الثلاثاء، أكتوبر 14، 2008

ميني ليلي .... والازمه العالمية الامريكي

مستقبل ميني ليلي _والعالم الامريكي!!
------------------------------------
حين حضرت الصغيرة منذ سنوات الي هذا العالم الرحب الذي يصر ان يضيق بسبب ثورة الاتصالات وتداخل المصالح الاقتصاديه والتيارت الثقافيه.....كنت لم اعرف وقتها(22سنه) حكمه مورجان فريمان في فيلم seven مبررا انفصاله عن صديقته بانه متأكد انه لا يرغب في جلب مزيد من التعساء الي هذا العالم !!

ولكني عرفت الحكمه لاحقا ...حاولت ان انتقي لميني ليلي كل شيئ بعنايه من اسمها( الذي لا يدل هلي هويه او لغه او دين او قوميه_ الي الرياضه التي تمارسها الي نوعيه التعليم التي سوف تكتسبها والمدرسه
وكنت حسب ذلك الوقت احمل في قلبي بعض النزعات القوميه... والرغبه في التمرد فكان كل اطفال الاسره ترتاد مدارس انجليزيه متفاوته السعر والمستوي في حين ادخلتها الي مدرسه فرنسيه... وكنت اتلقي بسبب هذا الاختيار كثيرا من اللوم والاستهجان... فرنساوي ايه..؟؟ العالام كله خلاص بقي انجليزي.... الكومبيوتر ها تستعمله ازاي...ها تذاكري لها ازاي...؟؟ لو تفوقت ها تسافر تكمل تعليم فين؟؟ ولغتها الاولي مش انجليزي؟!!
كانت عوامل الضغط من الاخرين هي عوامل دفع في الاتجاه المعاكس..... الا يوجد مكان في العالم لمن لا يتحدث الانجليزيه... هل اصبح العالم امريكيا الي هذا الحد..... !!! الا ابنتي.... سنبقي في الخندق الي اخر جندي...
مرت سنوات كنت اتلقي كورسات الفرنسيه الشاقه و وانا احمل الصغيره الثانيه والاخيره في بطني.... اصعد السلالم الخشبيه المتهالكه واعود يالdevoir من المركز الثقافي الفرنسي.... كان من راس قائمه المعترضين خالي المهاجر الي كندا الذي يحضر لزيارتنا كل فتره فكان{ بينقرزني} بان الامريكان: بيحاولوا يدمروا اللغة الفرنسيه في العالم باجمعه وانه تصرف غير مبرر ان احكم وفي مصير ابنتي ان تدرس لغه لا مستقبل لها!! قائلا انا اعلم ان هناك لوبي مصري مفرنس من كبري علاماته عائله غالي...{ ماشوفتيش الامريكان عملوا ايه في بطرس غالي دول شاطوه بعد سنتين من الامم المتحده!!!!!
وكنت ادافع عن وجهة نظري باستماته دائما ولكن في داخلي الامر شديد الارتباك... عزز الارتباك تسرب بعض قريناتها الي التعليم الاي جي والامريكي وغيره الذي اصبح واجهة اجتماعيه اكثر من اختيار منطقي وعزز الارتباك ايضا... صعوبه التفاهم مع الراهبات المصريات{الصعيديات} اللواتي حللن مكان الراهبات الايطاليات والفرنسيات اللاتي قام علي اكتافهن التعليم الفرنسي سابقا
ومع حدوث الازمه الماليه الامريكيه واللاتي ستجعل الامريكان غير قادرين علي منح صكوك للتمويل العقاري او منح منح دراسيه للطلاب الامريكيين قد لا يكون غريبا ابدا ان تكون الثانويه الامريكيه التي يتباهي بها الطبقه البرجوازيه المصريه الان لا تسوي ثمن الحبر الذي سطرت به.... قد تكون الجنسيه الامريكيه لمن دفعن الالاف لينعمن بالولاده علي الارض الامريكيه لا يكون بعيدا علي الله ان يبلوها ويشربوا ميتها!!... ورغم استشارتي الي صديقتي في البنك مدام ماجي عن مصير وديعتي الدولاريه استنكرت تحويلها الي عمله اخري... قائله.. اصبري الامريكان مش ها يقعوا.... الامريكان ها يتصرفوا.... الامريكان مش ها يسيبوا انفسهم ينهاروا دي سمعه امريكا وهيبتها قدام العالم يا اماني!!!..... الامل يحدوني انه مازال الغد يحمل بارقه.... ان العالم لن يكون امريكيا كثيرا بعد الان!!

هناك 19 تعليقًا:

mido يقول...

صاحبتك عندها حق

امريكا مش حتنهار يا جماعة

يا امانى امريكا مش حتنهار

احممممم

هو انت بنتك اسمها ايه؟

ليلى؟

mido يقول...

انت بيتكتبى فى جرايد او مجلات؟

:)

عين فى الجنة يقول...

جلال امين استاذ الاقتصاد فى الجامعة الامريكية وهو من هو صرح لمنى الشاذلى وانا اتفق معه مائة بالمائة ان الانهيار الاقتصادى الامريكى الحالى يعادل انهيار الاتحاد السوفيتى وتفككه بين ليلة وضحاها
ولا يوجد اى ضمان او امان فى نظام ربوى عالمى قائم على الدين والاستدانة والربا الذى وعد الله انه سوف يحاربه
قال الله تعالى " ‏فإن لم تفعلوا فأذنوا بحرب من الله ورسوله وإن تبتم فلكم رؤوس أموالكم لا تظلمون ولا تظلمون "
فأى نظام هذا الذى يقدر على حرب الخالق المقتدر؟
استثمار الاموال فيما ينفع الناس فى الارض من انتاج زراعى او صناعى او تجارة مع دفع الذكاة التى تطهر الاموال هذا هو الطريق القويم ولا حجة لاحد انه لايعرف كيف او انه ليس عنده خبرة
اما التعليم الفرنسى فليس به عيب على اعتبار ان الانجليزية سوف تكون لغة ثانية بشرط ان تكون البرامج والمناهج مناسبة وان يقوم على التدريس متخصصون وان يكون المتلقى مستعد لبذل الجهد
اولادى فى مدارس اللغات من اول كى جى وان يدرسون الانجليزية وليسوا سواء من اهتم منهم باللغة اتقنها ومن كبر دماغه فمثله مثل الذى رقص على السلالم
ايه اخبار النوات السنة دى عندكم؟

زمان الوصل يقول...

شطح بى الخيال و أنا فى بداية المدوّنه و أنت تقولى أنّك قرّرت تحدّى الموجه الأمريكيه بسبب اتجاهك القومى وقتها وقلت معقول تدخّل البنت مدرسه حكوميه تعلّمها إن الأرض بتتكلّم عربى !!

و ضحكت من نفسى حين عرفت أن الاختيار كان دراسة اللغه الفرنسيه بدلا من الإنجليزيه رمز الهيمنه و الإمبرياليه -بتعصّبنى أو الكلمه دى- الأمريكيه ..

المشكله أنّنا فى كل الأحوال تابعين كل دورنا ينحصر فى رد الفعل لا الفعل .. و اختياراتنا محدوده للغايه ما بين منتجات كلّها لا تخصّنا :) سواء كانت لغة تعلّم أو عملة وديعه أو حتى مفك تست .. ما علينا :)

sara يقول...

بوست معبر يا اماني .. بس قوليلي حاليا بعد ما البنات كبروا شويه .. انتي مش ندمانه انك دخلتيهم فرينش ..وياتري الكورسات اللي انتي اخدتيها نفعت انك تجاريهم في دراستهم الفرنسيه بالكامل
اصلي انا حاليا بفكر في نفس الفكرة بس طبعا وكالعاده اللي حواليا معارضين وانا قلقانه بسبب اللغه لان لغتي الوحيده الانجليش وماليش خالص في الفرينش

بالنسبه لموضوع امريكا اقتصاديا ..انا واثقه انهم مش هينهاروا ممكن يهتزوا لكن انهيار كامل لأ.. الفكرة بقي اني قلقانه من اللي ممكن يحصل وتبعيات الانهيار ومحاولات تخطيه علي العالم التالت وتحديدا الشرق الاوسط ..ربنا يستر

بنت القمر يقول...

ميدو
========
مفيش لمبراطوريه مخلده يا ميدو هما الرومان واليونان وغيرهم راحوا فين؟؟!! طال الوقت او قصر
_بنتي اسمها دينا
_ لا انا بوستاتي بتتسرق وتنزل بلوشي اللله يكرمك لو تعرفلي صاحب كشك جرايد اكتب له كده علي ما قسم وانا راضيه بقليله:))
وليك مرتب اول شهر... يبقا لك الخير والثواب
تحياتي

بنت القمر يقول...

راجي
=========
انا شفت الحلقه برضه وبعت لك ايميل شرح مبسك للازمه والحقيقه القرايه في الموضوع ده مرعبه جدا... ينهاروا ولا يغوروا في داهيه... هم ووش الفقر بوش بتاعهم!!
_ لو انت متابع الفيس بوك الفتره الاخيره بتسخر جدا من فكرة ربط الانهيار الاقتصادي بعمليه الربا او الفايده المتراكمه... وخصوصا بعد شماته نجادي في امريكا وتبريره سقوط النظام المالي ببعد امريكا عن الدين
هو الحقيقه العوامل الاخلاقيه والنظام الربوي سبب اساسي في الازمه مش عارفه ليه الناس مش عارفه تصدق ده_ مقولناش بقا ان اليهود هم اللي وضعوا النظام ده عشان محدش يقول بقا تعصب وبتاع
_ اللغه الفرنسيه الحقيقه بتقدم ثقافه وفكر مختلف وده المطلوب في حد ذاته... الا نجليزيه طبعا لا ترقي الي مستوي الطلبه في المدارس الامريكيه او الانجليزيه رفيعه المستوي ومع ذلك الانترنت والفيس بوك التلفزيزن بيعوضوا الفارق ده
والله انا لسه بتعلم لحد دلوقت
بخصوص النوات .. هو كان في مطر من يومين بس الجد مبدأش ولسه الجو حر جدا مغيم... بس حر نار
تحياتي

خمسة فضفضة يقول...

السلام عليكم ورحمة الله وبركاته


مافيش حاجه مضمونه اليومين دول

كل ما بقرأ بستفاضه في موضوع الازمه العالميه دي باحس اننا رايحيين علي الهاوية وان امريكا ممكن تضحي بكل شعوب العالم خصوصا طبعا النايمه اللي زينا علي امل انها تخرج من ازمتها
وياسلام بقي لما تسمعي تحليلات احمد المسلماني في الطبعه الاولي تحسي ان طريقك مسدود مسدود مسدود

ربنا يسترها الايام الجايه

علي فكره قالوا امبارح ان الدولار بدا سعره يرتفع قدام الجنيه فاماتفكيش الوديعه واسمعي كلام صاحبتك

سلام

مهندس مصري بيحب مصر يقول...

يعني لازم يا انجليزي يا فرنساوي
لازم لغة غير العربي
:)
عموماً أمريكا لسه حتنهار على مهلها
مش مرة واحدة
منتظر رأي حضرتك في آخر موضوع عندي

mido يقول...

اه

فى جزء وقع من تعليقى وانا بكتبه

وهو انا امريكا مش حتنهار( بسبب الازمة المالية الحالية)

طبعا فاهم انها هتنهار زى بقية الامم و اسرع منهم كمان

--------------------

صاحب كشك جرايد

ههههههههه

انت تكتبى فى الاهرام عدل

:))

Askandarani يقول...

dont worry, all the people i know from french schools have excellent english, and better than english school student. they are surrounded by english movies, music, radings more than french. all inglesh all za tayme.

as for magi, and bank, mmmm next u will tell me the bank is by the c

غير معرف يقول...

بنت القمر

لاداعى للقلق .. فالعالم لن يكون اميريكيا مائة فى المائة .. لكنى أخشى أن أقول ثمانون بالمائة

لكن ماأقصده هو الآتى .. مين قال إن المدارس الفرنسية لاتعلم الانجليزية ..

عايزة الحق .. أنا أول تعليمى كان فى مدرسة الليسيه .. لحد ماخلصت الشهادة الابتدائية وحولت عربى ..

الحقيقة ان من يتحثون الفرنسية كلغة أولى يتحدثون الانجليزية بطلاقة ..العكس غير صحيح .. أما هاجرنا أولادى خدوا شهور قليلة عشان يتحولوا انجلوا ساكسون .. وهم برضه ابتدوا فى الليسيه

لاتقلقى ياعزيزتى .. فاختيارك امسك بالعصا من النص .. من غير مانضطر ندعى زى ماكنا بنقول زمان .. ياعزيز ياعزيز كبة تاخد الانجليز

باضحك معاكى طبعا .. ربنا يسعدك بيهم

بنت القمر يقول...

زمان الوصل
------------
كنت حاسه تنه حد ها يقولي الكلمتين دول اننا دورنا بينحصر في رد الفعل
وانه الكومبيوتر اللي انا عليه امريكي والكرسي صيني وابصر وما ادرك
حقيقي اذا مكنش قدلامنا غير رد الفعل يبقا افضل من ولا حاجه خالص!!
الحركه في حدود المتاح
نورتي

بنت القمر يقول...

نون
----------
اللغه صعبه وخنيقه والتعليم في الكبر مش سهل
لكن طبعا انا قدرت امشيهم لاني شخصيه مدوحره اصلا:))
يعني لحد رابعه ابتدائي في الفرنسيه بعد كده لازم درس والحساب مش اوي لكن شايله العربي والدراسات والعلوم
بصي القرار مش سها وفي مرحله معينه الكل بياخد دروس انجليش او فرونسيه
الفكرة ان الواحد عنده خلق ونفس ولا لا
لو معندكيش طول بال يبقا بلاش
لكن لو نفسك اوي ها تنجي وها يبقوا كويسين واحسن من اللي امهاتهم خريجات مدارس فرنسيه
بخصوص امريكا اللي تقع وتولع ونخلص مشفناش منها الا الدمار والخراب والحروب من بوش وش الفقر ده
نورتيني

بنت القمر يقول...

فضفضه
========
انا كمان الموضوع ده عاملي هسهس في دماغي لو ان الوديعه صغننه اوي وحاجه تكسف بس رضا الفكرة اني خايفه اوي مش عارفه ليه كان بوش ده ابن عم ابويا مثلا
ولا كاني امريكانيه!!
بس خايفه وفي نفس الوقت شمتانه فيهم:))
نورتي

بنت القمر يقول...

مهندس مصري
==========
طبعا لازم
من عرف لغه فوم امن مكرهم!!
والعلم نور
شفت الموضوع بتاع القرضاوي وبقالي يومين اقرا فيه!!
يا مسهل ان شاء الله ها ارد لو حتي نزلت بوست جديد
نورتني

بنت القمر يقول...

اسكندارني
============
انا متأكده جدا والحمدلله هما كويسين في اللغتين
وزي ما بتقول النت والفيس بوك والافلام بتعوض الفجوة وانا مش ندمانه علي قراري انا بس بشرح لك الابعاد النفسيه للمواطنه المصريه اللي هي انا
--------------------------
as for magi, and bank, mmmm next u will tell me the bank is by the c
-------------------------
مفهمتش تقصد ايه بكلمه باي ذا سي؟؟
ممكن افهم
نورت

زمان الوصل يقول...

:)
يا ستّى ولا أبصر ولا مادرك !!
أنا اللىّ يبدو فهمت كلمة "النزعات القوميه" غلط ولم أفكّر أن اختيار لغه غير اللغه الإنجليزيه للدراسه نموذج لرد الفعل المناوئ للهيمنه الأمريكيه ..

أنا بالمناسبه مابحبش المثال اللىّ البعض بيختاره كدليل على عجزنا و الخاص ب "طيب بنستخدم الكمبيوتر ليه" لأنّى باشوفه غير ذى صله ولم يكن حتى على بالى .. بس بردو مش باروح لل
extrem
التانى و أعتبر اختيار لغه غير الانجليزيه اختيار له استقلاليه واضحه .. يعنى مش لازم نكون بنتحرّك بين نقيضين دائما ..

islam yusuf يقول...

لا على فكرة هتنهار

الرأسمالية فى مأزق
و القانون الأكيد اللى بيحنى رقابى العباد على مسار التاريخ
ان فيه امبراطورية أى امبراطورية بتوصل لحد الذروة و بعد كده تدريجيا بتنزل
و الأزمة المالية دى حتجيب أجلها

ممكن سنة سنتين أو حتى قرن لكن ....مين اللى هيسود بعد كده؟