الخميس، أكتوبر 02، 2008

رساله الي قيس

عزيزي قيس

اكتب لك هذه الرساله اعبر لك بها عن ما يجيش في صدري وما تكنه لك نفسي اعبر بها عن عظمه مشاعري نحوك وا انعمت به علي وما استشعره من صفاء النفس وراحة البال!
لك وحدك اكتب لك يا من اختصصتني دون النساء بشرف معيتك ومن منحتني قلبك وعقلك واسمك حين ارتبطنا وتعاهدنا علي الحب واقسمنا علي الاخلاص بررت بعهدك.. وصدقت في التزامك ومنحتني من فيض حبك الكثير!
لاانسي يا حبيبي ابدا في رحلتنا كم كنت عطوفا ورقيقا ومحبا ولم تسمح للانواء والعواصف ان تعهدم عشنا وتغرق قاربنا فكنا مثالا لحسد الاخرين اللذين نظروا الي حبنا في عجب وتفكر فانت تعرف جيدا وتعرف وحدك كيف تحافظ علي هذا الكيان الاخضرالبرعمي!فتجعله عفيا قويابفضل ارشادك وحكمتك!!
وتدير دوله حبنا جيدا وقد اخذت زمام القياده
في دوله حبنا توليت انت كل المهام الصعبه رحمه بي ودلالا لي توليت حقيبه الماليه فكنت تدير خططنا الماليه الي يوم الدين تعرف ماهو العاجل وما هوالاجل وهذا حقك الاكيد !لانك وحدك تكسب المال انت الاحق بتوجيهه تمسك حقيبه الخارجيه لانك الادري بالناس وطبائعهم وتعرف من يقترب منا ومن لا يصح اقترابه فانت الرجل الذي تعترك الحياه!! وما انا الا سيده القصر المصونه تمسك حقيبه الداخليه وتعرف كيف يكون امننا وتحميه من الحاقدين والغرباء!!اما انا فلانك ديموقراطي جدا فقد منحتني حقيبه الصحه حيث اصحب ابننا الي الطبيب للعلاج وحقيبه التعليم فاتولي مذاكرته وحقيبه التموين فاتولي صنع الطعام و البيئه فاشرف علي نظافه البيت.... لقد منحتني الاعتمادات الكافيه لانجز تلك الاعمال فكانت دولتنا في خيرحال بفضل الديموقراطيه التي تسودها!!
غيرة
لم تسمح يوما للغيره انت تغرق قاربنا حين نمشي في احد المولات وتمسك بيدي في حنان كنت ترمق الرائح والغادي خشيه ان يطيل احدهم التحديق بي او يرسل لي ابتسامه او يختلس نظرة طويله الي مفاتني!! وحين نقف في احد اشارات المرور فانت تحميني من الاخر الذي يجلس بجواري في سيارة اخري فترمقه بنظره ناريه حتي يشيح بوجهه الي الناحيه الاخري خوفا منك علي من هؤلاء الذئاب!!
تدخل البيت فتحرص علي اغلاق جميع النوافذ والابواب خشيه ان يتلصص علي احد الجيران وقد بلغ حرصك علي الذي دافعه الحب ان تسدل الستائر خلف الزجاج خلف النافذه فاكون لك وحدك في بلورتك السحريه ارقد بامان!!
شك..
اما انا فقد سعدت بحبك وقدرت غيرتك المحمودة ولم اسمح ابدا للشك ان يفسد ما بيننا واصدقك دائما وحين قابلت خطيبتك السابقه في احد المطاعم بعد طلاقها فدعتك علي الغداءو حين لبيت دعوتها اخبرتني انك تثبت لها انه لم يبق بينكما شيئ!!! وانك لا تفكرالا بي!! وانك كنت تقارن بيننا في كل حين لتحمد الله علي ان منحك اياي!!! لقد صدقتك يا حبيبي ولم يغضبني ابدا فانت لي في النهايه اعلم انه لقاء عابر!لا يعني اي شيئ في النهايه واني قطتك المدللة دوما وابدا!
علاقات
كنت حريصا يا حبيبي ان توفر لي جوا من الحميميه والدفءالاسري فحرصنا علي زياره اسرتك كل حين في والمناسبات الاعياد الدينيه والقوميه ولان اسرتك كبيره العدد فكانت تلك الاعياد اعيادا !!داخل الاعياد , بحور من الدفء لا تنضب !وحرصوا هم من جانبهم علي منحي النصائح والتوجيهات في كل الامور لاني عديمه الخبره طائشه الفعل ,لي بعض الحماقات احيانا !!!لم يزعجني دس انوفهم في حياتي ابدا فانا اعرف ان الخيرمقصدهم والحق دوما الي جانبهم!!
من حيث انفعالك القليل فهذا ما عبته عليك فقط في رحلتنا القصيره فقد كنت دوماتفضل ان لا تحملني الكثير من ضيقك وحين تشاجرنا ذات يوم فصفعتني ومن قله عقلي رحلت عن البيت_ كان ذلك من فرط الضغوط التي تواجهها لتجلب لنا المال!
وحين حضر والدك ليصحبني الي البيت اخبرني ان رضا الزوج من رضا الرب اقصد ان رضا الرب من رضا الزوج!!!! وان ضرب الحبيب زي اكل الزبيب فضحكنا وانتهي الامر وتبدد كدخان سيجاره واهداني يومها ذلك الكتيب عن فضل طاعة الزوج !!وكيف ان غضبك قد يرديني الي قاع جهنم واني كبنت ناس-- يجب اناتحمل دوما انفعالاتك ونزواتك كأي ست عاقله!!ومالي لا احتمل بعض الغضب الطبيعي وقد قدمت لي اعتذارا طيبا فقد قلت آسف!!! ما اعظمها من كلمه... الاسف لي علي تهوري يا حبيبي وغضبي منك
حفظك الله لي كل حين... الكثير ارغب في قوله لكن لا يسعني الا ان احبك وللابد
ليلي....
ليلي غير مسئوله عن اي تشابه بين رسالتها واي رساله ستكتبها اي ليلي اخري
وانها صاحبه الحق الادبي الوحيد لتلك الرسالة

هناك 35 تعليقًا:

محمد الكومي يقول...

ماشي يا ليلى

بس ليلى واخدة حقها تالت و متلت خللي بالك

و عموما في برضه بنات كتبت بجدعنة انهم مش ليلى

ما اتمنالكيش تكوني ليلى في يوم من الايام

سلاااااااااااام

محمد الكومي يقول...

اوه دانا خدت الموضوع بالظاهر لما قريت تاني لاقيت اني ممكنابص بصة حلوة

التراحم هو اساس الحياة الاسرية الناجحة

و التعاون و التكافل بين الزوجين جميل

بس الزوجة يا ريت ماتبصش ان جوزها سي السيد و هي امينة ولا تبص انه قيس و هيليلي تبص انه جوزها و هيا زجته

في حاجة جميلة قلتيها انك قدرتي بعد الخناقة انها كانت بسبب ضغوط على قيس من اجل لقمة العيش

يا ريت كل بنات حواء عندهن حسن التقدير هذا

و ان وجد يا ريت يكون قبل لحظة الانفجار

أحمد كمال يقول...

صحيح كلكن ليلى :)

المشكلة إن ليلى بس هي اللي بتشوف قيس ، هو بيشوف نفسه حاجة تانية ..

و برضه قيس مش بيعتبر نفسه مسئول عن اللي في دماغ ليلى و عن اللي ليلى متخيلاه !

المهم إن هم الاتنين يعرفوا إزاي يفضلوا قيس و ليلى ، و ما يتحولوش إلى البعيد و البعيدة .

لكن بيني و بينك قيس عارف كويس إن الحياة ليس لها إلا معنى واحد : ليلى .

blue-wave يقول...

لا لن تكتبها ليلى اخرى
على الأقل بنفس الأسلوب
ولكنه يعيبه القسوة سيدتى
تحياتى

goodman يقول...

سمعت ان حملة كلنا ليلى فشلت قبل كدة
تفتكرى هتنجح المرة دى

mido يقول...

معقولة كلكم ليلى ؟!!!

كل سنة وانت طيبة
:)

Sherif يقول...

لو انى أقرأ ماوراء السطور لكان لى رأى آخر هو ابعد ما يمكن عن العواطف والاحاسيس المباشرة

الا لو لم يكن مقصودا ان يكون للسطور اى وراء

دائما عرضك متمكن خصب ياابنة القمر

كل عام وانت بخير وسعادة

محمد الكومي يقول...

على فكرة البوست اللي فات جيت في الاخر و كتبتلك شوية معلومات متعلقة بالوبست يا ترى شوفتيها ولا ؟

someone in life يقول...

بنت القمر
كل عام و انتي بخير انشالله تكوني فاكراني

دة ايه قيس الجميل دة اللي عايش في الجنة و ليلي و لا بنات الحور .. مرحي يا قيس و الله انت اللي واخد حقك بالكامل و المسكينه حاطة في قلبها و بتجز علي اسنانها انشاالله بس قيس مش يكون متجوز 2 و لا 3 ليلي لزوم المخلل و المحشي و خلافة


تحياتي

MaGn0liA... يقول...

حلوه اوى

صوره جميله من الانثى

ربنا يسعدك

و كل ليلى تبقى مش ليلى

الضراب يقول...

والله يا خوفي بعد ألف سنة، أن ليلى ستظل تشكو من ظلم قيس

أما قيس، فهو يسأل نفسه: مين أنا؟ لا والله، دي هي!

لا أعفي الرجال من المسؤولية، ولكن كم
أتمنى من قلبي أن تنظر ليلى إلى المرآة قليلا لتعرف نفسها قبل أن تبدأ في محاسبة قيس باعتبارها ضحية

يا ريت!

¨¨¨°~*§¦§ Appyplanet §¦§*~°¨¨¨ يقول...

ربنا يخلى ليلى لقيس وقيس ليلى
يا رب ويهدى جميله رسالتك اوى حتى لو حد نشرها مش هتبقى بنفس الاحساس ده
كل سنه وانتى طيبه يا قمر

bluestone يقول...

الليلة وكل ليلة
عرض مستمر
في فصول المهزلة

بس هيحصل ايه لو ليلى صاحبو الرسالة اتخنقت ؟؟ وحبت تفتح باب او شبااااااك؟؟

وميض ابتسامة يقول...

الدنيا كلها قيس وليلى

وما اكثر ما تعرضت له ليلى فى هذاالزمان وكذلك قيس

ولكن ليست كل ليلى ..ليلى!!
ولا كل قيس ..قيسا !!

انها لعبةالحياه؟؟

يجيدها من يجيدها!!
ويفشل فيها كل فاشلا!!

ولن اخوض فى بحار ليلى ..فهى عميقة

تحياتى...

راجى يقول...

ليلى هذه كما وصفتيها كانت امرأة طيبة القلب سليمة الطوية ثم تغيرت واصبحت طيبة القلب فقط ولكنها تحمل فى طياتها مرارة وبخارا مكتوما
فى انتظار قيس ليكتب الرد

blackcairorose يقول...

معرفش يا بنت القمر اذا كان فيه موقف او حد معين اوحى لك بالموضوع، بس انا بشوف رغم سخريته المأساوية ولكننا وللمرارة الشديدة نتصرف كليلى أحيانا سواء كنا صادقين مع انفسنا وقت هذا التصرف أو كنا نخدع أنفسنا بعلمنا او بدون علمنا

كل عيد وأنت أفضل واكثر وعيا من ليلى!!

Ahmed Shokeir يقول...

مش عارف .. انا كنت متوقع في نهاية البوست تحول مختلف .. دورت عليه مالقيتوش .. بحثت عنه بين السطور لم اجده

بنت القمر يقول...

محمد الكومي
--------------
انا مش ليلي
انا اماني
تعليقك البوست السابق وكل التعليقات تصلني علي الايميل ولها كل الاحترام والتقدير
ومفيش حاجه مش بقراها
يمكن بس ملقتش رد علي التعليق
نورتني

بنت القمر يقول...

احمد كمال
------------
المشكلة إن ليلى بس هي اللي بتشوف قيس ، هو بيشوف نفسه حاجة تانية ..

و برضه قيس مش بيعتبر نفسه مسئول عن اللي في دماغ ليلى و عن اللي ليلى متخيلاه
--------------
بيشوف نفسه ايه طيب؟؟
احكيلي
ومش مسئول عن دماغها ازاي؟؟
يا لهوي:))

بنت القمر يقول...

بلو ويف
--------
معلش .... ليلي قاسيه
:
:
:
جود مان
-------------
معرفش
قول يا رب

بنت القمر يقول...

ميدو
--------
كلنا مين ... معرفش كلنا دي:)

بنت القمر يقول...

شريف
=======
قول رأيك في كل الاحوال هو موضع ترحيب
دا غزل لخيوط معاناه ليلي واحده او اكثر من ليلي!!
بس
نورت

بنت القمر يقول...

someone in life
--------------------
هيهيهيهيهي
طب ليه سم البدن المزدوج ده؟؟!

بنت القمر يقول...

ماجنوليه
==========
اشكرك
كل عام وانتي بخير

بنت القمر يقول...

الضراب
========
الامر يعتمد علي حساسيه قيس لكن لو هو جلده تخين ها يفضل يقول مين انا؟؟
لا!!
دي هي؛))

بنت القمر يقول...

ابي بلانت
===========
وانت بالصحه والسلامه
حد تاني ينشرها ازاي؟؟

بنت القمر يقول...

بلو ستون
==========
هو من ناحيه عرض مستمر
فهو مستمر وتذاكرة مجانيه
ومعفي من الضرائب:)
تفتح الشباك ازاي يعني؟؟
تنشر الغسيل مثلا:))
بصي يا قطه لو فتحت الشباك ها تبرد ليه
لان المجتمع رباها انها تلبس صوف وتقف ورا الباب تستني
عشان كده معندهاش مناعه
وغالبا هي وتحملها للطشات الهوا والمتجتمع
يا تستحمل وتقف بمعاناه
و تكتشف قدرتها الجديده علي التحمل
يا تبرد وتيجي لها حمي تقتلها مش كل واحده زي التانيه
اموااااه

بنت القمر يقول...

وميض ابتسامه
==============
ليست كل ليلي ليلي
ولا كل قيس قيس
لكن اكيد بيكونوا كده مع الوقت
وبيتحولوا من النموذج الخيالي الي الواقعي
نورت

بنت القمر يقول...

راجي
=========
يعني ايه مبقتش سليمه الطويه؟؟؟
تهزيئه دي يا استاذنا:))
بقت خبيثه يعني ولا ايه
وبعدين قيس مش ها يرد بيقول مش فاضي للبلوجات والكلام الفاضي ده:((
اه واحمد كمال بيقول مش مسئول
والضراب بيقول عنده ذهول
هي بس اللي بتحقن في نفساويتها:))

بنت القمر يقول...

blackcairorose
=====================
كان نفسي حد يسألني السؤال ده:))
طبعا ده غزل لخيوط معاناه اكثر من ليلي
منهم انا شخصيا وليه لا
اكيد بعاني زي الاخريات وما تجرأش وانكر ده
بخصوص اننا كلنا بنتصرف كده
اكيد بنسبه او اخري
وحسب الشخصيه لكن ليست هناك من لم تكن ليلي يوما ما!!
نورتيني وكل فطر وانتي بخير

بنت القمر يقول...

احمد شقير
--------
مفيش تحول
لان التحول يستلزم قوة وقدرة ومعاناه
ليست ليلي المشار اليها
ما ينفعش اكتب عن من تمتلك قدرة التغيير والتحول افضل ان اكتب عن المعاناه الصامته:)

راجى يقول...

لا موش تهزيئة ، اردت ان اقول انها من الظاهر لم تتغير ولكن اكيد هناك الكثير من البخار المحبوس
المطلوب هو كيفية التنفيس لصرف البخار بهدوء بدون الوصول لحالة الانفجار
بس خلاص وخلى قيس منفض ومكبر هو الخسران

ibn_abdel_aziz يقول...

ما هي المشكلة
ان كثير من " الليالي " اللي شافوا مع قيس ليالي مش كويسة لسة مدمنين قيس باعتباره قيس في اليد خير من عشرة علي الشجرة

طب نعمل ايه ؟ وقيس متأكد انه مهما يدوس بيفضل علي العرش ومهما يوجع بيعرف يطلع منها

نعمل ايه بقي؟
مش لازمن ليلي تفهم ان جزء من مشكلتها انها بتسامحه كثير وبدون شروط احيانا وانه مبقاش فاهم ان ده حب ووفاء وتضحية ؟

بنت القمر يقول...

ابن عبد العزيز
====================
ليلي وشها منك في الارض
وقد انعقد لسانها
ومش عارفه تقول ولا كلمه!!!
مش عاوز عروسه:))
ولا ده كلام تدوين بس!!
؟؟
تفتكر لما تجوز ها تكون قيس علي تلك الشاكله؟
ولا ها تختلف؟!

ibn_abdel_aziz يقول...

بنت القمر

مش عارف حبقي ايه
بس اكيد مش عاوز اكون متناقض مع نفسي ومش عايز اسبب لمن أحب ما أكرهه لنفسي

ولو اتبعت هذه القاعدة فسأضبط علاقتي " بها " ايا كانت هي
سواء اخواتي البنات
او زوجتي " التي في علم الغيب " والله اعلم من ستكون

ومتدورليش :)
انا لا ابحث عن زوجة