قد تصدق وقد لاتصدق وقد تعتبرة من قبيل المبالغه او الكهن الحريمي وقد يدفعك الامر ان تسال وتستقصي الحقيقة من ارضها وناسها..... وقتها ستصدق... للاسف
د:ناديه طبيبه من عرب مصر والعرب هنا هم البدو وليس البدو الرحل ولكن المستقرين في محافظه البحيره من اسره عظيمه تمتلك مئات الافدنه حضرت للاسكندريه لدراسه الطب وتعرفت علي زوجها ابن قريتها وقريبها في ذات الوقت احبا بعضهما وتزوجا وتقاسما نفس الاحلام....تخصصا في النساء والتوليد
اشتريا شقه صغيرة ورزقا بندي ابنتهما الاولي وافتتح الزوج مركزا طبيا في قريته القريبه من شبراخيت.. ثم اشتريا عياده يعملا بها في الاسكندريه وشقه اكير ورزقا بابنتهما الثانيه منه.. كل شيئ يبدو جميلا عظيما ناجحا
اشتريا شقه صغيرة ورزقا بندي ابنتهما الاولي وافتتح الزوج مركزا طبيا في قريته القريبه من شبراخيت.. ثم اشتريا عياده يعملا بها في الاسكندريه وشقه اكير ورزقا بابنتهما الثانيه منه.. كل شيئ يبدو جميلا عظيما ناجحا
لكن ام الزوج تضيق بخلفه ابنها البنات عبثا يحاول الدكتور محمد اقناع امه بقصه الكروموسوم المسئول عن انجاب الذكور الذي لم يحن وقته ان يقتحم بويضه زوجته !!ولكن الام قويه الشكيمه التي تديراملاك الاسره ووتتحكم في ابنائها الرجال تدفعه دفعا الي الزواج باخري... تستطيع استقبال الكروموسوم الذكري!
تخضع ناديه للحمل مرة تالثه فتجهض ورابعه وخامسه بدون سبب طبي واضح يشرح سبب الاجهاض.... تطوف د ناديه ود محمد طبيبا النسا علي الاطباء في القاهرة ليحددا سبب الاجهاض بدون جدوي فتلجا الحماه الي اعطاء ابنها مهله محدده اما ان يعود بالولد او يتنازل عن ارثه لاخوته فلا ارض لصاحب البنات بل تعويض مادي بسيط يعادل عشر ثمن الارض التي تذهب الي الاخوة الذكور الذين انجبوا ذكور
د محمد لا يستطيع جرجرة امه في المحاكم ولا سبيل لاقناعها ولا حل سوي الولد او لا ميراث
تهمل د ناديه عيادتها وتترك دراستها في اثناء محاولتها المستميته الحمل رغم خطورته فقد اتمت الثانيه والاربعين
يحصل اخيرا حمل الذي سينقذ الزوج من ضياع ميراثه وبناتها من مستقبل مبهم بلا سند مادي في الحياه وينقذها شخصيا من شبح خضوع الزوج لامه وزواجه باخري ينقذها من معايره السلايف الريفيات قليلات التعليم اللواتي يردن كسر انف الدكتورة لانها لم تنجب الذكر
تعبر ناديه مرحله الخطورة ةتصل للشهر الخامس فيظهر السونار ثلاثي الابعاد حملها في بنت ثالثه
موجه من الاكتئاب الحاد تصيب د ناديه اما الزوج فيتجه للعمرة ليبكي حظه بين يدي الله!!
--------------------
صدق او لا تصدق ان مدنا كامله واسرا كامله لا تسلم بناتها اي ميراث عقاري ارض او بيوت ويستبدله الاخوة الذكور بمقابل مادي يعادل العشر... دمنهور... شبراخيت.. كفر الشيخ... وكثير من مدن مصرنا المحروسه... تستبدل الشريعه والقانون بالعرف الاسري الذي يفوقهما صرامه
هناك 41 تعليقًا:
المشكلة انه فكرة الولد دي تحسس الواحد انه ابوه ملك عنده بلد عايز يورث ملكها لأبنه و الا هيبقي في مشكلة !! و البنت يعني حاجة وحشة و بتحيب المشاكل
كأننا عايشين في القرن الحجري تماما !!
اصدق وابصم بالعشرة
لما قالوا دى بنية ناس بيقولوا قالوا الغالية جاية وناس تانين بيقولوا طرقوا الفرن عليا
==========
هل نسيت هذه الام أنها امراءة
فى هذه الأحوال اظن ان الحسم مطلوب لاعلاء كلمة الشرع مع صعوبة هذا الوضع
الله يهدى الجميع
دول بيتعدوا على شرع ربنا وهو الولد مين اللى جابه يعنى
لا ده اوفر اوى وناس جاهله متزعليش منى
اللى يدعو لليأس ان الامور مش ماشية فى اتجاه للقضاء على هذه الموروثات
يعنى كل تقافات العالم فيها ممارسات او مفاهيم سلبية او خاطئة او ببساطة عفا عليها الزمن، فتظهر عوامل ومتغيرات حديدة فى المجتمع تؤدى تدريجيا لازالة هذه المفاهيم وذلك بالتعاون من سن قوانين تساعد على هذه الازالة
لكن فى مصر نسبة الامية لا تقل
الاداء الاقتصادى يزيد من صعوبة الحياة ويخفض من سمتوى الدخل والمعيشة للمواطن
مفاهيم سلبية فى الدين تزداد ترسخا
ثقافة الديكتاتورية تتعمق اكتر
يعنى مفيش حاجة بنحس انها بتتحسن هتأدى للمزيد من التنوير ولكن كله بيسهم فى ابقاء الوضع على ما هو عليه
بجد قمة الاحباط او انا اللى متشائمة زيادة مش عارفة
شيء غريب أن يكون الناس بهذه العقليه ,وأن يسري هذا النموذج بالمعيز إيففكت " Me3eez Effect "وهو مبدأ الانقياد وراء القطيع بلا تفكير .. والمعانده مع خلق >>ورزق الله لهم ..ده حتى ربنا قال فى القرآن " وليس الذكر كالأنثى " بمعنى انها ذات ميزات عنه ..أنا عندى ولدلين ..عرفت قيمة البنت لما كبرا ورحلا من المنزل كل لطريق.
السلام عليكم ورحمة الله وبركاته
اصدق طبعا وباشوف حاجات ابشع من كده كمان
ومن ناس المفروض ان مستوي تعليمها يخليها ماتعملش كده بس تقولي ايه في الناس اللي زي دول
حسبنا الله ونعم الوكيل
مضبوط مائة فى المائة
الاعتزاز بالولد خصوصا فى الريف أو الصعيد حتى ان الدعوة هناك هى روح .. ربنا يحزمك بولد
أنا أولادى بنات كما تعرفين وهم عندى أغلى من عينى .. ولاأرى فى الدنيا الا ان الله اكرمنى باهدائهم لى والحمد لله رب العالمين ..
أما الاولاد .. فقد كرمنى الله بازواجهن .. أدبا ورقيا واخلاقا .. فخلاص .. الموضوع متعادل .. والعكس .. اللى عنده اولاد ربنا هايرزقه بزوجاتهن
الا ان الموضوع ليس بهذه البساطة .. فقد تعرضت شخصيا لسخرية من نوع خشن من واحد .. بعدما رزقنى الله بلولو .. قال لى ايه يا عم مش عارف تجيب لنا ولد كده يشيل اسمك ؟ ..ولم افهم وقتها يشيل اسمى فى ايه اذا ماكنتش ملك؟ لكنها كانت من المرات القليلة التى خرجت فيها عن شعورى فى الرد عليه .. إذ اننى قلت له اعمل يا أخى .. فيه ناس بتحب القطط .. وناس بتحب الكلاب
لكن بموضوعية .. نرى أن الرسول عاش حياته وسط رهط من النساء هن ازواجه وبناته ولم يعش له ولد حتى انهم نعتوه بالابتر .. ولابد ان هذا كان لحكمة ولاادرى .. هل اى واحد من هؤلاء أفضل من الرسول ولا ايه؟
غير ان الشرع نلويه بارادتنا وعلى هوانا .. وأسوق اليك مثلا يدل على اننا حتى لانتوقف فى محاولة للادراك والفهم
فى الشهادة .. نعتبر ان شهادة المرأة نصف شهادة الرجل .. مع ان فى سورة النور يقول المولى
وَالَّذِينَ يَرْمُونَ أَزْوَاجَهُمْ وَلَمْ يَكُن لَّهُمْ شُهَدَاء إِلاَّ أَنفُسُهُمْ فَشَهَادَةُ أَحَدِهِمْ أَرْبَعُ شَهَادَاتٍ بِاللَّهِ إِنَّهُ لَمِنَ الصَّادِقِينَ (6) وَالْخَامِسَةُ أَنَّ لَعْنَتَ اللَّهِ عَلَيْهِ إِن كَانَ مِنَ الْكَاذِبِينَ (7) وَيَدْرَأُ عَنْهَا الْعَذَابَ أَنْ تَشْهَدَ أَرْبَعَ شَهَادَاتٍ بِاللَّهِ إِنَّهُ لَمِنَ الْكَاذِبِينَ (8) وَالْخَامِسَةَ أَنَّ غَضَبَ اللَّهِ عَلَيْهَا إِن كَانَ مِنَ الصَّادِقِينَ (9)
يعنى هى اربع شهادات مثله بالضبط .. ولم يقل ثمانية اذا كانت نصفه ..
وأشياء أخرى تتطلب التدقيق ..
ربما كانت هناك اسباب موضوعية لذلك بدءا من الثقافة القبلية التى يتصارع فيها الرجال ويتقاتلون على الطعام والماء .. بالتالى هناك حاجة للرجال .. للحماية من سطوة الغير .. أو الحاجة للعمل الشاق .. بس ده كان زمان ..
احقاق الحق وإعمال العقل هو الجهاد فى عصرنا الحديث
موضوعاتك دائما تتحدى العقل قبل العاطفة .. لان العاطفة تميل بنا ميلا كبيرا .. ليس على مستوى أمة الاسلام .. بل فى جميع الثقافات والشعوب أيضا ..
تحياتى
طيب يعنى الأم متحكّكمه دلوقت لماذا لا ينتظر كى ينال حقوقه بعد عمر طويل دون الدخول فى قضايا معها !! ولاّ إخواته كمان متضامنين معاها فى هذا الظلم البيّن و مستحلّين لنفسهم يغتصبوا حقوق أخيهم؟
على أى حال رأيى قد يعتبر خيالى شويه فى ظل الظروف الاقتصاديه الصعبه التى نعيشها
بس كان مفترض الدكتور و زوجته لا يستجيبا لهذه الضغوط ولا يعرّض زوجته لخطر الحمل المتأخّر و الإجهاضات المتكرّره و يرضوا بما قسمه الله و يرفض ضغوط أمّه حتى لو ضحّى بالميراث و همّا مستورين ماديّا بسبب عملهم يبقى خلاص ..
بصراحه استجابتهم للضغوط جزء من المشكله و فيه تجاهل و تناسى أن هذه أرزاق لا يمكن لإنسان أن يعاندها .. و ربنا يكرم ..
زمن جاهلية
حنعمل ايه
محتاجين وقت علشان نغيره
ونيجى نقول العودة للدين وشرع ربنا
يطلعوا يصرخوا العلمانيين و يقولوا امال دى دو لة كافرة
ردى انت بقى
:(
الاهتمام بانجاب الذكور شئ
وحرمان الابناء من ميراثهم الذي شرعه الله شئ اخر
اضايقت جدا وكنت فاكرة ان الحاجات دي انتهت
لازم وقفة ضد هذه التصرفات عشان تنتهي
الرضوخ ليها هو اللي خلاها تستمر من الجاهلية لحد دلوقتي
ياه دا انا من مدينة دمنهور
و قرية ابويا تابعة لمركز شبراخيت
و عمري ما سمعت عن اللي قلتيه ده
بس انا اعرف فعلاً إن العرب ليهم تقاليد صارمة و مختلفة عن الفلاحين العاديين
بس ده ظلم بين و مخالفة للشرع
هو لسه في كده؟
حسبي الله ونعم الوكيل
هنقول ايه بس
كل عام وانتم الى الرحمن اقرب
السيدة ام الطبيب وامثالها من السيدات على مر التاريخ ينفثن الشرور فى الناس
يربين الابناء الذكور على التعصب بدون مراعاة لدين ولا ملة
الاخذ بالثأر واغتصاب حقوق النساء واليتامى من الاطفال الضعفاء والغش فى الميزان والخيانة والدفع بالبنات للدعارة وتشويه اعضائهن التناسلية بالختان
الم يخرجن فى الحروب يقفن وراء الرجال يهددنهم بحرمانهم من المعاشرة اذا خسروا الحرب ؟
والكثير الكثير من الشرور
فالستات دول حاجة غريبة جدا
العزيزة بنت القمر
المشكلة هنا فى ان انجاب الذكور فى المجتمع الريفى لها الاولوية القصوى مما يؤدى فى النهاية الى عدم الاعتراف ولو اللفظى بتعداد البنات
وكانت لى صديقة حكت بان سيدة كبيرة ظلت تقول لها الم تنجبى سوى ولد واحد وبثا حاولت تقول لها انها انجبت ايضا ثلاث فتيات منهن طبيبتين
ولكن من تخبر
اما الكارثة فهى تعطيل العمل بالشريعة الذى تقوم به بعض المجتمعات ظنا منها ان فى هذا الخير او احياءا لموروث قديم غير منظم او معروف المصدر وهو ما يؤدى الى ظهور الخصومات والمنازعات التى نرى اثارها المدمرة على المجتمع
تحياتى على الموضوع الجميل
إن هذا لظلم عظيم
ويسجد الرجل بين يدي الله شاكيا ماذا؟
جور العادات والتقاليد؟
ام " جور القدر " عليه لانه لم يحصل الا علي فتاة ؟
ام يشتكي الله و الله لم يأمر بهذا ؟
سبحان الله
قصة مؤسفة وعرف يجب ان يضرب بالقنبلة الذرية وفورا
كراكيب
========
يا سلام علي القرن الحجري وجمال ايام القرن الحجري:))
الفكرة مش في الاسم
وغباء فكرة استمرايه الاسم
لكن فكرة ان البنت ها تدي املاكها لجوزها والولد لا رغم انه برضه ممكن يبددها بطريقه او اخري
الموضوع كمان بيبقا في تارات عائليه العيله الفلانيه تمتلك الفدادين اعلانيه والعيله التانيه افتقروا!!
وضيعوا ارضهم
مش بقولك يا جمال القرن الحجري
الطائر الحزين
========
كل سنه وانت بخير
لما قالوا دي بنيه وقعت الحيطه عليا
ولما قالوا ده ولد اتشد ضهري واتسند
ابي
====
اوفر خالص مالص:))
وانا ازعل منك ليه.... دول مش قريبي لكن البطله صديقه مقربه
بنتها مع بنتي في الفصل:)
بلاك كايرو
============
لكن فى مصر نسبة الامية لا تقل
الاداء الاقتصادى يزيد من صعوبة الحياة ويخفض من سمتوى الدخل والمعيشة للمواطن
مفاهيم سلبية فى الدين تزداد ترسخا
ثقافة الديكتاتورية تتعمق اكتر
يعنى مفيش حاجة بنحس انها بتتحسن هتأدى للمزيد من التنوير ولكن كله بيسهم فى ابقاء الوضع على ما هو عليه
بجد قمة الاحباط او انا اللى متشائمة زيادة مش عارفة
-----------------
انا كمان متشائمه ومتفقه معاكي في كل كلمه قلتيها
بس الفكرة انه مفيش مفاهيم سلبيه في الدين
لانه الدين مقلش قايض الست علي ارضها بفلوس
اعرف اسر كثيره في دمنهور يتخذ الاخوة الذكور ارضهن ويقسطوا تمنها تقسيط مريح وممل اعتمادا علي ان الاخت مش ها تقدر تفتح بقها ولا تقدر تبيع للغريب
وطبعا الدين في المواضيع والحقوق الماديه مفيهوش المسخره دي
لكن للاسف ده عرف اجتماعي اقوي من الدين ومن القانون
تحياتي
ماكس
=========
ربنا يخليهم لك
حلوة المعيز ايفكت:))
نورتني
فضفضه
========
للاسف اللي بيحصل مش بس في الاسر الاميه
لا وكمان متوسطه وعاليه التعليم يا عزيزتي العرف اقوي من اي تعليم:((
شريف
=======
انت طبعا عارف اني عندي بنتين زيك تمام
واكيد اتعرضت لبعض الغمز واللمز بين الحين والاخر:))
لكن البطله هنا صديقه رغم غضبي وحنقي عليها في بادئ الامر وكميه الاستفزاز كان رهيبه وانا بسمع معاناتها
لكن الامر تحول الي تفهم وشفقه مع مرور الوقت واستشعاري لكبر معناتها
لما الواحد بيكون في معاناه الاخرين بيحسها فعلاانا وزوجي بناتي قره عيننا لكني ايضا غير مهددة بما هي مهدده به وربما هي لا تملك من قدرة علي المجابهة والتحدي
نورتني وربنا يبارك لك في البنات واولادهم وازواجهم:)))
تحياتي
زمزم
========
هيهيهي
طبعا الاخوة متضامنين
والي ملوش ولد ملوش ارضوما يقدرش يبيع لانهم في البلد ومحدش ها يشتري في زمام فلان غصب عن جيرانه
والتعويض المادي احسن لهم وها يكون بالقسيط الممللللللل
وهما يكسبوا الارض
الشمشكله مش الام تحديدا
لكن العرف العام
موضوع الرضا برزق ربنا يحتاج الي قوة كبيرة نفسيه وايمان عميق
مش بتتوفر عند اي حد
للاسف
تحياتي
ميدو
=========
فعلا جاهليه
ارد بس اقول ايه:))
kochia
=========
الاتنين موجودين مع بالغ الاسف:))
مهندس مصري
============
اه لسه فيه.... اسأل وها تتاكد مفيش بنات بتاخد ارض
فلوس اه
ارض لا
ارجع لردي علي زمان الوصل
تحياتي
نونو
========
وانت بالصحه والسلامه
اشكرك
راجي
========
محدش قال ان المرأة بصورة او اخري مش مسئوله عن معاناه المراه
قريت اللينكات
قريت ليلي ضد ليلي
المراه بنت المجتمع زي الرجل
وبعدين يا عزيزي هو الراجل لما يحب يقول انه دماغه بتوزن بلد وربنا ميزة واداله يبقا اوك
ولما يحب يلزقها لزن الست وغوايتها يبقا اوك برضه!!!!!
واحب في الاخر اهديك الاغنيه دي...
متنكريش ان الطاووس اجمل من الطاووسه
ناقص تقولي ان العريس اجمل من العروسه
:)))))))
المشكلةان فيه ناس لما تكلمهم في الموضوع دا يتفق معاك تماما ان دي جاهلية لازم نتخلص منها وهوا نفسه فيه نسبه من الجاهلية دي
وجديدة موضوع ان الابن مايخدش ميراثه مادام مخلفش بنات كنا دايما نسمع ان البنت تتحرم من الميراث لكن باين دا كان عهد ومضي دلوقتي كل ما يمت للبنت بصلة يتحرم من الميراث "الجهل لسه هيعمل فينا كتير"
دخلت لأعلق على مدونات و أنشر حملتنا عند أحبائنا المدونين ففوجئت بحملتكم هذه و ثورتكم على الظلم
و اكتشفت أن حملتنا هى حملتكم
و يشرفنا أن نعمل معا كلنا و نكون عونا لبعض و تشاركونا حملتنا " لا للنميمة لنصل بها للنور
صدقت يا عزيزتي .. لكنه الجهل المطبق
أتدرين أن المتوفي لن يضيره شيئا إذا ما ذهبت أمواله من بعده لبناته أو لأولاده أو لو تم حرقها؟ لا يشعر الميت بأي شيء .. ولا قيمة للأموال أبدا إلا للإستمتاع بها في حياتنا وليس مماتنا
---
معكن .. مع ليلى الإسبوع القادم بإذن الله
للأسف لسة فيه ناس كتيرة بتفكر بالطريقة دى
ندعى كثيرا أننا شعب متدين.. والكثير من سكان الصعيد والبدو والريف وأيضا الحضر والمدن الكبيرة تتشدق بالدين فى كل صغيرة وكبيرة.. يطلقون لحاهم ويحفون شواربهم ونساءهم يرتدين الحجاب والنقاب ولا يصافحن الرجال فى اهتمام بالغ بكل قشور الدين المبنية على أحاديث أغلبها ضعيف.. بينما حدود الله الصريحة فى الزواج والطلاق والمواريث وكل ما يتعلق بحقوق "الأخر" مهضومة ومضامة ..
فعندما تتحدث المصلحة الشخصية.. يكمم الدين و "يكتم نفسه"
بنت القمر
انا كنت اقصد بشكل عام ان هناك مفاهيم سلبية ـ من وجهة نظرى ـ يفسرها البعض على انها جزء من الدين
والامثلة كتيرة جدا بس هاقولك على حاجة لو مصدقتيهاش مش هستغرب لأنى لو حد حكاهالى مكنتش هصدقه لولا اننا فى العيلة نعرف اطراف الموضوع
وهى ان واحدة ست متعلمة ومنقبة خرجت بنتها المنقبة ايضا من المدرسة بعد الاعدادية بحجة ان البنت اخدت تعليمها الاساسى اللى بيؤهلها للمعرفة العامة ولدورها الاساسى كزوجة وأم، وتبرر الام تصرفاتها بأن عمل المرأة فقط فى حالة الضرورة وعدا ذلك هو غير مطلوب وخروجها اساسا من البيت برضه مش مطلوب الا فى حالة الضرورة
الام كل ما حد يكلمها تستشهد بايات واحاديث، مش هدخل فى مدى صحتها من عدمه لأنى مش أهل لذلك
الام برضه من باب اقناع نفسها او اقناع الناس انها مش متزمتة ومش من دعاة الجهل جابت مدرسة انجليزى ومدرسة أخرى للكومبيوتر لتعليم بنتها دروس مرة او مرتين فى الاسبوع فى البيت، ومعتبرة ان ده تصرف منها فى قمة التحضر وانها بتطبق تعاليم الدين فى السعى لطلب العلم
نقول على ده ايه؟؟
وزى ما بقولك الامثلة كتيرة جدا على نفس الشاكلة، يمكن متكونش صارخة زى المثال الحقيقى اللى انا ذكرته، لكن الفكرة انها تصرفات خاطئة يراها البعض ـ والذى لم يعد بعضا قليلا ـ تتمشى مع الدين
لما قالوا دى بنية حسيت بالحيطة وقعت عليا ..والحيطة هنا يعنى بيتها
وده كناية عن خراب بيتها لما تبقى خلفتها بنات
ده اللى رسخوه فى عقول كل البنات من وهم صغيرين
حتى انهم بالرغم من مستواهم الثقافى والفكرى تزال الرغبة فى الولد موجودة لدى الكثير..
للأسف نفس العقلية دى اذا كانت مستواها عالى اجتماعيا يزيد الحاح الفكرة فى عقولهم ..
لى صديقة غير مقربة كانت علاقتها متوترة بزوجها .. حيث كان زواج مصانع أباء محصلش حتى زواج الصالونات ..وزاد التوتر فى علاقتهم بانجابها بنتها .. وسارت الامور بينهم على شفا حافة الطلاق حتى انجبت ولد ..وسبحان مغير الاحوال ..وجد هو فجاة ان هناك من سيدير اعماله بعدما تؤؤل اليه من ابيه واكتشف فجاة انها زوجة مناسبة بل تكاد تكون الانسب على الاطلاق
العجيب فى الموضوع انها اصبحت سعيدة وتناااااست مش نسيت توتر وقلق زمان
فتحول الحال حتى أصبحا "على شفا حافة السعادة"
سبحان الله
ربنا يهدي لان الركض وراء الفلوس ممكن يعمل بلاوي كتير
قال يا وارث مين يورثك
وكان كل واحد مسؤول عن حتة من الكون
بينظمة ويظبطة قلة ايمان وكثرة جهل
لا للنميمه
======== اشكرك
بوسبوس
=======\ ده مع الاسف اشكرك
كليو الدين في جيبنا
اما نحب نشهرة ها نشهرة في وقت الاخرين
لكن لما نحب نخفيه
في الجيب اللخلفي لانه ضد مصلحتنا بنعمل كده للاسف
بلاك كليرو
==============
مصدقاكي تماما
وابشع من ده
علي فكرة القصه اللي حكيتها في البوست ده مش محض خيال
دي ام صديقه بنتي واحب اقولك ان بنتها الاولي علي المحافظه!!
نورتيني يا روز
جانا
========
كنت بعيب علي اللي زي صاحبتك ضعفهم للاسف مع الوقت بقيت بقدره
تحياتي
كراكيب عادل
=============
يهدي الجميع... لكن الحل مش انه يتنازل عن حقه بدعوة انه مين يعيش ويضيع حق ولاده
الحل انه لازم يقف ضد االعرف الظالم ده ولو وصل الامر الي القانون
الدنيا مش غابه وربنا مقلناش نتنازل عن حقوقنا
نورتني
إرسال تعليق