الاثنين، يونيو 02، 2008

بائعه الخبز.

حين حضرت ايمان من مدينتها الصغيره المجاورة للاسكندريه لتبيع الخبز تحت العقار الذي اسكن فيه زوجه عشرينيه لها جمال ريفي مميزولها بنتان صغيرتان
ايمان صنعت عالما جديدا يملؤها النشاط وترتسم علي وجهها ابتسامه جميله صنعت علاقه ود سريعه مع الباعه المجاورين وعمال الجراجات..
اشتريت منها كألاخرين يوما بعد يوم زادت مساحات السرد بيننا ايمان تحضر الخبز وتركب به سيارات الاجرة واحده تلوالاخري ومع وصولها لمنتصف شهور الحمل تحتاج مساعده من الركاب لحمل الخبز علي رأسها ثم لوضع الباقي مرة تانيه فوق سيارات الاجرة.. عملها هو توزيع الخبز في الفرن الذي يمتلكه زوجها وامه... العمل الشاق وحرارة الشمس والسفر اليومي وتركها لابنتيها في عهده احدي ا لجارات ليس هو ما يضايق ايمان
لكن ما يزعجها فعلا هو معايره الحماة لها بعدم انجاب الولد تود ايمان بشده ان تنجب ذكرا في حملها التالت لتحصل علي معامله افضل ولتستطيع الجلوس مع بناتها وقتا اطول....ادعو الله من قلبي ان يمنحها ما تريد... تمضي الشهور يزداد وجه ايمان نحولا وتختفي ابتسامتها مع تقدم شهور الحمل... اشفق عليها ولا اجد ما اقدمه لها سوي منها بعض الماء البارد او وجبه صغيره لتساعدها علي التحمل واعطيها { اللي فيه النصيب} في يوم تختفي ايمان فقد حان موعد ولادتها
ادعو الله ان يمنحها الولد....يطول اختفاء ايمان اسأل عنها بائع الجرايد المجاور...
فيخبرني: ايمان تعيشي انتي ماتت وهي بتولد... بس الحمد لله جابت محمد وزي الفل!! جالها نزيف ولاده من الاجهاد والانيميا والكاترة ملحقوهاش...وتركت البنتين لكنها منحت هذا العالم ولدا ذكرا.. يضاف الي ملايين الذكورفيه...
مرت ثلاث سنوات علي رحيل ايمان ما زال يخيل لي اني سأجدها يوما ما تجلس في مكانها وتوزع ابتسامتها للمارة وتبيع الخبز

هناك 33 تعليقًا:

.:.-=- ELGaZaLy-=-.:. يقول...

فيخبرني: ايمان تعيشي انتي ماتت وهي بتولد... بس الحمد لله جابت محمد وزي الفل جالها نزيف ولاده من الاجهاد والانيميا...وتركت البنتان لكنها منحت هذا العالم ولدا ذكرا.. يضاف الي ملايين الذكور...
مرت ثلاث سنوات علي رحيل ايمان ما زال يخيل لي اني سأجدها يوما ما تجلس في مكانها وتوزع ابتسامتها للمارة وتبيع الخبز
------------------------------
عارفة يا بنت القمر بجد...قليلة هي الكتابات التى تجعلنى اصدم
رحمها الله واسكنها فسيح جناته يارب..
ربنا رحيم اوى ..وواضح من بساطة احلامها ومن سردك عنها انها كانت بلا اى امال سوى ارضاء زوجها..وحياة كريمة لبنتها...رحمك الله يا ايمان واسكنك فسيج جناته

اشك طبعا انكى سترى ايمان فى شارعكم ولكنى اثق انك سترين الكثير من من هم فى مثل حالتها...

رحمها الله...
وربنا يكرمك بجد جسمى اقشعر وانا بقرا البوست...

بنت القمر يقول...

.:.-=- ELGaZaLy-=-.:.
اشكرك يا عزيزي
الموضوع ده حطمني نفسيا لشهور وشهور
الصدمه مع تفاصيل اخري زي تركها في المستشفي في حاله سيئه
وزاد الطين نيله حضور حماتها لي مع البنات عشان تاخد اللي فيه النصيب.. اللي كانت بتاخده ايمان
حسيت ان دم ايمان علي ايديها.. الملابسات قاسيه جدا فقر وجهل وظلم.. راحت ضحيتهم ايمان
المشكله اني مش بنساها مهما طال الوقت.. وبعد تلات سنوات ما زلت اذكرها..
اشكرك واشكر مرورك

صباح الخير يا مصر يقول...

بنت القمر
**********
الله جاب..الله خد....الله عليه العوض
هذا هو منطق البسطاء ونلاحظه فى رد بائع الجرائد: ايمان تعيشي انتي ماتت وهي بتولد... بس الحمد لله جابت محمد وزي الفل
فالحياه ليست سهله ..الموت اسهل
تحياتى لوفائك

Bella يقول...

حرام عليكي

قهرتيني والله يابنت القمر

بس لو تعرفي ان فيه كتير زي ايمان ومنهم متعلمات وازواجهم جامعيين ويعملون في وظائف مرموقة والذكر بالنسبة لهم هو المراد من رب العباد
ولعلمك بقى كتير منهم غير مقتنع بأن الزوج مسؤول عن تحديد جنس المولود

لنا قريب بهذه المواصفات ولو قلت لك بيشتغل ايه ح تتصدمي

ولولا ان زوجته اهلها مراكزهم كبيرة جدا جدا كان اتجوز غيرها

بس مقهور جدا ان عنده 3 بنات
ولولا نفوذ اهل مراته كان خلاها تنجب تاني

بحثا عن الابن الذكر

منتهي

مش عارفة اقول ايه

بس قهرني قوي خبر وفاتها

الله يرحمها ويعوضها عما لاقته في دنياها

مساكين بناتها سيكون مصيرهن مثلها

لاحول ولا قوة الا بالله

خمسة فضفضة يقول...

السلام عليكم ورحمة الله وبركاته

حال ايمان هو حال ملايين غيرها ممن قهرهم الفقر والجهل والمرض
هذا الثلاثي اللعين الذي مازلنا نحاربه حتي ونحن علي مشارف العقد الثاني من الالفيه الثالثه

كان الله في عون الجميع

سلام

يا مراكبي يقول...

وياترى بقى أبو الولد فرح بالولد في الحالة دي؟ يعني هو همه كله إنه يكون عنده ولد ومش مهم زوجته؟ يقدر يفرح بالولد من غير ما زوجته تشاركه الفرحة دي؟

الإجابة للأسف أيوة .. وعقليات كتيرة جدا مازالت بتفكر بالإسلوب ده .. ومش الجهال بس .. ده متعلمين كمان بيفكروا كده .. ولله الأمر من قبل ومن بعد

بنت القمر يقول...

صباح الخير يا مصر
========
الحياه
ليست سهله الموت اسهل
جملتك عبقريه
نورتني
:
:
:
بيلا
حبيبتي اسفه علي ازعاجك!
ما زلت منزعجه من تلات سنين...
انا ام البنات برضه!!
نورتي

بنت القمر يقول...

فضفضه
============
جهل وظلم وفقر
خلطه الموت السريع
نورتي
:
:
:
:
يا مراكبي...
نجم التدوين الصاعد بسرعه البرق
مبروك النشر الورقي وعقبال نوبل للتدوين
:))
========
الام اخبرتني ان الزوج كان بيدور علي عروسه قبل الاربعين!!
عشان تربي الطفل اليتيم واخواته وغالبا ها تكمل مسيره ايمان في بيع الخبز وغالبا ها تكون حامل برضه!!
انت ابو البنات برضه مش كده
ربنا يبارك لك فيهم
خطوة عزيزة لاتقدر بثمن
:)

Unknown يقول...

وهل وجد محمد السعادة فى هذا العالم

سؤال يطرح نفسة

هل يستطيع توزيع الابتسامات مثلنا وزعتها امة مع الخبز كهدية ؟

... يقول...

حرام كدة
أبكيتيني يا فتاة علي الصبح
وخصوصا ان دة حال مبروكة زوجة البواب
أربع بنات حتي الآن وحامل لتأتي بالولد
طول عمري باقول انه مجتمع ذكوري متهبب
يخرب بيت كدة

الله يرحمها

Empress appy يقول...

يااااااااااا على تعب القلب بجد ربنا يرحمها يا رب حرام عليكى انا ناقصه ماشى ربنا يسامحك بجد

Hypatia يقول...

ماشاءلله عليكي يا موون
موهوبه ماشاءلله
خلتيني بكيت وانا بلمس اليومين دول اى حد ينفخ فى وشي باعيط
الله يرحمها ويرحمنا

اسكندراني اوي يقول...

لا حول ولا قوه الا بالله
ما فائده الذكر الان
لسه في ناس بتفكر بالعقليه دي
ولد او بنت كله كويس كله رزق من عند الله
في ناس محرومين من ضوفر طفل نفسهم لكن الله لسه لم يرد
وبعدين لازم الكل يعرف البنت والولد اه من عند الله لكن السبب في الموضوع ده الرااااااجل مش الست
امتى بقى الناس تفهم وتوعى وتعرف

نفسي نطلع من مستنقع الجهل اللي احنا منقوعين فيه
جاء الولد مشيئه الله
راحت الزوجه مشيئته ايضا ولكن
الم يكن من الافضل ان تبقى الام لرعايه البنات

لا اله الا الله

اسف للاطاله والانفعال
القصه صدمتني ونرفزتني

تحيات ليكي

someone in life يقول...

بنت القمر
الله يرحمها و يرحم اولادها مع اب قاسي و جده من غير رحمه . ايمان زي ام احمد و ام سيد و غيرها طبقة مطحونه للقمة العيش و الحياة في كنف رجل اعوج كل همه عيل و السلام و لا حتي يرضي رجولته وبس ايمان مش هنا بس هي كل امراءه في بلد ذكوري فقير . تحياتي

فاتيما يقول...

هيا ما متتش من النزيف
دى ماتت من القهرة
كان لازم الولد دا يعنى ؟؟
الله يرحمها بقى

Alkomi يقول...

الله يرحمها قدرها كدة

بالنسبة لموضوع الولد و البنت ماتتعبيش نفسك

بنت عمي الكبيرة متعلمة و جوزها متعلم معاها بنتين و هو طاير بيهم بس هية دماغها محسساها انها مش ولا بد او ست خايبة لانها ماعرفتش تجيب ولد
تحياتي عالبوست الجميل

hussein يقول...

انا معكو ان احنا مجتمع ذكورى من الدرجة الاولى ولما بيحاول يشرك المرأه بيشركها غلط بردو
بس اللى موت ايمان مش جوزها ولا حماتها اللى موتها الجهل و الفقر
خلينا نتخيل ان ايمان كان عندها ولد و بنت تفتكرو كانت هتبطل خلفه؟؟؟
الاجابه فى الغالب لاء احنا بنخلف من غير منعمل اعتبار لصحة الام فى ناس تلاقيها بتخلف كل سنتين دون اعتبار لصحة الام الاعتبار كله للسنتين مادام فاتت السنتين لازم يكون فيه طفل
ايمان كانت عايزه رعايه صحيه و اكل و حنان و حب بس احنا متربينش على كدا احنا اتربينا على البهدله و الكلام الجاف و الديكتاتوريه و حاضر و بس
ياريت كلنا ناخد اللى حصل دا عبره ادمنا و نستفيد منه مش نعيط شويه و خلاص
دمتى بخير

abderrahman يقول...

تخلف!!
احنا بلد متخلفة
كل القصص اللي الواحد بيسمعها مافيهاش لا علم ولا نظام، كله بالبركة
:(

bassma يقول...

هذا يحدث كثيرا ..لهن الله .. ولنا ايضا

الطائر الحزين يقول...

دققى النظر ستجديها فى وجوه الآلاف

اما هى ففى جنة الخلد

عين فى الجنة يقول...

يعنى اطلع من عند خالتى فى العناية المركزة الاقى حالة وفاة عندك؟
بصى من الاخر ايمان استريحت من الشقا والغلب
ولا عزاء للبيبى الرضيع

وعلى فكرة سلامة ضروسك معلش ملحقتش اعلق على البوستات اللى قبل ده فارجو المعذرة

بنت القمر يقول...

واحد مش فاهم حاجه
===============
يكفي محمد شرفا ان اتي الي العالم ذكرا
اهلا مرورك الاول
:
:
:

بثبوثه
========
طبعا تلاقيها بتمسح السلالم وتجيب طلبات للهوانم وحالها هباب بس الوااااد اهم حاجه يجي الواد يا ابله نظيمه
!!
اسفه علي ازعاجد بس مش صحابي إستحملوني بقا
:)

بنت القمر يقول...

ابي
=====
اسفه علي ازعاجك يا جميله
معلش الواقع مر يا عزيزتي... بقيت بقول كلام خالد يوسف
:(
:
:
:
نسرين
يا فلبي حقك عليا
ان شاء الله العدوين
ربنا يرحمنا جميعا
وحشتيني
ابقي تعالي
:)

بنت القمر يقول...

اسكندراني اوي
=========
ولا يهمك امال لو كنت تعرفها وبتشوفها كنت تقول ايه
لو كنت شفت بناتها يتما كنت تقول ايه الجهل والاعتراض علي نعمه ربنا
كأن صاحب الفرن محتاج ولد عشان يشيل اسم النبي حارسه ويورثه الابعديه
اسفه علي ازعاجك بجد
:
:
:
someone in life
============
الموت قدر من عند الله لكن الظلم مر اوي
وهما مرحموهاش حتي في ايامها الاخيرة في عز احتياجها ليومين راحه
استعبدوها وحلبوها بيدوروا علي غيرها قبل الاربعين!!
اكيد ربنا ارحم بيها من الناس
نورتي يا صديقتي

بنت القمر يقول...

فاتيما
========
ماتت من القهر والظلم في كنف رجل اعوج وحماه غير رحيمه زي ما قالت سم ون
نورتي وربنا يرحم الجميع
:
:
:
:
محمد الكومي
========
عندك حق الست رغبتها في ولد لارضاء المجتمع وعشان متحسش انها تقل اي شيئ عن اي اخري
او عشان متتحاصرش بالشفقه احيانا وبالشماته احيان اخري لكونها ام بنات بس
تفكير ناتج عن تربيه وفكر مجتمع
مهما كان الزوج معترض او غير معترض
اهلا مرورك الاول وتشرف دايما

بنت القمر يقول...

hussein
=========
اهلا مرورك الاول
فعلا قله الرحمه والعمل الشاق والديكتاتوريه والرغبه في ارضاء من يملك ومن يحكم....... تفسير منطقي ولا شك فيه
نورتني
:
:
:
:
عبدو باشا
========
تخلف اه بركه لأ
ده البركه متعرفناش
البركه رضا من ربنا.. وربنا ما يرضاش الظلم ولا الجهل
منور يا عزيزي

بنت القمر يقول...

bassma
===========
لنا الله فعلا
اسعدني مرورك وتشرفيني دايما
:
:
:
الطائر الحزين
========
انا عارفه انه زيها كتير بس عشان كنت بشوفها كتير وشربت الصدمه اكتر ارتبطت بيها بجد زي بواب عمارتك او غلبان في الشارع اكيد فقده ها يوجعك رغم انه زيه غلابا كتار
ربنا يرحمها بجد
اكيد هو ارحم بيها من الناس
نورتني

بنت القمر يقول...

راجي
=========
الله يسلمك... دعواتك الا الحكايه صعبه طحن جدا
ربنا ريحها لا شك في كده اكيد هو ارحم بيها من الناس ومطلع علي عذابها
اسفه علي ازعاجك
بس نستحمل بعضينا برضه ولا ايه
:)

خيرالدين يقول...

تجلس هى لتبيع وتسعى على رزقها وتبحث عن مساعده بينما يجلس هو
ينتظر الذكر تفشل هى فياتى بغيرها تموت هى يأتى بغيرها
المهم ان يأتى الذكر
بالذمه ده ذكر اصلا

رجل من غمار الموالى يقول...

رائعة جداً ومؤلمة هذه التدوينة
...............
الموضوع أكبر من النظرة الدونية للمرأة
ولكنها عن اولئك البشر الذين قُدر لهم الشقاء
....
اللهم لا اعتراض

blackcairorose يقول...

مجتمعنا مليان مآسى وقصص لا نعرف منها من الملوم

الفقر

الجهل

التقاليد الاجتماعية

السلبية

أم كل هذه الاشياء مجتمعة وهو ما يجعلنى أشعر بيأس شديد لأنه قد يكون من السهل تغيير أو أمل تغيير أحد الاسباب لكن تغييرها جميعا شبه مستحيل او على الاقل ليس فى المستقبل المنظور

وحتى ذلك الوقت ستكون هناك ملايين من ايمان يموتون كل يوم ولا ندرى عنهن شيئا

بنت القمر يقول...

احنا
قدرها... اه هو ذكر واتحسب عليها
:(
نورت
:
:
:
وجل من غمار الموالي
===========
عن اولئك اللذين قدر لهم الشقاء وقدر عليهم الظلم من الناس
نورت المدونه

بنت القمر يقول...

بلاك كايرو روز
===========
عندك حق ليس في المستقبل القريب
ولا البعيدبايمن كده
العالم يسير من سيئ الي اسوأ والحمد لله بفضل الظلم
نورتي