السبت، فبراير 14، 2009

الفلانتاين و الاشياء في غير أماكنها


يستعد "هو" للسفر صباح اليوم في سفريه عمل قصيرة
نعرف من امس ان اليوم كل منا سيكون في مكان مختلف رغم إنه عيد الأحبة
استعد للخروج وارتدي بلوفرمن اللون الوردي والجينزالازرق

وانسي توديعه لان الوقت ضيق اتذكر وان أركض علي السلالم للحاق بموظفة حكوميةلاستلام "كارنيه"
ان اليوم هو يوم الاحمر القاني لون الحب والقلوب وشرائط الساتان المعقودة
اتذكرأني نسيت ان امنحه قبلة ولم اقل اي شيئ من فرط الاستعجال يبداليوم بطريقه غير صحيحة
تفاجئت بالشمس الحارة في الطريق كان الاجدي ان البس قميصا قطنيا وليس صوفيا الان علي احتمال"شكشكة"الصوف لحين العودة!
في الاشارة المروريه"الازاريطة " تمر طفله متسخة:تشحذ من السيارات رائحتها كريهةو حافية
بينما
يمر بعدها رجل خمسيني انيق يمسك بكلب ابيض ونظيف لتمشيته علي شاطئ الكورنيش المقابل!
احاول ان اتجاوز عن تلك المفارقه ايهما اجدي بالرعاية الطفلة ام الكلب؟!
الاشياء موضوعة في غير اماكنها الصحيحة أو هكذا اعتقد
اواصل المسير
امام النادي يمتلأ الشارع بالمارة بينما تصطف السيارات علي الرصيف!
اسير ببطء في نهر الشارع استعمل الكلاكس لتنبيه المنومين ان نهر الشارع للسيارات وان الرصيف للمشاة بلا جدوي اضغط علي اسناني وعلي الكلاكس بشدة ولا مجيب تصر الموظفة ان الكارنيه"لسه ما اتجددش" اصر ان تبحث عنه لانه بالتاكيد تم انهاءه تجده فجأه وسط الادراج بلا اعتذارعن هدر الوقت تعطيني الكارنيه المطلوب
انصرف وانا اتمني ان اسحق وجهها في المكتب الذي تعمل عليه

في مكان آخر يصر شخص اخر علي ابراز إثبات شخصية عبثا احاول افهامه ان اثبات هويتي يتم تجديده بالداخل بلا فائدة
ثم يسمح لي بالدخول وفي طريق الخروج ينفجر ضاحكا لانه يعلم ان موعد تسليم اثباتات الهوية بقي عليه يومين
ويردد اغنية قبيحه لزوم زياده الاستفزاز
فجأه استدير بخطوة الي الوراء:بتضحك ليه؟؟؟ يرد:عادي مفيش ارد: شايف اراجوز قدامك؟؟
يرد انا حر اضحك عادي
ارد اوكيه انا ها اطلع للمدير واقوله ان انت بتضحك اثناء مرور المتعاملين عشان انت حر وعادي_ يمكن تقوله انت السبب علي ضحكك ونضحك كلنا سوا!!
تتغير ملامحه ويكتم ضحكته ويغمغم ويعتذر لي زميله ثم انصرف
في البيت اجد الكوتشي الاحمر مليئا بالطين وبينما انا غير قادرة علي تغيير او قبول الاشياء الموضوعة في غير مكانها!

هناك 12 تعليقًا:

Ahmed يقول...

اعتقد ان ملاحظة الأشياء في غير أماكنها نشاط يومي بيسليني في طريقي الطويل من البيت للشغل والعكس

رئيس جمهوريه نفسى يقول...

مش بس المشاهد اللى شافتها البطلة فى طريقة اللى فى غير مكانها هو في ايه فى مصر حاليا في مكانة

ذو النون المصري يقول...

مش ايام الفلانتين فقط تكون الاشياء في غير مواضعها
كل ايامنا علي هذا الحال
و تناقضاتنا كثرت و لم يعد من السهل اخفائها او القضاء عليها

... يقول...

يادي التناقضات اللي هتجننك

بس الطين كان في مكانه علي فكرة

وميض ابتسامة يقول...

مشكلتك فى الدنيا ان الالوان عندك اصبحت ثابتة ياأبيض ياأسود

ياعزيزتى هونى على نفسك وبلاش تبقى حياتك قفش ... فنحن فى اشد الحاجة الى التقاط انفاسنا .. ونظرات التأمل لاتعنى احيانا ان اليوم لم يبدأ بطريقة صحيحة .. فغالبا نحن من نبدأ ايامنا بما نحب ان يبدأ!!

تحياتى

يا مراكبي يقول...

ياسلاااام .. أحلى جملة عجبتني جدا جدا جدا هي منظر الطين على الكوتشي .. مش عارف إنتي قاصداها وألا مش قاصداها لكن الجملة دي جت في ختام البوست وكأنها بتلخص البوست وبتلخص حالنا معاها كمان

كل المواقف اللي حكيتيها هي بالظبط بالظبط شوية الطين دول اللي مافيش منهم مفر

بنت القمر يقول...

احمد
=========
كلنا يعني







رئيس جمهورية نفسي
=============
حاجه مرهقة جدا سيمفونية النشاز دي

بنت القمر يقول...

نون
=======
جبت ايه لمريم:)))؟؟







بثينة
========
نشاز يا اختي نشاااااااز غصب عني!
يعني الحاجه الوحيدة الصح كانت الطين
:-(

بنت القمر يقول...

وميض ابتسامة
===========
حاضر......ها احلول مقفش وعلبة الاوان عليك:))))))))))

mohamed ghalia يقول...

كل حاجة بتحصل فى غير مكانها الطبيعى
دمتى بكل الود

غير معرف يقول...

أحيانا .. هذا يحدث .. والدنيا تبدو ملخبطة

غير اننى عجبنى انك شكمتى هذا المستظرف فى النهاية لأنها .. مش طالبة

أسلوبك جميل فى السرد .. خصوصا مايدور فى الخواطر

بنت القمر يقول...

محمد غاليا
اشكرك



شريف
========
ده من زوقك