الأربعاء، مارس 19، 2008

نحن والعالم

ا
الصين
الرهبان التبتيون ينتفضون ضد الحكم الصيني في حركه عنيفه بعد ان تخلوا عن النهج السلمي الذي انتهجوه عبر عقود منذ نشوء مشكله التبت 1951كل شيئ حين يمسك الراهب السلاح فتلك النهايه
الكويت
انشاء اول مستشفي متخصص لعلاج الصقور!!المستشفي يضم اقسام العظام والجلديه والباطنيه!!الشباب الخليجي يحافظ علي هويته وتقاليده في تربيه الصقور ضد موجات العولمه وتحديات الحداثه!!!!!!!!!!!! ويثبت تمسكه بجذورة وتراثه!!!!!!!!!
العولمه والحداثه مرة واحده!! الله يرحم اطفال فلسطين من غير مستشفيات!!
ابوظبي
انشاء اول مسابقه عالميه!!للسيارات اللاسكليه.. {العربيات الصغيرة اللي بتشتغل بالحجارة والريموت} شباب ابو ظبي يجتمعون تحت سماء الامارات في اول مسابقه من نوعها في العالم!!!
فعلا افضل اما اجتمع عليه شباب العربي!!امراض الرفاهيه
!!!مصر!!!
الاستاذ... رئيس جمعيه .. يطالب الرئيس مبارك بتدخل الجيش!!!!من اجل حل ازمه الخبز!!!بعد التقاتل الذي يعاني منه المصريون للحصول علي الخبز!!! الازمه تتفاقم بلا اي نذر للحل..خسارتك يا مصر!!
نشرة اخبار تلفزيون دبي الليله الاخيرة قبل السفر... احلام غيرهانئه

هناك 32 تعليقًا:

مــحــمــد يقول...

امممم .. احم احم .. بصراحه بصراحه .. المدونه شكلها يشجع .. لكن معلش متزعليش .. البوست ده بيقول ايه ؟؟ اخبار يعنى ؟؟ بصى اقولك .. انا هتجول شويه فى مدونتك وارجع للبوست ده تانى .. تحياتى

الطائر الحزين يقول...

وايه كمان مش عاوزين يعملوا مستشفى لعلاج اسنان القطط


ناس فى ساكتة وناس فى هرية وناكتة


تحياتى

أُكتب بالرصاص يقول...

البوست دا معبر جدا

واللبيب بالاشارة يفهموووووو

Empress appy يقول...

هههههههههه بجد هم يضحك وهم يبكى
والله ما حد شايل هم فلسطين ومصر قد المصرين
بقولك ايه انا رايحه المنصورة اجيبلك عيش انا ليه واسطه فى الفرن بصفر من البلكونه وهما يجيبوا على طول هههههههههه

Hannoda يقول...

مش عاوزة أنتقد الخليج رغم السلبيات المفجعة اللي فيه عشان مش عاوزة أنزلق في فكرة الانتقاد الاخر بلا حياد

لكن بشكل عام إحنا العرب عاملين زي المغيبين اللي مالهومش عقول

امبارح اتفرجت على الاغنية الي عاملاها قناه زووم مش عارفة إسمها بس هي استكمال للحلم العربي

شفت فيها مشاهد صادمة خلتني أسأل نفسي ما أتفه أحزاني و ما أتفه مشاكلي

و ما أتفه ما نجتمع عليه و تدور حوله أحاديثنا

تحياتي لتدوينتك

karakib يقول...

المشكلة انه رهبان و سكان التبت ناس فعلا مسالمة و طيبين جدا
بس لهم حقوق و لازم ياخدوها ... حتي زعيمهم الروحي منفي من التبت
كل العالم بيحترم الدالاي لاما
بس محدش بيحاول يحل له قضيته

زمان الوصل يقول...

يمكن الرهبان فهموا متأخّر جدّا إن المطالبة بالحقوق بصوت خفيض و بأسلوب محترم لم يعد منها رجاء !! عموما كويّس إنّنا نتعلّم دروس الحياه حتى ولو متأخّر شويه أو متأخّر كتير

محمود المصرى يقول...

بسم الله الرحمن الرحيم

بالنسبة لخبر الكويت تذكرت لما قرأته عنوان لفت نظرى على الانترنت بخصوص جمعية الامير خالد بن سلطان للحفاظ على الحياة الفطرية فى المحيطات , بصراحة لما شفت العنوان قلت يمكن وراء الالفاظ امور لا افهمها , فدخلت لقيت فعلا جمعية حقيقية وتبرعات ومؤتمرات برعاية الامير خالد بن سلطان من اجل الحفاظ على الفطريات البحرية فى المحيطات , ربنا يخليهم للصقور والفطريات .
اما بالنسبة لمشكلة الخبز انا بقول لا تدخل قوات مسلحة ولا حاجة يعنى لو اقتطعوا جزء من ميزانية الحفلات بتاعت الاذاعة والتليفزيون هايحلوا المشكلة تماما , انا مش فاهم البلد دى ماشية ازاى ؟ دلوقتى البترول تجاوز المائة دولار والغاز الطبيعى سعره ارتفع بالتبعية , بالاضافة لأن مصر زودت رسوم العبور من قناة السويس , والسنة اللى فاتت بس كانت حصيلة مصر من القناة اربعة مليار وربع مليار دولار , يعنى المفروض ان الفلوس زادت الناس ليه مش لاقية عيش ؟
ابتسموا يا جماعة انتم فى مصر .
من حق يا بنت القمر لو لسة فى دبى خليكى ماترجعيش انا رجعت فى كلامى اللى قلتهولك قبل كدة .

mohand يقول...

يعني بتصدرلينا الكوابيس من دبي

ههههههههههههه

بعد ما عملوا مدينة سياحية للقطط والكلاب
مش عايزاهم يهتموا بصحة الحيوانات بعد ما اهتموا برفاهيته

دا يبقي حرام حتي

MAKSOFA يقول...

نشرة أخبار ذات مغزي

la3lahakhier يقول...

لا حول ولا قوة الا بالله
عزيزتى تقبلى مرورى وتحياتى
ولعلمك بقى احنا فل الفل
بس الحكومة عايزة تعودنا ازاى نواجه الغلاء اللى جى مش قصدها حاجة وحشة
احنا اللى اغبيا ومش بنفهمها صح
يلا خير
لعلها خير

خمسة فضفضة يقول...

السلام عليكم ورحمة الله وبركاته

ناس هايصه وناس لايصه، واللي معاه دينار محيره يجيب صقر ويطيره

:-)

لكِ خالص الود والتحيه

اجري على الله يقول...

سلام عليكم
اخيرا حد من الاسكندريه زي حلاتي
بالنسبه للاخبار فالحمد لله احنا عندنا من التفاهه في وطننا العربي الكثير والكثير
وبالنسبه للعيش ده مش عايز تدخل الجيش وبس ده عايز ضمائر صاحيه واعتقد ان ده اصعب من تدخل جيوش العالم

اتمنى ان نتواصل دائما
الشاعر بن هلال

روابط يقول...

ربنا كبير
والصورة اللى انت نقلتيها للعالم من مقتطفات اليوم , بتتكرر بأكثر من شكل كل ساعه زمن
انا عارف انت حاولتى تنقلى للزائر هنا صورة معينة بتجول بذهنك للعالم الذى نعيشه ولكن هذا الأسلوب احيانا ما يربك

Mohamed Hesham Safa يقول...

الحمد لله على كل حال ...

بنت القمر يقول...

الشاعر
طب الحمد لله ان المدونه لاقت قبولك عموما انا اضفت زيادات توضيحيه
اشكر مرورك

بنت القمر يقول...

الطائر الحزين
فعلا ناس في هريه
اخويا هايص وانا لايص
اشكر مرورك

بنت القمر يقول...

اكتب بالرصاص
ههههههههههههه
والله انا زودت اضافات توضيحيه
عشان
الكل يفهموووو
تحياتي

بنت القمر يقول...

ابي

ههههههههههههههههههه
هههههههههههه والنبي عندك واسطه في الفرن الله يحظك علي رأي من قال
طب 5 ارغفه معاكي وابعتيهم لي علي المدونه
منورة ابي

بنت القمر يقول...

هانوده
مش بنتقد الخليج بس ربنا مش بيدي كل واحد كل حاجه
احنا عندنا ظروف اقتصاديه صعبه وهما عندهم رفاهيه احنا عندنا ارض ونيل وحضارة وهما عندهم ارض تدقيها تطلع فلوس
بس وكل واحد في مواله
بس المؤسف ان الهوة بينا وسعت جدا والتكامل والتكافل بقوا في خبر كان
تحياتي

بنت القمر يقول...

كراكيب
يعني الخبر الاول بس اللي لفت نظرك!!! فعلا كل انسان لازم ياخد حقه وده كنت بتناقش فيهمع ماريان ان اللجوء للعنف للمطالبه للحقوق بيكون نتيجه حتميه لان العالم متجاهل حقوق الناس دي
الصورة اللي كانت مع الخبر ده رهبان التبت في ملابس مدنيه
جينز وقمصان وهما بيقلبوا العربيات ويولعو في الاطارات
ويحدفوا بالطوب علي الطريقه الفلسطينيه
بس
عشان كده قلت
حين يمسك الراهب السلاح فتلك النهايه!!
تحياتي

بنت القمر يقول...

زمزم
من فضلك اقري ردي علي كراكيب الرد السابق
منورة زمزم

بنت القمر يقول...

محمود المصري
هو علي قد حفلات الاذاعه والتلفزيون شوف مطار برج العرب وهو مطار دولي يستوعب الطائرات الكبيره حاجه تكسف
فضيحه مصدي ومدغدغ
عموما انا رجعت من هناك
صدقني الناس دي وسك البزرميط الثقافي الديني والحضاري وووسط اكوام الفلوس
بجد يصعبوا علي الواحد ربنا ابتلانا بالفقر وابتلاهم بكتر الفلوس
ومحدش بياخد كل شيئ او زي ما تقول ربنا ابتلانا بالفساد وانعدام الضماير اللي خلوا حال البلد كده
اشكرك تحياتي

بنت القمر يقول...

مهند
يا سيدي براحتهم واحنا لينا ربنا بقا
اهلا العوده مرة تانيه للكتابه مليت مكانك
تحياتي

بنت القمر يقول...

مكسوفه
كوبس ان المغزي وصل
منورة

بنت القمر يقول...

لعله خير
احنا اهو شعب متعوووووود!!! دايماااااا!!!
تحياتي

بنت القمر يقول...

د خمسه فضفضه

لا وكله كوم يا فضفضه والكلمات المكلكعه مواجهه الحداثه !والعولمه! وتحديات المستقبل! وكله في الاخر لعب جيمز !!او تربيه صقور!!! هو ده اللي ها يواجههوا بيه المستقبل يا عيني علينا يا عرب....
وليكي ربنا يا مصر...
منورة فضفضه

بنت القمر يقول...

اجري علي الله
اهلا بيك وبكل سكندري
ان شاء الله ها اتابع مدونتك
*****بالنسبه للاخبار فالحمد لله احنا عندنا من التفاهه في وطننا العربي الكثير والكثير
وبالنسبه للعيش ده مش عايز تدخل الجيش وبس ده عايز ضمائر صاحيه واعتقد ان ده اصعب من تدخل جيوش العالم******************
الحقيقه مفيش حاجه تتقال علي كلامك وصلك تماما قصدي
الله ينور
تحياتي

بنت القمر يقول...

حازم سويلم
مفهمتش تقصد ايه بأسلوب مربك؟؟
عموما انا بعد ما نزلت البوست زودت عليه
جمل توضيحيه
عموما اذا لم يتضح ما اقصد فهو وضع وحال بلدنا ومشاكلها بالنسبه للعالم
اشكر مروروك تحياتي واتمني تكرار الزيارة

بنت القمر يقول...

محمد هشام
اكيد الحمدلله دايما بس يا رب بكرة احسن
تحياتي
اشكر مرورك

غير معرف يقول...

موضوع رغيف العيش مؤسف و محزن و مهين و الكتابه حوله تؤلم و تدمى ..

أما السفه فى الأنفاق و تباين الأولويات بين المجتمعات و نظرة كل جماعة من البشر لتلك الأولويات فهو موضوع يطول الحديث حوله و لن ينتهى و سوف نعتاد عليه هنا فى مصر مع قرب وصول طبقات تتساوى ان لم تتفوق على ثروات الكثير من الخليجيين و قريبا سنرى عجب العجاب ...

أما موضوع التبت و القلاقل الجارية هناك فاعتقد انها لا تعدو نوع من الضغوط على حكومة الصين لأسباب قد تكون اقتصادية أو سياسية ... و أشك كثيرا فى خلاف ذلك , فرهبان التبت نساك يمارسون شعائرهم فى سلام و هدوء على قمم الجبال .. أنه مثال بسيط لطغيان و توحش الأعلام الغربى و سيطرته على الكرة الأرضية و توجيهها بما يتفق مع مصالحة ...فلا بد أن نصدق أن الأرنب قد خرج فعلا من كم الساحر و أن مذبحة بشرية تجرى فى دارفور بأيدى الحكومة السوادانية و أن مصر تحفر أنفاق لتهرب من خلالها سلاح الى حماس و أن تنصيب رئيس للبنان ينهى كل قضايا الشرق الأوسط ...

بنت القمر يقول...

حسن
فعلا الموضوع مؤلم ومهين
ان الناس بتعيش امراض الرفاهيه واحنا لسه بنتكلم علي العيش وعاوزيمن الجيش يتدخل يحل لنا المشكله
تحياتي واشكر
مرورك