك المكان

ناهيك عن حلاوة اللسان وحسن الحديث مما يجعلك تحبين أن تنفحيهم بقشيشا كبيرا .. وهم لا يطلبونه

ولذلك .. فنحن دولة طاردة للسياحة فاشلة في التسويق

عدى النهار يقول...

كويس إنك خرجتى سليمة من عندهم. هو نموذج موجود فى كل مكان.. صادفته فى السعودية وكندا كمان! مش بالظبط يعنى لكنه موجود. بس الحق إن الغالب هو المعاملة الكويسة.. أقصد فمصر وغيرها

dodda يقول...

يا ستى ميروك على الروب الجديد دا هلو هالص
المصريين بيستخسروا فى بعض الكلمه الهلوه والمقابله الهلوه واى هاجه هلوه
تصدقى فى دكتوره صاحبتى بتقوللى السعوديه بطلت تطلب دكاتره من مصر
مش عشان الجهل!!!
لا عشان سوريا ولبنا الدكاتره لسانهم هلو!!!!

خمسة فضفضة يقول...

السلام عليكم ورحمة الله وبركاته

عشان كده هما نجحوا وانتشروا ف كل الدنيا زي الجراد واحنا لسه محلك سر
وشوفي الصين بقت فييييييييييييييين واحنا فين مع اننا بدأين مع بعض في الخمسينات وبنفس النظام الاشتراكي

blackcairorose يقول...

شوفى ياعزيزتى
لو جالك مليون رد على البوست هتلاقى كلنا بنجمع ونبصم بصوابعنا العشرة اننا كمصريين منعرفش فن التعامل والتسويق والاخلاص فى الموضوع ده


فى بلاد بتحفى علشان زبون واحد يدخل المحل، لكن هنا شوية شوية ممكن صاحب المحل يطردك لو ضايقتيه شوية او لو كان مزاجة متعكر لسبب أو تانى

بجد احترت فى تصرفاتنا وانى افهم سببها، هل هى مزيج من الضيق من العيشة على جهل على غباء على على على

ولا احسن الواحد ميحاولش يفهم لانه مش ممكن نفهم

Hypatia يقول...

انا عندي عقده من المنتجات الصينيه بس هما مشهودلهم بالشطاره فى كل حاجه واحنا للاسف مشهودلنا بالقرف والاستهتار والكسل واللامبالاه
بس زى ما احمد القاضي قال فيه جنسيات كتيره زى الصينيين كده فى التسويق والاهتمام بالعميل واللبنانيين والسوريين ماشاءلله عليهم شكل حلو واسلوب حلو ومعامله حلوه بجد انا بابقي سعيده جدا لما باتعامل معاهم وهنا كمان حتى اصحاب الاعمال بيفضلو يشغلو الشوام والصينيين فى التسويق بالذات

جتنا نيله

بنت القمر يقول...

مهند
عشان هما شاطرين وبشوشين هما حلوين وكمان صبورين ومؤدبين لكن احنا مستغنيين ومعوجين وكشرين
:(
عشان كده هما هلوين واحنا منيلين وفاشلين منور
حكمه اليوم
اللي عنده محل وعاوز يبوره
يجيب بنت كشره تدوره
:)
تحياتي

To a friend يقول...

هو فيه قاعدة عامة لأي بياع أظن اصلها صيني أو ياباني: اذا كنت لا تستطيع ان تبتسم فلا تعمل بائعا

ده غير ان الاساس ان الزبون دايما علي حق

انما للأسف الكثير من الباعة يتعامل مع الشاري علي انه شخص دنيء داخل يأذيه و يتعبه مش ينفعه

شطارة البياع طبعا مش مرتبطة بجنسيته لأن فيه بياعين شاطرين مصريين كتير يخلوا الواحد يشتري اي حاجة من ذوقهم
يمكن ده لذكاء البياع

غير معرف يقول...

لا يسعنى ألا أن أقول .. شطار

دعوت لك فى الكعبة بأن يصلح الله من حالك .. ويكتب لك التوفيق والنجاح فى مسعاك .. ويرزقك من أوسع الأبواب .. ويحفظك من كل شرّ

اللهم تقبل دعاء

بنت القمر يقول...

وائل
مدونتك هايله
ورحت اتفرجت انهارده لانها تحفه ومليانه حاجات مهمه لاي مدون قديم او جديد اشكر مرورك
:
:
:
يا مراكبي
انا الحقيقه مش عارفه ايه السبب
يعني حتي البنات اللي بتاخد نسبه علي البيع في اي محل
وتبقي عاوزة تبيع باي شكل بتخنق الواحد وتحاصرة ومتسيبلوش اي فرصه يفكر او يختار
واحيانا كمان تفرض زوقها علي الواحد
الحقيقه الصينين في مصر
زيهم في دبي
نفس الصبر وطول البال والبشاشه
ماهو مش معقوله هما ما بيحسوش واحنا بس اللي عندنا ضغوط
لكن المصرييين يره بيشتغلوا افضل كتير
وبيكونوا زوق ومش قادره احدد السبب
تحياتي

بنت القمر يقول...

عدي النهار
علي فكرة انا لما بقول حاجه عن مصر او المصريين وانا تحديدا متعصبه جدا للبلد دي واهلها بكون غصب عني وقلبي غضبان وغيران
والهدف من البوست ده والدافع وراه هو الغيرة مش اكتر
احنا اقل في ايه
احنا مش بنحافظ ليه علي مصلحتنا
شوف نسبه الناس دي اللي قصدتهم بتزيد
وبقا اقولك خالي اللي في كندا بيشتغل في شركه بدل رجالي ودايما يقول ان المبدأ ان الزبون دايما علي حق
وان الافارقه لما حد بيهملهم مثلا بثوروا بشده
وبيبدأوا في الصريخ باعتبار انهم لهم حق في المحل اللي لولا فلوسهم مكنش وقف علي رجله!!
والحقيقه الفكرة دي عجبتني اوي
وعملتها مرة مع صاحبه محل كلمتني بقله ادب وبهدلتها باعتبار طبعا ان لحم كتافها من خيري
((((:
والحقيقه كانت تستاهل
لكن مقدرش اعمل كده كل شويه لانه تلف لاعصابي انا الاول احينا اترك البضاعه وامشي عشان معملش شغلانه!!
فا بخلي ده حل في الظروف القصوي
((((:
تحياتي

بنت القمر يقول...

dodda
اهلابيكي حتي الدكاترة برضه!!
دي هاجه فضيحه هالص
طب والله انا اشريت الروب وانا اصلا مش محتاجاه
بس مش ها يخسر
اللي كنت عاوزاه اشتريته بالغصبانيه وحرق الدم
منورة يا جميله
وابقي تعالي تاني

بنت القمر يقول...

خمسه فضفضه
***********
وشوفي الصين بقت فييييييييييييييين واحنا فين مع اننا بدأين مع بعض في الخمسينات وبنفس النظام الاشتراكي
***********
تصدقي نظريه برضه
مش عارفه ايه السبب بجد الجو العام ولا سوء التقدير والغباء مش عارفه
تعرفي انتي
(((:
منورة

بنت القمر يقول...

blackcairorose
طبعا انا مش ها يجلي مليون رد
((: كفايه انتو عليا
حكايه احنا ما بنفهمش
طب ما بنفهمش ليه
ايه السبب
جيناتنا كده مثلا
ولا ما اتعلمناش
طب لما كده مش بنتعلم ليه
ابقي بقي تابعي البوست الجديد لانه عن نظريه الفهم
(((:
نورتيني خالص

بنت القمر يقول...

نسرين بسيوني
لما كنت في دبي من اربع شهور\
وكنت في المول
كان ممكن استني في اوضه القياس والبنت تجيبلي اي مقاس من اي قطعه واي لون عشر مرات
وتفضل رايحه جايه ومن غير ما تزهق
ولا تتأفف
لحد ما تكسفك
لكن هنا اي اتخن مول لو طلبتي اي قطعه مرتين تلاته وشويه وتقولك وفري نفسك ومش عاوزينك تشتري انتي ها تقرفينا
!!!
بعض اصحاب المحلات عرفوا كده او لاحظوا فربطوا الاجر بنسبه من البيع
وما اقلكيش بقا
هاتشتري يعني ها تشتري بكل براده
لما رحت دبي وادخل محل وما اشتريش
وانا طالعه
لازم البنت تقولي ثانك يو مادام
كام اجين بليز
(((:
تقوم تكسفس وتقولي لازم اشتري اي حاجه جبران خاطر وخلاص!!
منورة نوسي

بنت القمر يقول...

فضفضه نور
في اكيد ناس زوق بس مش كتير يا نور
والنسبه بتقل
بياعات جرين بلازا هم الاسخف وانتي عارفة طبعا
((:
ميرسي يا جميله
منورة

بنت القمر يقول...

شريف
الف حمد الله علي السلامه
بجد انت انسان فوق الوصف
يارب ليك زي ما دعتلي
اللهم احفظه
واحفظ زوجته وبناته
اللهم ارزقه الصحه والعافيه
والمال
وراحه البال
وبارك فيه
انت انسان بجد
ربنا يكرمك
مش لاقيه كلام اعبربيه عن شكري
اخجلني زوقك جدا
مصر والبلوجر نوروا بعودتك
تحياتي

عدى النهار يقول...

مافيش معنى للبوست جه فى بالي غير المعنى اللي إنتى قصدتيه وأوضحتيه فى تعقيبك :) أنا بس لمّا قريت البوست جه فى بالي أمثلة لبائعين صادفتهم.. منهم الكويس ومنهم اللي يغيظ. ربنا يهدى

زمان الوصل يقول...

بالرغم من التباته المعروفه للبائعين المصريين بس انا بقيت اتخنق من الصينيين !! و بصراحه لم نعد نشترى منهم من باب العند .. وجودهم فعلا اصبح خانق و بقيت اشوف فى كل واحد او واحده فيهم مشروع حرامى صغيّر جاى يسرق حتّه من اللىّ فاضل عندنا وهو ليس بالكثير .. بس استحملتى موضوع "يا ابله" ده إزّاى !! :)

اسكندراني اوي يقول...

عشان كده هما ناجحين في كل حاجه
في الانتاج والبيع والشراء وكل حاجه

اما احنا العنطظه الفرعوني راكبنا

حنقول ايه ولا ايه

المهم اخبار الابراهيميه ايه ؟؟؟؟

بنت القمر يقول...

زمزم العزيزة
الصينين عرفوا يحلبوا البقرة العجفاء
!!!!!!!!!!
شطارة مش كده؟؟
يا ابله ارحم من يا مدام
:(
منورة

بنت القمر يقول...

اسكندراني اوي
الابراهيميه جميله زي ما هي واسكندريه جميله وكل يوم بتكبر وبتزيد غلاااااااء
الدنيا بقت نااار يا اسكندراني
بجد مما يفسد الاستمتاع بأي شيئ
!!
تحياتي