الجمعة، أكتوبر 24، 2008

الانسه ضحيه والسيد متهم

كانت تعتقد انها شيئا مختلفا عن الاخريات ويجب ان تسلك طريقا مختلف
... ان تحلم بالنور اخر النفق وان تسعي للوصول اليه رغم ظلام الطريق ترغب ان تكون انثي وامرأه ومواطنه وزوجه وام و حلم وامل وطموح
ترغب هي في كل شيئ ولكن لا احد يحصل علي كل شيئ!! هذه هي الحياه مجموعه من المفاضلات والتنازلات نحصل فيها علي بعض الاشياء ونخسر اشياء اخري
الطريق تبدأ بان تعرف من تكون وماذا ترغب...اختارت دراسه الاخراج ليكتمل حلم التحقق المهني ... لم ترغب ان يكون جمالها طريق تحققها فلم تسلك التمثيل لكن اختارت مهنه من يريد ان يقود ويقول!
...كانت تعرف ان تلك الطريق صعبه وطويله... لابما ابتلعت كل الاحلام الاخري... بجوارها... ارتدت الحجاب... ترغب ان تكون الي الله اقرب ادخرت ذلك الجسد ككل بنات وطنها لمن لم ياتي بعد... حاصرت بقوة كل احلامها الليليه بالفارس الشهم الذي سيحقق اكتمالها كانثي
حفظت الجسد ووطأت رغباته... ادخرت شوقها للحبيب الذي يسكن المخيله ولم يطرق الباب بعد...كانت الطريق غير ممهده في التحقق لم يعنها عليها سوي ابيها الذي امن بها منذ سمع يوم ولادتها انه رزق بالبنت وليس بالولد
ياتي ذلك اليوم البغيض الذي يتحرش فيه بها احمق.. رغم حجابها الذي لم يمنعه... لكنه رغب ان ينال من ثمرتها المدخرة بغير حق
غضبت وماجت الثمرة ليست لك يا سيدي الثمرة لاخر
الثمرة تنهش مرة واحدة وليس بالتقسيط
في فورة الغضب تخلع الحجاب فهو لم يمنع وحوش الطريق من الاجتراء... دراسه الاخراج لا تروق للاخرين الذين يرونها عقبه في طريق
الزواج حقا ملعون هذا المجتمع الذي يقولب الناس ويبتر احلامهم... يلهو زملاؤها الذكور ويعبثون لكل نزوته وخطيئته العلنيه او السريه
ففي بلادنا خطيئه الرجل رجوله وخطيئه المراه عار... تتناسي كالاخريات رغبات الجسد وتتحمل وهج الشوق للاخر الحلم
تعلم ان الغلطه الاولي هي الاخيره وان عود الكبريت سيشتعل مرة واحده فقط هي تدخرة للرجل الفارس الحلم
من احتكر ان نداء الرغبه للرجل وحده؟!
في ذلك اليوم الاخر حين عادت من السفر هجم عليها ذلك السائق المسرع جاذبا صدرها كأنه سينزعه من جذورة بلا مقدمات ولا سبب
لم تكن تلك الحركه ممتعه لكليهما
كانت الدموع تختنق في مقلتيها والالم يمزقها... اختل توزنها وسقطت علي الارض.... ضحك ساخرا من سقطتهها ومن الامها
جرت خلفه صارعته لساعتين... ترغب في اقتياده الي قسم البوليس وسط استهجان المارة وسخريتهم
كانوا يترفقون به... معلش... خلاص... غلطه.... اذا فشلت نظريه الجزرة حملوا العصا ها تبهدلي نفسك... دي مجنونه
لم تكن مجنونه... كان المجتمع يقول لها ثمرتك الحلوة لم يحن قطافها بعد... لا يحق لك التصرف فيها.... نزوتك الاولي هي الاخيره!!
ما بالهم الان يتسامحون مع من لمس صدرها
ليس الصدر والساق والشفاه ملك لمن لم يات بعد اليست امانه... لم نداء جسدها مخنوق ونداء الجاني مسموع رغبتها موؤوده ورغباته مبررة ومطلوقه
بلغت السادسه والعشرين ولم وقد تمر شهور وسنوات قبل ان ياتي صاحب الثمرة(الجسد) ليلتهمه شرعا وقانونا
هكذا هو الامر فليذهب السائق للجحيم ونزوته اذن..... هذا هو العدل
لكل شيئ في الحياه ثمن ومن يرغب يدفع!!!

هناك 29 تعليقًا:

Alkomi يقول...

اولا البنت دي جدعة اوي

ثانيا

عمر بن الخطاب لاقى ان في افعال مالهاش عقوبة او بمعنى اصح دون الحد

فابتكر عقوبة التعذير يعني برضه عقوبة دون عقوبة الحد

و دي كانت مستقاة من وحي مجتمعه

يعني الراجل ده شغل دماااااااااااااااااغه و عمل عقوبات من خارج القانون الوحيد اللي كان موجود ساعتها و هو قانون الهي عشان يحفظ استقرار المجتمع

انهي اسهل نبتكر فيه القانون الالهي و لا البشري

في تقديري مالهاش دعوة بالسهولة و الصعوبة

ليها علاقة بالفكر الموضوع عايز واحد يكون راااااااااااااااجل و يفكر صح

into يقول...

في فورة الغضب تخلع الحجاب فهو لم يمنع وحوش الطريق من الاجتراء...

this sounds like "because God didn't cure people who died of cancer, i shall disbelieve in God"
Please don't blame the hijab for this and blame the monster who attacked her

Thanks

دنـيـا محيراني(ايناس لطفي يقول...

تسلم ايديكي

TAFATEFO يقول...

ممم .. خايف كلامي يزعل حضرتك بس هقوله

بصراحه أنا مليش تعليق على البوست .. أنا متفق مع نصه ومختلف مع نصه

الجسد مش محجوز لحد .. وانتهاك الجسد ده مش علشان هو ملك للقادم المجهول .. المرأة انسانه .. ولو واحد ضربني في الشارع هطلع عينه .. ما بالك بانتهاك لا آدمي لطرف ضعيف

إذا كنا لا نقبل بأن تمتد أيدي للنساء حتى ولو كن غلطانين .. فكيف نقبل بامتداد شاذ ومهين؟؟!! وده مش علشان الجسد المحجوز .. ولا اللي ليهم هدف ورؤيه في الحياه بينظروا للجسد أو المتعه بهذه الطريقه .. وأظن نهى رشدي لا يمكن يكون تفكيرها زي ما حضرتك كاتبه

TAFATEFO يقول...

حاجه كمان

حضرتك قايله البوست تعليقاً على بوست أحمد شقير

أنا شايف ان حضرتك لو معترضه على بوست أحمد شقير وفهمتيه على انه تبرير لموقف الشاب تبقي غلطانه

ايجاد الدوافع مش معناها التبرير .. بمعنى اني لما أقول قتل من أجل السرقه .. تبقى دوافع الجريمه اللي هي السرقه مش تبرير للقتل

ولو حضرتك قريتي آخر فقره (سطر ونص) في بوست أحمد شقير هتلاقيها تحمل معنى مهم

شريف (الجاني) لم يستفد من شئ لحظي (لا يرقى لمرتبة المتعه بالنسبه له وهو انتهاك مشين لشخص آخر) إلا خراب على كل المستويات .. سجن مغلظ ثلاث سنوات وغرامه تقضي على تحويشة عمره وضياع مستقبله وفضيحته في كل الأوساط مما يؤكد أنه انتهى لا محاله .. وهي عقوبه ملائمه للجرم

أرجو منك إعادة قراءة بوست أحمد شقير ثانية

مع كامل احترامي وتقديري لحضرتك

بنت القمر يقول...

محمد الكومي
=============
جدعه مش مختلفين ابدا
التعزير باب مفتوح في الاسلام واعتقد من قبل عمر
المجتمع بقي
قمه الازدواجيه والتناقض
تحياتي

بنت القمر يقول...

muslimHuman
=============== مش ده ابدا المقصود من كلامي
ابدا
الفكرة ان المتحرش مش بيمنعه حجاب او سن او شكل
وبعدين المثل اللي انت سوقته غريب جدا
جدا هو خلع الحجاب= disbelieve in God
ده مش تمرد علي الله= والااعتبرنا كل الذنوب الاخري كده برضه عدم ايمان بالله
ولا انا قلت الحجاب هو السبب ولا لمته
لكن الضحيه هنا رغم حجابها تم التحرش بيها!!!
تحياتي

بنت القمر يقول...

ايناس
=======
ميرسي ومنورة

بنت القمر يقول...

TAFATEFO
============
مفيش زعل اطلاقا ده اولا
وبعدين انا مش بتكلم عن لسان نهي زي ما شقير مش بيكلم عن لسان شريف
هو بيتخيل وانا كمان!!!
مجرد تخيل قصاد تخيل
هو تخيل ان الحرمان الجنسي دافع الي التحرش وركز جدا علي النقطه دي وووصف تفاصيل الحرمان ده وياسه من الزواج وشوقه لملامسه اي انثي
وكان النهايه اللي انا حسيتها ان العقوبه دي كبيره علي مسكه صدر!!1
خراب وسجن وضياع تحويشه العمر
انا هنا بفكر من مكان تاني
ليه الناس مش بتقول علي الخاطئه ان عندها دافع وهو الحرمان ليه نداء الجسد والغريزة حكر علي الرجل لوحده كان الانسات الغير متزوجات اللاتي وصلن للثلاثين و تجاوزنها ملايين من البنات دول مش عندهم غريزة!!؟؟
ليه بنعتبر غلطه الرجل فرط رجوله او نزوة او حرمان وغلطه المرأه عهر وانحلال وغيره
مش الغريزة دي للطرفين ولا طرف واحد
ليه تكون للاتنين والعقوبه لطرف واحد والوصم لطرف واحد عارف عندنا كام مليون انسه تجاوزت ال25 سنه بدون زواج
لو الشاب في الفترة دي بحث عن الاشباع المحرم... بكافه صورة المجتمع ها يبرر ده بالحرمان في حين بيطالب الفتاه بالاحتفاظ بالجسد ده طاهر ومصان للقادم المجهول..
فكرة بقي ان الجسد مش ملك حد فهي فكرة راقيه ولطيفه لكن مجرد فكرة الجسد دوما ملك واحتكار لاخر
ملك للزوج القادم او الراحل يا عزيزي
طبعا مخك ما يقولكش بقي انا باطالب بحريه الجسد والكلام الفاضي ده
انا مؤمنه وملتزمه جدا
هي مجرد مقابله بين فكرتين مفيش فيهم عدل
تحياتي

TAFATEFO يقول...

ليه الناس مش بتقول علي الخاطئه ان عندها دافع وهو الحرمان ليه نداء الجسد والغريزة حكر علي الرجل لوحده كان الانسات الغير متزوجات اللاتي وصلن للثلاثين و تجاوزنها ملايين من البنات دول مش عندهم غريزة!!؟؟

طب السؤال اللي بسأله دايماً لما بسمع الجمله المعاده دي

حضرتك من المتمع ..صح؟

تقبلي تتزوجي .. أو تزوجي بنتك .. أو أختك .. لشخص زنى قبلاً؟
طب يبقى رأي حضرتك ايه لو عرفتي ان واحده من صديقاتك اتقدملها حد كده؟

طب والد حضرتك أو أخوكي يقبل ده؟

الأسر المحترمه (مش لازم متدينه) لا تقبل كده أبداً .. ولا تقبل دخوله بيتها أصلاً

في المجتمع ناس تتساهل في هذه النظره .. بس رجاله وستات .. دي طريقة تفكير شريحة من المجتمع
واعتبار ده ظلم غير منطقي

يعني لو هنلعب ماتش كوره واتفقت مع حضرتك انك متلمسيش الكوره بايدك وأنا أقدر ألمسها .. وحضرتك متفقه معي على القواعد دي .. يبقى مش من حق حضرتك تقولي ده ظلم

المرأه في الشرائح دي هي اللي رسخت الصوره دي عند نفسها وعند الرجل .. وسمحت له بالعديد من العلاقات النسائيه حتى وهو متزوجها .. في مقابل ألا يطلقها .. ومفيش مانع أبداً يتجوز عليها بس ميطلقهاش .. لكن الوضع ده بيتغير بعامل التعليم وتراخي مصطلح القوامه واعتماد المرأه على الرجل

لكن مش عادل أبداً لما تعممي اللفظ في المجتمع كله .. أو تعتبريه غبن لحق للمرأه .. بل هو تعدي للرجل على حقوقه وحسابه أيضاً عند الله والناس (مش هتعدي كده .. ولا ايه؟)

bluestone يقول...

تقريبا متفقة مع تفاتيفو في كلامه/ا
متفقة تماما مع نص البوست
خصوصا وهو رد على بوست استاذ شقير اللي بيحلل فيه الواقعة من منظور الرغبة او الحرمان زي ما انتي عملتي بالظبط
لانه حاول يتناول المسألة من منظور حرمان المتحرش كدافع لانتهاك او الاعتداء على شخص آخر

وده قصاده لازم كمان يكون فيه تبرير او دافع لاي سلوك مخالف تقوم بيه البنت
يعني لو التمسنا العذر للراجل اللي بيتحرش بيواحدة ست عشان هو معذور ومحروم وظروفه صعبة

طيب لازم نلتمس العذر للبنت اللي تنحرف في سلوكها .. على الأقل هي مش بتؤذي اي حد ولا تنتهك حرمة أحد ولا تضايق احد

ده النص اللي موافقة عليه تماما

اما النص التاني هو المشكلة
وهي ملكية الرجل لجسد زوجته.. والحقيقة هي فكرة قديمة جدا بتزعجني قوي .. ان جسد البنت أمانة مش بتاعتها بتحافظ عليها لحد ما تسلمها للزوج ..

المراة هنا بتتحول من انسانة لمجرد جسد
ثم جسد تابع او مملوك للزوج
يعني من انسان لشيء
من حرة لمملوكة لزوجها

ان قررت المرأة صون جسدها فده بيبقى نابع من مبادئها او اخلاقها او ايا ما كان قرارها
وان قررت ألا تحفظه انتظارا لأحد .. أو قررت ان تفعل به ما تشاء .. فهي حرة في قرارها وفي جسدها ايضا

انا كمان متفقة معاكي جدا في الجملة القوية قوي اللي قلتيها ان خطيئه الرجل رجوله وخطيئه المراه عار

mido يقول...

ق معاك فى اغلب الافكار
ماعدا:

الجسد المحجوز

بقول لنهى

ليه خلعتى الحجاب؟ اصلا انت كنت لبساه ليه؟
لبساه تنفيذا لأمر ربنا

ولا موضة؟!!

اقصوصه يقول...

لعن الله مجتمعا كان بهذه الاخلاق!!

AHMED SAMIR يقول...

بصي....هي نهى رشدي مش غلطانة بكل تأكيد
ولكنها جريئة
في زمن الجرأة للفتاة.....عيب

انا حره يقول...

بجد بجد بوست طلع اللى جوا كل بنت محترمه ونفسها تصرخ بيه فى وش كل الناس

ليه مش عاوزين يفهمو اننا محاصرين بين نقطتين اصعب من بعض الاحتياج والتربيه والاخلاق والدين

اه بنحس زيكو بالظبط ربنا خلق كل البشر كدا وبنحب زيكو بردو بس لاننا منقدرش نبقى زيكو ونجرى ورا احتياجاتنا بنصبر وننتظر ونحلم بالفارس اللى هيجى فيوم ونسلمه الامانه بتاعته

نهى عملت الصح بس للاسف الشديد انا مش هعرف ابقى زيها

انا حره يقول...

ههههههههه بفتح الراديو حالا لقيت لطيفه بتغنى اغنيه ماشيه مع موضوعك حسيتها بتقولها للفارس الللى بنتكلم عنه بس غيرت فيها كام كلمه كدا

ارجوك اوعى تغير انا حواليا كتيييير

انما قلبى معاك مخلصلك بضمير

انا حواليا كتير مالهم ولا تاثير

اصلى بدوب فهواك وبعيشلك بضمير

الناس بتكون جنبى لكن انت جوا فقلبى

متخافش من الناس حتى ولو شغلونى

دى المساله احساس مش رغبااااات ياعيونى(واخدين بالكو)

صدقنى وخلاص دا انا بخلص فهوايا

وادام الاخلاص موجود يبقى كفايا
.............................

اظن ان فى بنات كتييييييير اوى هوا دا نفس احساسهم ونفس كلامهم واظن ان فى رجاله كتير اوى برده الاخلاص والكلام دا اتشطب من قاموسهم من زمان

جبهة التهييس الشعبية يقول...

جدعة يا بنت القمر
احسن رد على اللي بالي بالك
:)

بنت القمر يقول...

TAFATEFO
==============
فاكر يا مصطفي فيلم البنات عاوزة ايه بتاع سهير رمزي وومحمود عبد العزيز
:)))
اهو انا افتكرته دلوقت من تعليقك لما كانت عاوزة عريس خام من غير تجربه وكانت شايفه ان ده العدل
طبعا انا مش ها يجي لي عريس ويقول انا عملت وعملت وها ارحب بيه
لكن محدش كتير بيدور في النقطه دي اصلا
الناس(المجتمع) واللي انا جزء منه بتسأل علي الحاله الاجتماعيه والماديه
ولو اي بنت رفضت عريس كامل وجاهز عشان كان ليه نزوات ها يكون اكيد تصرف مستهجن لكن لو الراجل بعد عن البنت عشان لها سقطه ها يكون وضع طبيعي
وللمرة العشر ليون كلامي لا يحمل اي دعوة للحريه الجسديه
لكن هنا بس المجتمع بيكيل بمكيالين
المتحرش مكبوت!!! والانسات الغير متزوجات وزيهم المطلقات والارامل غلطتهم والقبر
ده واقع الحال واللي اكيد بارفضه
والكل لازم يرفضه
تحياتي

بنت القمر يقول...

بلو ستون
=========
طيب كويس اننا متفقين في الغالب
فكرة ان البنت لازم تحافظ علي نفسها ليه؟
منقدرش ننكران سوء السمعه بيلاحق الفتاه ذات الخطيئه ولا يلاحق الفتي
منقدرش ننكر ان سوء السمعه عقبه للزواج عند الطبقه المتوسطه بشكل رئيسي!
لكن الكيل بمكيالين بيكون لصالح الرجل اللي كل المطلوب انه يمتلك الاربع حيطان ويقدر يفتح بيت:(
منقدرش ننكر ان رادع كبير ومهم للاناث ان جسدها هو وحده يحمل خطيئته وفي احشاءها وحدها ترقد الثمرة الحرام ان حدثت لكن الراجل بيطلع منها زي الشعرة (غالبا)من العجينه
لان المرأة والرجل ابناء نفس المجتمع ومش منطقي اننا نعتبر ان الفضيله متوافرة عند المراه فقط والراجل هو اللي نازل من بطن امه صايع:))
كل الفكرة ان عقابها الاجتماعي بيكون اقسي واعنف !!
تحياتي يا يا ست البنات

بنت القمر يقول...

ميدو
========
كويس اننا متفقين
لما تيجي نهي نسالها سوي!!
تحياتي

بنت القمر يقول...

اقصوصه
========
اكتر من كده لعنه؟؟!

بنت القمر يقول...

سمير
=======
مقلتش انها غلطانه
انها بترضخ للحرمان زيها زي الرجل تماما!!

بنت القمر يقول...

انا حرة
========
مفيش دعوة في كلامي خالص ان البنت تكون بسكوته واللي يتحرش بيها تقعد تعيط
لازم طبعا تحاولي تدافعي عن نفسك
------------------
ليه مش عاوزين يفهمو اننا محاصرين بين نقطتين اصعب من بعض الاحتياج والتربيه والاخلاق والدين
-------------------
هي الجمله دي اللي عاوزة اقوله تماما واضيف اليها كمان ان الوصم الاجتماعي وتهمه سوء السلوك بتلاحق البنت بس عند اول غلطه
تحياتي

بنت القمر يقول...

جبهة التهييس الشعبيه
=====================
نورتي المطرح يا ست البنات
متشكرين:))

momken يقول...

ربنا يهدى شبابك يامصر
ويرجع ليهم نخوتهم وغيرتهم على لحمهك تانى

ويرجعوا جدعان تانى وميستبحوش عرض نفسهم

عجبنى الحكم اوى

يارب يكون مؤثر فى كل النفوس المريضه

تحياتى

غير معرف يقول...

لانحب ان نواجه .. لكننا نهرب من المواجهة

القضية ليست فى متهم نال جزاؤه ..ولكن فى حل معضلة ..

هناك رغبة مثلها مثل الجوع والعطش لم نضع لها حلا .. الفتى مثل الفتاة هنا ..

وهناك شباب عاجز الى الثلاثين وربما اكثر من ذلك .. فهل يصلح معه الصوم؟ وهل كان الشاب قديما يصوم لاكثر من ثمانية عشر عاما ولديه الفتيات المؤمنات بنصف مهر و الاماء فى سوق الجوارى من كل بلاد الدنيا؟

اعتقد ان هذا مااراد ان ينبه اليه شقير فى مقاله .. وهى حقيقة لازالت تبحث عن حل عاقل ..

القضيةاذن ليست فى من المتهم ومن الضحية .. ففى الرذيلة يدان من يسعى اليها سواء كان الفتى أوالفتاة..ومن يفتخر باستباحة الفتيات هو اول من ترفضه العائلات الكريمة اذا عرفت اخلاقه .. تماما كما يرفض شيخ المنصر ان يزوج ابنته لاجدع حرامى عنده ..

موضوع يبحث عن حل جذرى لتتوقف تلك الاعتداءات

coolhead_tnt يقول...

انا حاسس بتضارب فظيييييييع في كلام حضرتك مع اتفاقي النسبي مع معظمه
مثلا لما اتحرش بيهه وقلعت الحجاب دي حاجة طبعا غلط تماما لانها مش لبسه الحجاب علشان تحمي نفسيهه بس علشان متجرحش نظر الشباب المحروم بجمالهه
ومثلا حكاية ان الجسد محجوز لواحد ده شئ طبيعي لاوم يكون محجوز وملفوف في ورق سيلوفان وعليه الختم بتاعه علشان يخده صاحب النصيب والا لو فتحناهه عالبحري هتلاقي البنيادمين زي غالين زي الحيوانات وقت متيجي الشهوة يشتغل زي مهو عاوز يعني انتي متضايقة من ان الجسد محجوز لمدة 26سنة ولحد خمسن كمان يدنة محجوز ومتبرشم ولا الحياة مش هتستقيم ابدا
انا شايف ان الراجل مظلوم قوي قوي قوي
يعني اللي بتقولي مشيه بالحجاب يعني طالما حجاب يبقي محترمة طيب مهو ممكن تكومن مشيه تتدلع وتتمايل لتغري الشباب فالشاب مخه يعني مش حلاوة طبعا هيهيج ويثار ده تصرف طبيييييييعي
هههههه لا لا لا انا بهزر بس ده تصرف حيواني منحط طبعا
الخلاصة لازم الراجل يبص للست علي انها عقلية مثله بالظبط لحد لما ربنا يفرجهه عليه ويستقر ويتجوز يبصلهه زي مهو عايز وهيه دي فيدة غض البصر والحشمة
بتحمينة من الفتن والمفاسد
واعوذ بالله من فتنة المرأة علي الراجل
حاجة فظيييعة قوي
لو جربتهه المرأة كانت هتعزر الراجل قوي
واخيرا كل دي حالات اجرامية لا تعبر عن ثقافة المجتمع فزي مفيه جرايم قتل وسرقة وغيره دي برضه جزي من السلوك غير السوي لبعض الفئات المنحطة من المجتمع يساعد في اشعالة جمال النساء الزايد عن الحد اليومين دول اصل بجد الستات اليومين دول احلوووو قوييييييييييييييييييييييييييييييييييييييييييييييي

Unknown يقول...

أنا بس حابه أشكرك كتير
على أنك عبرت عن حال البنت العزباء بدقه و إخلاص جدا
أنا حسيت بكل كلمه و هو هيك فعلا؛ولا حدش حاسس أبدا وكل التعاطف مع الرجل

وعن اللي عملته نهى:
الله لا يرده الشب اللي عمل هيك؛ و منيح اللي صار فيه هيك عشان العالم يتربو: وع قولة نهى رشدي في العاشره مساء:
أتسامح في إيه. هو كان داس على رجلي و مشي؟

إيمان قنديل يقول...

بجد فنانه

فلتسمحي أن أرفع لك القبعة