الجمعة، مارس 07، 2008

طباخ الرئيس


الرئيس للوزراء معقوله كيلو اللحمه باربعين جنيه الناس تاكل ايه؟
الوزير: ما هو يا فندم من الزياده السكانيه الرهيبه..
الرئيس يعني الزياده بتيجي علي البني ادمين بس!!
مش بتيجي علي البهايم برامج تنظيم الاسره ما نفعتش الا علي البهايم؟!!
**********************
الرئيس للطباخ:العيش ده بتاعنا يا متولي؟
طبعا يا باشا دقيق امريكاني.. وخميره طلياني .. بس مخبوز هنا يا ريس.. نمرة واحد يا باشا!!
*****************
الوزرا يتأمرون حتي لا يقابل الرئيس الشعب بعد ان قرر النزوزل للشارع بنفسه
احدهم :نودي الشعب فين؟
احدهم: نفرض حظر تجول يقوم الريس ما يلاقيش حد يكلمه؟؟
اخر: انا عندي فكرة احسن نستدعي فريق البرازيل يلاعب المنتخب واهو حسن شحاته فاضي؟
اخر انا عندي حل نعلن يوم الاتنين عيد بأي مناسبه والناس يا تقعد في بيوتها يا تسافر لاهلها!!
اخر او نجيب نانسي وهيفا ونعمل تذاكر مجانيه والشعب كله يروح الاستاد.. والريس ما يلاقيش الشعب
اخر:احسن حل نعلن كسوف الشمس الناس تستخبي في بيوتها ها يخافوا يتعموا وبكده الريس ما يقابلش حد!!
الاخرين احسن حل
نعلن كسوف الشمس!!
*********************
الرئيس: بتحبني يا متولي... انتخبتني يعني؟؟
متولي الطباخ: اه والله يا باشا انتخبتك مرتين مرة ببطاقتي ومرة ببطاقه جوز عمتي!!!

هناك 24 تعليقًا:

la3lahakhier يقول...

دا الفيلم ؟
والله انا مابقيت عارفة السنيما بتضحك علينا ولا احنا اللى بنضحك عليها
براءة يا بوص

وجهة نظري يقول...

مش عارف لية لما شوفت اقتراح "كسوف الشمس" حسيت إن دي حاجة حصلت فعلا لما أعلنوا عن كسوف الشمس من سنين بعيدة والناس اختفت من الشوارع فعلا :)

زمان الوصل يقول...

وبعد كل السنين دى من سوء الظن
يطلع الريّس -يا ضنايا- معندوش خبر
و الناس اللىّ حواليه هى اللىّ ضلاليه و مفتريه ..

ولو بلّعنا هذه الفريّه بخمسه لتر شويبس مفروض بردو نسأل : طيب و الحاشيه القذره اللىّ حوالين الريّس مين اللىّ اختارها؟ ولاّ دول زى الدمّل بيطلع فى الجسم دون اختيار !! جررررررررر

DantY ElMasrY يقول...

بس واحد زى يوسف معاطى كويس اللى وصل لحد كدا
أصلا الفلم السياسى موضة اليومين دول
انا لسه ماتفرجتش بس نفسى مفتوحة اتفرج
سلام يا قمر

عدى النهار يقول...

كٌل اللي حاصل طَبْخ الريس بنفسه. فاكر إنه قال فى واحدة من خُطبه الأولى للناس فى مجلس الشعب "حاعمل لكو إيه". طب مش كان يسيبها لحد تانى بدل مايحرق الطبيخ

Desert cat يقول...

انا لما شوفت الفيلم حسيت ان الريس ده من بلد تانية
قال طبق الكشرى عند ابو طارق بخمسين قرش
يعنى مش سمع عن الاعتصامات وعرف سببها
الحاشية مش قالوا له .. ممكن
مش بيقرا جرايد ؟؟؟

الطائر الحزين يقول...

البطانه السوء

بنت القمر يقول...

لعله خير
احنا بنضحك عليها معاها المهم يكون في حاله متعه وتفكير ما تكونش الحكايه اسفاف او فراغ فكري وخلاص
اهلا مرورك الاول تحياتي

بنت القمر يقول...

وجهة نظري
اهلا مروروك الاول
والله حكايه الكسوف دي كانت جايه من باب الدعابه بس وبما ان سوء الظن من حسن الفطن ممكن نفترض ان نظريه المؤامرة صحيحه هنا
وليه لا ولو مكنتش موجوده قبل كده اهو جابولهم فكرة جاهزة اهو
تحياتي

بنت القمر يقول...

زمزم العزيزة
هههههههه سلامه سنانك يا زمزم بتجرجررررري ليه بس
take it easy
والله انتي دماغ نفس الانطباع وصلني الفيلم مقدرش يقدم حل واقعي او مهرب لعقده الفيلم غير ان الراجل طيب واحنا ظالمينه يمكن الشعور الابوي اللي مسيطر علينا كمصريين؟
او يمكن ان المؤلف مفيش قدامه غير كده والا يضري كرسي في الكلوب ويقول ان الريس عارف كل حاجه ومصهين!!
وبعدين انتي بتحبي الشويبس زيي؟
اموت في السفندي موت وإن كنت بدوخ لما الاقيها
بقولك هو انتي علي الفيس بوووك؟
تحياتي

بنت القمر يقول...

دانتي المصري
الفيلم حلو مش وحش ممكن تدفع تذكرة ومتطلعش مقهور عليها اهو احسن من المسخ البشري اللي اسمه محمد سعد اللي خلاني حلفت بتربه ابويا ما يدفع له ولا فيه تذاكر
وزي ما قلت لزمان الوصل المؤلف ما كانش قدامه حل الا كده
اهلا دانتي تحياتي

بنت القمر يقول...

عدي النهار
عفلا هو غير محمي من المسؤليه المباشرة يس زي ما قلت لزمان الوصل ما كانش المؤلف قدامه الا كده
وفعلا نظريه ليس في الامكان افضل من ما كان غير مقبوله ابدا وخصوصا بعد تلااااتييين سنه اعتقد كان في الامكان كتير
تحياتي خالص

بنت القمر يقول...

قطه الصحراء الفيلم حلو بجد كوميديا محترمه وما نقدرش نحاسب الفيلم علي الواقع اقري ردي علي زمان الوصل
بس عجبتني اوي الحته بتاعه
انتخبتني يا متولي
اه يا ريس
مرتين مرة ببطاقتي ومرة ببطاقه جوز عمتي
ههههههههه
كوميديا كحلي تقولك ان حته الريس عارف انه انتخابه مزور
اهو افضل من افلام الهجص بتاعه محمد نحس
تحياتي يا قطه

بنت القمر يقول...

طائر الحزين
فعلا بطانه السوء تتحمل جزء كبير من المسؤليه لكن علي رأي عدي النهاروزمان الوصل هو كمان يتحمل مسؤليه مباشرة وخصوصا بعد حكم طويل تلااااتين سنه
تحياتي يا طائر

خمسة فضفضة يقول...

السلام عليكم ورحمة الله وبركاته

ماشفتش الفيلم ، بس من اللي سمعته عنه هاتكلم
ازاي تكون كل معلومات الريس عن الشعب من خلال طباخ ، للدرجه دي مش قادر يوصل لمعلومه صحيحه من اي حد من الساسه حواليه ، يبقي كان لازم يغيرهم فورا طالما اتأكد من كذبهم وإخفائهم للحقيقه

بس حلوه حكاية كسوف الشمس دي عموما هما ماكذبوش لما قالوا فيه كسوف ماهي كل حاجه المفروض تتكسف من عمايل الحكومه فينا

-----------------

شكرا علي السوبر بوست ولونها متأخره شويه

سلام يا قمر

بنت القمر يقول...

د فضفضه
الفيلم بيعرض ان الريس مسكين واللي حواليه فاسدين واعتقد ان الرد المنطقي ممشاهمش ليه وهنا اقولك ممكن بيعرض مشكله اعمق واعوص هو انهم اقوي منه وهما فعلا كده اقوي منه لانهم محاوطينه محاصرينه ومتحكمين في دماغه
بيتحكموا في اكله وشربه كا اللي يشوفه ويقراه ويطلبه ويقررة مش بيخرج من تحن ايدهم
واالله اعلم
منورة يا دكتور
ولا شكر علي واجب

يا مراكبي يقول...

أولا .. أشكرك على الدعاية الجامدة دي والتصييت ده

ثانيا .. برضه أشكرك إنك عرفتيني بإن فيه فيلم إسمه طباخ الرئيس .. على الأقل ما يبقاش شكلي جاهل قوي كده

ثالثا وده الأهم من كل اللي فوق ده .. الأسعار دي بجد فعلا؟ وسيادته مستني إيه؟ الإنفجار اللي هيحصل مرة واحدة وما حدش هيعرف يصده؟ ثورة الجياع اللي هتطول كل حاجة؟

ما ينفعش خسوف القمر بدل كسوف الشمس؟

غير معرف يقول...

هل هى دعوة جميلة لمشاهدة الفيلم ؟
فى الواقع يستحق ..

تحياتى على طريقة التشويق

بنت القمر يقول...

يا مراكبي
صحيح انت في السعوديه!!!!
اه هي دي الاسعار الجبنه البيضا ب16 جنيه الشيدر ب44جنيه والعدس ب9 جنيه وقزازة الزيت ب9 جنيه
بالنسبه لبوست ريستارت بصراحه هو حلو كفكرة فكرته قويه وده بما ان اصحابي بيتابعو الريدر بتاعي فحبيت اشاركهم فيه زي بقيه القرءات وفعلا الله ينور
ثورة الجياع سواء حصلت او لا
فلكل حكم نهايه محدش مخلد فيها
منور تحياتي يا مراكبي

بنت القمر يقول...

شريف
انا رحت الفيلم من باب تضييع الوقت وقلت فيلم اهبل واهو البنات يضحكوا عليه وخلاص بعد ما نكدت عليهم الاسبوع اللي فات ووديتهم الجزيرة
بس بصراحه اتفاجئت بالفيلم حلو
ومليان كوميديا سودا في كحلي
يعني يعتبر من الافضل في السوق باعتبار
طلعت زكريا كمان مش بطل كوميدي محترف يعني متطلعش من الفيلم مقهور علي التذاكر زي محمد سعد اللي رحته مرة ومش ها تتكرر ولو over my dead body
منور تحياتي

زمان الوصل يقول...

باجرجر ليه :) أصل الحجّه دى قدمت أوى و مفروض يشوفوا أسباب أوريجينال للحاله اللىّ وصلنا لها .. صعب فى عصر الإنترنت و الفضائيات يدّعى أحدهم إنّه ماكانش يعرف !!

باحب الشويبس سفندى طبعا بس بتدوّخنا على ما نلاقيها و كل ما ننزل وسط البلد نبحث عنها ..

أنا على الفيس بوك بس مش باروح كتير هناك :) لقيت كل الناس بتعمل حساب هناك قلت أعمل زى الناس :) أعمل حساب يعنى .. بس مش عارفه أسيب اسمى هنا ولاّ أبعته إزّاى طيب؟

DantY ElMasrY يقول...

الشويبس يوسفى موجود فى الكشك اللى قدام سيتى سنتر فى مكرم عبيد

DantY ElMasrY يقول...

وموجودة فى محل بقالة صغير فى شارع من الشوارع فى البورصة
الشارع دا قريب من مكتبة سندباد

بنت القمر يقول...

زمان الوصل
مسافرة خمس ايام انطراري
لما ارجه نتبادل المعلوم مع الواد سيد القاق
ههههههههههههه
و


دانتي المصري
متشكرين يادانتي علي وصفه الشويبس
طب متعرفش في اسكندريه بيتباع فين؟؟
شكرا دانتي
منور