الجمعة، أكتوبر 24، 2008

تصحيح واجب

كتب في احد التعليقات في جريده البديل تعليق باسم اماني خليل تعقيبا علي الخبر الخاص بحمله ليلي... اني لم اشارك في الحمله.... ويبدو انه نوع من تشابه الاسماء او المزاح الثقيل..... طبعا انا شاركت في الحمله كما هو ثابت في المدونه..... تلات تدوينات,,,,, حواجب لبناني وميني ليلي ومستقبل الازمه الماليه و حكايه الكيكو.... كما انشأت الجروب لحمله ليلي و اللي اسمي فيه كرييتور....... وطبعا اجريت حوار امتد لساعه كامله مع الصديقه الصحفيه عزة مغازي.... واسمي فيه اماني خليل.... كما انه ثابت في بروفيل مدونتي اني اماني خليل
لذلك اعتذاري وتقديري لعزة صاحبه النثار عن اي لبس وتقديري لها

هناك 13 تعليقًا:

Jana يقول...

لا اعتقد انه يدرج تحت بند المزاح الثقيل ..فهى محاولة أبسط ما توصف بها انها دنيئة
فالتشكيك فى مصداقية صحفية بهذا الشكل خاصة بعد اكتشاف خطأ غير مقصود بدرج عمرو غريبة فى المشاركين ثم اعتذارها عن الخطأ ."وهذا وارد مع أى احد"
قد يضيع الثقة ويلحق بها الضرر كصحفية

أما ان كانت المسألة تشابه اسماء
فيجب على من اعتقدت انها المشار اليها فى المقال
الدخول مرة أخرى والاعتذار عن خطأها
وهى لابد ان تكون متابعة..فأين هى مما يحدث

عموما بعد تصحيحك الواضح والمكرر ..اعتقد ان الامر عاد الى مجراه

سؤال..ليه مأضفتيش ..لما قالوا دى بنية !!؟ دى كانت اقوى التدوينات؟

Azza Moghazy يقول...

اشكرك جدا على اهتمامك بالتدخل للتوضيح يا امانى
اشكر لك الاطراء ايضا واعتذر لك عن انجرافى وراء ما قرأت واساءتى الظن بك
اكرر شكرى واعتذارى
وارجو ان تكونى قادرة على التجاوز عن عصبيتى التى منبعها صدمتى فيما رايته حاملا لاسمك ، وووعيى بخطورة ما ذكر على صفحة التعليقات
لم ينته الامر بعد وما زالت مصداقيتى المهنية مهددة بسبب تصرف غير مسئول من شخص محب للعبث او محب للايذاء
لا اعرف

اشكرك كثيرا جدا
واعتذر لك اكثر

زمان الوصل يقول...

هو فيه إيه؟

بنت القمر يقول...

شاطرة يا جانا لقطيها قوام
هو يوم غم من الصبح
وبعدين ده انا كنت حاجزة الجرنان ومقدرتش اروح اجيبه الا امبارح
مش فاهمه مين اماني التانيه اللي قاعدة مستنيه المقال
فعلا حد حقير وعاوز يرخم عليها
انا بعت للجريده ونشرت التنويه بتاعي
واللي عليا عملته
وبعدين اضيف ايه يا جانا ده انا صاحيه مغسلتش وشي لقيت البلاوي ده كلها
ومكنتش مركزة
تحياتي

بنت القمر يقول...

ولا يهمك يا غزة
انا مقدرة الموقف اللي كنتي فيه
بس لو سمحت لو اتكرر اي شيء سخيف تاني اساليني:((
معنديش اي سبب عشان اضايقك ولا اهرج
ده حتي ابقي متخلفه لما انكر اني مدونه
والمدونه بقالها سنتين واسمي في الفيس بوك صاحبه الجروب
وكل الناس عارفاني اماني خليل
ا نكر ايه بس

حصل خير بس لازم تعرفي مين المتخلف او المتخلفه دي ده مش صدفه دي مقصوده
وانتي مش انا ويمكن انا مش عارفه
اهو منه لله وخلاص

بنت القمر يقول...

زمان الوصل
==========
اقري اللينك الاولاني
حد بيسخف باسمي
واقري التعليقات علي الخبر
بينكر ان اماني عملت انترفيو مع عزة
وده وحش في حقها
وهي زعلت طبعا
بس ده شخص انتحل اسمي
بس بيغلس او بيستهبل
او تشابه اسماء في صدفه مرعبه
تحياتي

زمان الوصل يقول...

شكرا على التوضيح .. :)

أنا فعلا بعد ما رجعت لجريدة "البديل" و قرأت الموضوع فيها فهمت الموضوع
بس حركه عيالى أوى و مالهاش أى لزمه
معلش حصل خير و الحمد لله إن كل الأطراف فهمت إيه اللىّ حصل ..

بنت القمر يقول...

http://azza-moghazy.blogspot.com/2008/10/2.html
زمان الوصل
ده حد بيغلس علي عزة وخد اسمي سكه
مش اكتر

Hypatia يقول...

مش عارفه يا أمانى حاسه انه مش تغليس على عزه وتشكيك فى مصداقيتها بس ده كمان حد عاوز يستبعد أسمك من المشاركات فى الحمله
يمكن سوء ظن منى بس مفيش صدف بالشكل ده ولو حد عاوز يشكك فى مصداقيه عزه كان ممكن يدخل باي اسم تانى ويقول تعليق اسخف بس هو حد زكي جدا وضرب عصفورين بحجر
بس حاجه رخمه جدا
بجد منه"او منها" لله

Hypatia يقول...

عزه

ربنا يعدي الازمه على خير وانشاءلله حتعدي لانك تستاهلى كل خير

بنت القمر يقول...

نسرين
========
الليعمل كده يا اما صدفه بحته جدا
واحدة تانيه اسمها اماني ومش هارفه ايه اللي حمقها
لان البلد فيها اكتر من اماني خليل
مش عارفه ليه تكدب ولو ان المقال مافيهوش اي شي قبيح
يدين اي اماني خليل في الكون يا حد بيغلس علي عزة وده الاحتمال الاكبر
وكان لازم يختار اسم من الاتنين اللي في المقال
انا وهاني
وتلاخ او الاخت الظريفه اختارني انا
عشان يعمل لعزة شوشره
انا نزلت تصحيح اتاخروا في نشره في البديل بس نزل بصي عليه في لينك البديل والمدونه والفيس
وعزة طيبت خاطري هنا وعلي المسنجر وفي مدونتها وانا طبعا قبلت ورضيت والصفحه انطوت
بالنسبه للمشاركه محدش يقدر يمنع اي حد يكتب اي حاجه نهائيا في اي وقت وتوقيت
المشكله ان عزة تخرج بدون خساير ولالا شوشره واللي عمل كده ما ينولش غرضه
نورتي

خمسة فضفضة يقول...

السلام عليكم ورحم الله وبركاته

هو في احتمال من الاتنين

يببقي فيه نوعيه من الناس ماوراهاش الا اذية غيرها من غير اي سبب غير انها تستلذ بالاذية وبس وبتبقي ناس مريضه

او انه يكون تشابه اسماء وده احتمال مش قليل ، قريت مقاله مره بتناقش رواية اسمها رشة ملح للكاتبة المصرية اماني خليل واعتقد ان حد علي الجروب قال انه قري كتاب لكاتبة اسمها اماني خليل غير بنت القمر


والمفروض اصلا التعليقات دي ما يعتدش بيها في الحكم علي كفائة حد لان استحاله نبقي متأكدين ان فلان الفلاني هو اللي كتب تعليق ما علي اي موضوع في اي حتي علي النت حد يقولي كده هانتاكد ازاي ؟؟؟



ان شاء الله الموضوع يعدي علي خير وماحدش يتضرر من السخافات دي

سلام

غير معرف يقول...

قمه الاحترام بجد

احترمت كلماتك