الخميس، مايو 29، 2008

نوم عميق


انهيت امس اولي جلسات علاج العصب حضرت الي العياده في السابعه تماما بلاتأخير.. مازال البعض يعتبر جنوني في المحافظه علي الوقت عملا يستحق العقوبه
فعلا يثير الاستياء في حد ذاته.. لم يعرفوا كم يرهقني !!
كم هو شاق القياده السريعه بسيارة متهالكه في شوارع الاسكندريه ذات الارتفعات والانخفاضات والمطبات المتواليه
في كل مطب مع الام الاسنان المبرحه هو تجربه لاحساس ان تكون ثمرة فاكهه تتفتت عند وضعها في الخلاط!
قبل الاشارة الاخيرة يستوقفني العسكري الريفي ذو الوجه الملوح بسمرة شمس قضي تحتها ساعات طويله
لاطاقه لي للانتظار دقائق اضافيه حتي فتح الاشارة.. ارجوة ان يتجاوز عن سيارتي فيرفض ويجيبني الحا صول{حضرة الصول} ها يديكي غرامه مقدرش اعديكي..
تحل شمس الانضباط فجأه علي هذا العالم وتنقشع غيوم الفوضي
يجتمع كل شيئ ضدي الالم والمطبات والعسكري والحاصول
انقذني يا الله..
ارسلت له نظرة حزينه وابتسامه مهزومه.. فتجاوز عني بعد ان قال لي: بس دي اخر مرة يا ابله...كم افسدت الكلمه جميل معروفه!!
ادخل الي العياده فحجرة الكشف اتمدد علي الكرسي الجلدي
يحضر الطبيب في يده حقنه البنج خمسيني له شعر ابيض مهوش كأنما هو قاتل محترف.. من منحه لقب ملاك الرحمه.؟؟!!
.. لابد انه قاتل بالاجرة هكذا يعمل في اوقات اخري...لااعتقدها مهنه تشق عليه ابدا
يغرس الحقنه في العصب الملتهب اشعر فجأه بسريان كهرباء تكفي لاضاءة مدينه كامله تنطلق الي رأسي.. وتنساب دموع ساخنه من عيني اليسري العين اليمني ترفض هذة المرة مشاركتها واجب البكاء
يبدأمفعول البنج واشعر بذلك الخدر القاتل يبدأعمله..
تتضاءل المسافه بين وجهه ورأسي المحاصر تماما... اشعر بتناقص كميه الهواء الباقيه في الغرفه
احاول التملص لحظات واستأذنه اجرأء مكالمه فيرفض بحسم
استسلمت تماما... ولم يبقي غير ان اغمض عيني واشعر بمرارة الرصاص المفتت ورائحه الحريق واستسلمت تماما
اتم مهمته.. اعطيته المال وشكرتة
و في قلبي شيئ اخر.!!!
... وانصرف اعود الي البيت مهزومه
مترنحه.... ورأسي ثقيل..... ارتمي علي السرير.... واحصل علي نوم عميق

هناك 35 تعليقًا:

فاتيما يقول...

ألف سلامة عليكى يا حبيبتى
و موش عارف إيه الحكاية ؟؟
الدكاترة بقوا بيتعاملو مع الآلام الناس بحيادية غريبة الشكل ...
صحيح فيه ناس ساعات بتتدلع بس فيه ناس كتير الأمها حقيقى و صعب ...
و فيه كمان دكاترة كلهم حنان و إحتواء ...
بس اللى يصادفهم فى حياته بقى
تحياتى و سلامتك يا حبيبة

To a friend يقول...

ربنا يخفف ألامك و يعفي عنك

وجع الاسنان بالذات بيكون مرعب و فظيع جدا

معلش ربنا يهون

ahmad يقول...

أعرف في عملي ، أنني كثيرا ما اعتمدت تنفيذ مهمة ما ، بدم بارد ، و و احيانا بدون نطق كلمة ،فقط اتمم العمل علي خير وجه ، و أنهيه.
أما في المسألة الطبية ، لا اعلم لماذا لم استطع ابدا ابتلاع فكرة طبيب بهذه الروح.

غريب هو الإنسان

خمسة فضفضة يقول...

السلام عليكم ورحمة الله وبركاته

الف سلامه عليكي يا قمر

ماتفكرنيش بآلام الاسنان ،في عداء شديد جدا جدا بيني وبين دكاترة الاسنان وباحاول اتجنبهم بقدر الامكان بيجيلي رعب من منظر وحدة الاسنان كلها

فعلا تحسي انه دكتور بيشتغل من غير مشاعر وكانه مش حاسس بالام الضحيه اللي تحت اديه واللي قاعد يهد ويبني جوا بقها

، اليومين دول شكلي كده هاضطر اسفه اني اروح لدكتور سنان ربنا يستر



الف سلامه وربنا يتم شفاكي

bluestone يقول...

سلامتك :)
وصفتي التجربة برعب ..
انا شخصيا بعتقد ان كرسي طبيب الاسنان مستوحى من افلام الرعب

عندي فوبيا تستدعي العلاج من عيادات الاسنان !!!!

أفضل الالم المستمر

بقالي اكتر من شهر تناولت خلالها جميع انواع المسكنات :(((

blackcairorose يقول...

سلامتك بنت القمر

احيانا بشوف ان تعاطف الطبيب صعب فى ظل ما يراه يوميا من حالات ربما تتعدى بشاعتها حالات أخرى

ولكن بالتأكيد التعامل مع المريض ببرود أيضا غير مطلوب

فهناك مسافة كبيرة بين التعاطف والبرود

وخالص امنياتى بالشفاء ياعزيزتى

ومن باب المناغشة ليس إلا

يا أبلة!!

اسكندراني اوي يقول...

شفاكي الله وعافاكي
يبدو ان الالام اصبحت منتشره هذه الايام
اسنان
رقبه
ديسك علوي
صداع
ماذا حدث لجيلنا
لا ادري لقد اصابنا الشيخ فجأه

انا اتكلم عني انا مش الجيل كله طبعا
وش شرير وجنبه وش بيضحك

الف سلامه

Askandarani يقول...

salamtika,
و مالها شوارع الاسكندريه زي الفل. شارعنا قدامه اسبوعين و حعلنو مدق. و الدخول للمجنزرات فقط

بنت مصر يقول...

الف سلامه عليكى ياقمر والله انا عندى ضروسى كلها بايظه وربنا ما يوريكى لكنى عماله اتحامل على نفسى خوفا من زيارة دكتور الاسنان
فعلا زيارة دكتور الاسنان دى بتبقى عامله زى الكابووووس

... يقول...

سلامتك
عارفة فيلم الرعب دة كويس
بس أحب أقوللك وأنا معاكي إن أحسن حاجة تروحي قبل الموضوع ما يستفحل لأن الإنتظار بيقلل اختياراتك ويزود المشكلة
بجد
أنا استسلمت تماما لما لقيت ان ابتسامتي هتتأثر باختفاء ضرس علي جنب وسبته يلحق ويرمم
فكرتيني بالذي مضي

someone in life يقول...

سلامتك .. وصفك رائع للطبيب و اعذري العسكري يمكن احس بألمك و دي طيبه المصريين .. طمنينا علبكي

اسكندراني في الغربة يقول...

الف سلامة عليكي
اعتقد ان النوم العميق كان مكافأة للي عانتية طوال اليوم ابتداء من ابلة حتى طعم الرصاص
:)
تحياتي

Ahmed Kamal يقول...

إنتي ليه بس بتفكريني !

أنا كنت عند دكتور الأسنان الأسبوع اللي فات ، و بعد ما استحملت البهدلة و الآلام ، لقيت الأستاذ بيكلمني عن الجلسة الثانية ! قال أنا أروح برجلي ثاني ، يعني ماكانش ممكن يخلص كله في مقص واحد ؟

ما علينا هكذا هي الدنيا يا أبلة .

Hypatia يقول...

الف سلامه يا موووون :)

انا عمرى ما رحت لدكتور الاسنان غير مره واحده وانا فى 1 اعدادي
بعد ما عطانى البنج انشغل فى حاجه تانيه لغايه ما مفعول البنج خف وبعدين اشتغل بقي
:))
كانت تجربه منيله بستين نيله واول واخر مره من يوميها وانا توبت خلااااص يحيا النوفارتس العظيم
:))

dodda يقول...

الف سلامه
انا اسفه انى اقولك ان الضرس لسه فيه شوية شغل!!!
لازم بعد ما تكملى حشو
تعملى كراون(طربوش)
عشان حشو العصب بيضعف الضرس اوى
سلامتك وحتعدى ان شاء الله

rtrcbh يقول...

السلام عليكم ورحمه الله وبركاته
اتم الله شفائك اختنا الكريمه
وجميل جدا وصفك للاحاسيس بالالم والتخدير

Layla يقول...

سلامات.. الف سلامة

Unknown يقول...

سلامتك

karakib يقول...

رايح بكرة
ربنا يستر
سلامتك

بنت القمر يقول...

فاتيما
======
ميرسي يا ام يوسف نورتيني انا والله من النوع اللي بتحمل خالص
بس المرة دي كان لا يحتمل
:
:
:
فضفضه نور
====== شكرا يا نور ربنا يقبل
:
:
:
:
احمد
========
مدونتك جميله
ضيفتها عندي
اشكر تفهمك... وان كنت ما فهمتش طبيعه عملك!!

بنت القمر يقول...

فضفضه
اشكرك
روحي متتأخريش كل ما بتتأخري الموضوع بيسوء
:
:
::
:
بلو ستون العزيزة
لو شفتي الكتور شبه الراجل بتاع صمت الحملان نفس التبريقه
الالم في الاسنان مش مستمر للاسف متصاعد
الحقي روحك
:
:
:
:
بلاك كابرو روز
لو متعاطفش مع كل حاله بحده مش مفروض يبقا ملاك رحمه بقا
لان كل واحد مش بيحس غير بوجع نفسه
ابله ابله مش مشكله وانا اطول حد يناغشني
دهمحدش بيبتسم في وش حد دلوقت نورتيني

كوارث يقول...

ربنا يخفف عنك
العصب مؤلم جدًا فعلا
انا عن نفسي لطمت لما شبعت لان الدكتور مكانش اداني بنج اصلا وانا في دماغي ان الموضوع ميستاهلش وبقى كل اللى بقوله حشيت عصب من غير بنج يبصلي على اني سوبر مان او عبيط .. بعد كده عملت عصب تاني وخدت حقنتين بنج وكان نفس الالم اللي خلاني اصوت بالظبط
معرفش ايه الموضوع
بس الموضوع انه عصب !

بنت القمر يقول...

اسكندراني اوي
==========
انا من جيل النصر وزي الفل ووعكه بسيطه
انت بقيت ليه كسلان في التدوين؟؟!!
مش تختفي كده
شكرا ليك
:
:
:
Askandarani
شوراعها زي الفل وكله تمام حد يقدر يقول بم !!اشكر مرورك
:
::
:
واحدة مصريه
========
اهلا مرورك الاول
ربنا يشفينا جميعا

بنت القمر يقول...

بثينه
=======
اهلا يا بثبوث
انا رحت وبدأت فعلا فكرة اني افقد ضرس ويعمل فراغ
فكرة مرعبه
انا برضه ده اللي خلاني استحمل علاج العصب
اشكرك يا جميله
:
:
:
someone in life
كلك زوق يا عزيزتي الاصحيح اسمك ايه؟؟
ب اسم الدلع حتي
انا بخير بس تعباااانه اوي
:(
العلاج ممتد لسه والعصب ملتهب رغم المضاد الحيوي
اشكرك جدا يا صديقتي

بنت القمر يقول...

اسكندراني في الغربه
هو الاسكندرانيه بقوا كسلانين ليه كده؟؟!!
اه والله مش نمت ده انا ادلقت علي بوزي
اشكر مرورك يا عزيزي
:
:
:
احمد كمال
=======
شر لابد منه
علقه ولازم تتاخد لاخرها
بخصوص المفص الواحد هو احنا قادرين علي حته حته لمل ننضرب مقص واحد مرةواحده
ربنا يشفيك يا عزيزي
نورتني
:
:
:
:
Nsreen Bsunee
========
ربنا مش يحوجك للقعده السوده بتاعه دكتور السنان عموما نصيحتي لو احتجتي روحي شيكي بدل الدنيا ما تبوظ مرة واحده
منورة نوسي

Empress appy يقول...

سلامتك مع انها متأخره ابقى كلمينى اكلم اونكل الصول انا فى الحاجات دي لما الاقيه مصمم اقوله خد النمره تلات مرات قبل الاكل اصل فى كل الحالات بدفع غرامه ههههههههه
سعيده انك متبعاني قووووووووووووووووووووووي
انا كمان بتابعك ومن الشباك برميلك خالى

بنت القمر يقول...

odda
اهلاببيكي المرور اول منورة وانا عارفه ان القصه لسه ممتده
الله المستعان نورتيني
:
:
:
د/أبويحيى وادم
اشكرك جدا يا عزيزي
وربا يتقبل دعائك واشكر مرورك
:
:
:M@RV3L
الله يسلمك شكرا

بنت القمر يقول...

أنونيمس
======
الله يسلمك شكرا
:
:
:
karakib
بالسلامه ان شاء الله
اشكرك

.:.-=- ELGaZaLy-=-.:. يقول...

ربنا يعافيكى ويجعلة فيى ميزان حسناتك...

Another يقول...

ألف سلامة، وبأذن الله يأتي بنتيجة نهائية لا تعيد الأدوات الفرانكشتاينية إلى فمك مرة أخرى، وبالمناسبة؛ حشو العصب الخاص بي يوم الأحد القادم

إجابة متأخرة عن سؤالك قبلاً في
RSS
لربما تفيد هذه الوصلة:

http://fannanfakir.blogspot.com/2008/05/rss.html

غير معرف يقول...

قلبى عندك وأرجو أن تكونى اليوم أفضل

أسلوبك عميق رائع بغض النظر عن الألم ..

لنا خواطر كثيرة مع كرسى الأهوال هذا الذى لاتستطيع معه الا أن ترفع عينيك الى السماء .. وهذا هو الوضع فعلا .. وتقول يارب ..

جعلها الله فى ميزان حسناتك ولاأعادها أبدا

بنت القمر يقول...

كوارث
اشكر مرورك
والف سلامه
========
ابي
ميرسي يا جميله
انتي في القلب اقصد الريدر
:))

بنت القمر يقول...

الغزالي
اشكرك جدا
ربنا يقبل دعاك
تحياتي
:
:
:
شريف
========
اشكرك جدا
واشكر اطرائك ويا رب دايما عند حسن ظنكم وتلاقوا عندي ما يسعدكم وان كان وصف الالامي!!
نورتني جدا

بنت القمر يقول...

Another
الف سلامه مقدما
اشكرك جدا جدا
علي اللينك ها اروح اشوف الحكايه
الادوات الفرانكشتانيه لسه لها معايا جولات قادمه دعواتك
ودعواتي ليك
اشكرك تاني

عاشــــــ النقاب ـقــــة"نونو" يقول...

السلام عليكم
الاربعاء قبل الماضي حشيت واحد والاربعاء الجاي هحشي التاني
معلش معلش
الف مليون سلامة عليكي يا قمر
طهوووووور باذن الله
تحياتي