الثلاثاء، فبراير 03، 2009

رحلة"اللف" علي كتاب في الاسكندرية

اللف علي كتاب في الاسكندريه ليس سهلا, و"اللف "هو التوصيف الدقيق الذي يرضيني للحصول علي كتاب
فالحصول علي الكتابات الادبية والاجتماعية والسياسيه للكتاب الشبان مما اسمعه عن قراءات زملاء مدونين من خلال كتاباتهم او مدوناتهم او مماأعرفه من الفيس بوك بمكتباته الاليكترونيه
او من جروبات الاصدارات الجديدة_امر شاق للسكندريين
بعد الغاء سفري الي معرض الكتاب هذا الاسبوع لاضطراري اللي نزول القاهرة الاسبوع القادم قمت بجوله لو"لفة" في مكتبات محطة الرمل ومعي قائمة بما كنت انوي شرائه من المعرض مع مراعاة ان تخفيضات المعرض سوف تلتهمها تكاليف السفر الي المعرض مما يعني ان المعرض للقاهريين فقط بحسابات المنطق!
بدأت الجوله من شارع سعد زغلول حيث ثلاث مكتبات فقط في نصف البلد
منشأة المعارف: هي كلاسيكيات ا لادب في ردهة طويله ممتدة ما زالت توجد كتب انيس محفوظ مجلدات السكرية وقصر الشوق كتابات يوسف ادريس وغيرها.... في اخر الردهة مجموعه مجلات وكتب لللاطفال وكتب طهي وبعض الكتب الانجليزيه ومجمعه من كتب تعليم البرمجة
المفاجأه في منشأة المعارف كانت وجود مجلدات صغيرة لتاتان العظيم رفيق الطفوله اندهشت بشده من وجود دار وهي الدار العربيه تنشر سلسه تان تان المجلد صفحتين ملونتين وصفحتين بالابيض والاسود وسعرها 8 جنيه
اما دار المعارف:رغم وجود تخفبضات علي كتبها 20% علي تلك الكتب فالعرض اسوأما يكون...الكتب المعروضه من نوعيه 100 قناع للبشرة... طعام العروسين في شهر العسل..مشاكل البروستاتا بين المعاناه والحل...!
رغم ان ما اشتريته هو مجموعه قصص اطفال تتبع مكتبة الاسرة والطفل سعر النسخه 3 جنيهات شبيهة بمجموعه مشابهة لدار استثماريه ب7 جنيهات ولكن يجب الحصول علي قسيمة شراء وانتظار الموظفه التي تمنحها يهدروقتا مساوي لوقت الشراء تقريبا!
كان من السخف السؤال عن أرز بلبن لرحاب بسام او مجموعة اعمال المخزنجي او السؤال عن اعمال نجوي شعبان!!
كان السؤال شبيها بطلب عصير كيوي في نهار رمضان..مستهجنا ومرفوضا في ذات الوقت
انتهت الجوله باكشاك بائعي الجرائد في محطه الرمل علي المحطه نفسها او امام السنترال
من الاكشاك امكنني الحصول علي مجموعه قصص المخزنجي "البستان قصص قصيرة" وارز بلبن"لرحاب بسام," ودارية" سحر الموجي,"انهيار اسرائيل من الداخل"عبد الوهاب المسيري"فريتيجو" احمد مراد عمر طاهر شكلها باظت, بالنسبة للاسعار لااعلم حقيقه هل تم خداعي ام لا وخصوصا ان احد بائعي الاكشاك رفض تماما الفصال باعتبار الاسعار من دور النشر ولا مجال للفصال فيهاروايه فريتيجو مثلا ب35 جنيه وارز بلين ب18جنيه
قارن عم احمد الابيض نفسه مزهوا ببائعي الكتب في المولات الكبيرة_سان ستيفانو مثلا_ التي تحتل دار الشروق الدور الثاني منها- هما بيدفعوا ايجار وانا بدفع للكشك كمان..هما بيدفعوا ضرايب وانا كمان!! ورغم ذلك منحني خصم نهائي علي مجموع مشترياتي يصل الي خمسة جنيهات فقط لكنه شككني في حكاية تسعير الكتب الثابت من دور النشر

هناك 27 تعليقًا:

رئيس جمهوريه نفسى يقول...

يا بختك انتى لقيتى مكتبات تدورى فيها انما فى الصعيد الواقع مر وكل المعروض كتب الاهرام والجمهورية ومع الغاء الذهاب للمعرض حشترى من القاهرة خاصة وانى التخفيضات زى ما سمعت هامشية يبقى الانتظار افيد لانى حبقى كدة كدة مسافر شغل واستغل الفرصة واشترى اللى انا عايزة

Jana يقول...

تان تان ب 8 جنيه !!!!!!!!؟
انا كمان تان تان كان رفيق طفولتى بجانب ميكى جيب ولاكى لوك
فاكرة تان تان فى التبت ..والاذن المكسورة

ياريت لو لقيتى حاجة للاكى لوك تقوليلى

بخصوص رحاب بسام بقى انا لقيت كتابها فى كارفور على فكرة وكمان كتاب دولة الفيس بوك ودول بس اللى كانوا ليهم علاقة بالتدوين هناك...واحد منهم كان ب 8 جنيه برده بس مش فاكرة أيهما

ميرسى يا امانى على معلومة تان تان ...ان شاء الله اشتريه اول مانزل محطة الرمل

زمان الوصل يقول...

كنت عاوزه أقترح مثلا لو تنتظرى لحد ما تنزلى القاهره و تشترى كل اللىّ انتى عاوزاه من الإصدارات الجديده من مكان واحد زى مكتبات الشروق أو ديوان أو كتب خان -حسب مكان إقامتك بالقاهره- لأن ميزة المعرض مش الحصول على الأعمال الجديده ولكن الأعمال القديمه التى توقّفت إعادة طباعتها أو تطبعها دور نشر غير مصريه ..

بنت القمر يقول...

رئيس جمهورية نفسي
===================
مع يقيني بقبح ومأساوية الحياه في القاهرة...لكني ما زلت اعتقد اننا دوله مركزيه قاهريه فلا مجال للمقارنه بين اوبرا القاهرة او الاسكندريه مكتبات القاهرة والاسكندرية اذن فالوضع الطبيعي ان الصعيد خارج التركه للاسف
:))

بنت القمر يقول...

جانا
---------
تاتان ب2 وممكن تجيبي مجموعة المكتبه الخضرا ب4 جنيه من دار المعارف مش من المنشأة
ودار المعارف فيها كتب اطفال تبع مكتبة الاسرة والطفل ممتازة ب3 جنيه
لكن الكتب الكويسه من باياعين الاكشاك
او من دار شروق سان استيفانو بتخفيض 20 %
امبارح شفت الاذن المكسورة... وكان فيه مجموعه كبيرة
ابقي كلميني ننزل سوا لو تحبي

بنت القمر يقول...

زمان الوصل
==========
لحد امبارح مكنتش متأكده اني ها انزل اتأكدت العصر بس اني ها اكون من السبت للتلات
فقلت اجيب شويه الحاجات دي تصبيرة اهو اوهم نفسييا اعني اني سافرت وكده لكن للاسف لقيتني اتسرقت
جبت ارز بلبن ب18 واكتشفت انها في المول علي كلام صديقه ب10
يلا ان شاء الله نتقابل بقي ونعمل اللفه سوا
تحياتي

زمان الوصل يقول...

تيجى بالسلامه يا قمر القاهره هتنوّر :) قولى لى بس الوقت المناسب ليكى و إن شاء الله نتقابل و نلفلف زى مانتى عاوزه :)

محمد حمدي يقول...

جربتى باعة الكتب القديمه فى شارع النبى دانيال؟

تقدرى تجيبى من هناك درر باسعار رخيصه لو ليكى بال طويل - وخبره - فى التنقيب والتدوير والدعبسه .. جبت من هناك كتاب مجمع 3 اجزاء لصالح مرسى عن رافت الهجان -حوالى الف صفحه- بخمس جنيهات لا غير!

اما عن موضوع تسعير الكتب من دور النشر ده مظنش انه حقيقى .. انا اشتريت شيكاجو ويعقوبيان وواحة الغروب ووقوف متكرر وحارة المماليك وكتاب عن ضرب ناجازاكى وهيروشيما بمبلغ لا يتعدى المائة جنيه

دار المعارف بتقدم كتب رخيصه لكن بتفرض عليكى موضوعات معينه زى ما قولتى من عينه (الف سؤال فى ليلة الدخله) و (مائة قصيدة حب لنزار) ... الخ ... عموما مبروك عليكى الكتب

تحياتى

أمل في عالم آخر يقول...

نظرا للحالة الاقتصادية المعروفة

لا اشتري الكتب لا من المعرض ولا من المكتبات

اضطر للانتظار حتى تصل الى الرصيف او الى المكتبة العامة ايهما اقرب

Alkomi يقول...

عليكي و على شارع النبي دانيال

بس طولي بالك تلاقي كنوووووووووووووز

خمسة فضفضة يقول...

السلام عليكم ورحمة الله وبركاته

مبروك الكتب الجديده يا مونمون والحمد لله
انك لقيتيها عندك

احنا بقي ماعندناش الاوبشن ده هي بتبقي مكتبه يتيمه في عاصمة المحافظه ونادر انك تلاقي اللي انت عاوزاه

سالت مره عن كتاب ثورة 2053 لمحمود عثمان الراجل قالي هو في كاتب اسمه كده اصلا :))

ومره قعدت فوق العشر ايام اتصل اسال علي كتاب واخر مازهقت خليت واحده قريبتي شرتهولي من معرض الكتاب
اما مكتبات دار المعارف فبتبقي عامله زي الكهوف كده الكتب عليها تلال من التراب ومش معتني بيها واصلا الكتب قديمه والموظفين من ايام الفراعنه حاجه تعل

فابعتمد اكتر علي التنزيل من النت والقراءة الاليكترونيه ، والحمد لله اني معظم الحاجات بلاقيها وان فيه تجديد مستمر بس بتنزل نت بعد نزولها مطبوعه بشويه

بنت القمر يقول...

زمان الوصل(2)
====================
من السبت للتلات لازم ها نتقابل ان شاء الله اول ما ها اوصل ها اتصل بيكي

بنت القمر يقول...

حمدي
=========
النبي دانيال عاوز مجهود جامد ومش فيه الجديد يعني مثلا مش ها تلاقي فيه احمد توفيق ولا سحر الموجي وارز بلبن رحاب بسام

يعني ممكن تلاقي حاجات قيمه لكن اللي بتسمع عنها من صحابك المدونين القاهريين ما تلاقيهاش في النبي دانيال
بالاضافه اللي ان معظم المعروض قول 70% كتب سلاح التلميذ وتيتشر وكتب دراسيه للكليات الحقوق والتجارة يعني كانك بدور علي ابرة في كوم قش
دار المعارففيها طبعا كتب الشعراوي وعبد الحليم محمود و المتصوفة في الاسلام والجانب الاخر كتب البيتزا علي الطريقة الايطاليه وفوائد المحار للعروسين وغيرة يعني من اقصي الشمال الي اقصي اليمين
تحياتي واشكر مرورك

بنت القمر يقول...

مل في عالم اخر
===============
حال كثيرين.... تحياتي
اشكر المرور

بنت القمر يقول...

كومي العزيز
===========
معلش بص علي ردي علي حمدي فوق اللي فوق
==:D:D

بنت القمر يقول...

فضفضة
============
احنا دولة مركزيه حتي النخاع والغظم واللوز
:))
انا بسال بياع علي ارز بلبن طبعا ما قولتلوش كده دوغري
قلت له رحاب بسام... والمخزنجي كاني بقول حاجه قله ادب وشويه يقولي خدي بهاء طاهر او عباس العبد
يا عم مش عاوزة دول
مفيش فايده
!!!

Mukhtar Al Azizi يقول...

سور الأزبكية بمعرض الكتاب بيكون فيه تجار كتب من اسكندرية. ابحثي جيدا واسألي عن أماكنهم بالأسكندرية لأن أكثر من شخص منهم كان لديه كتب قيمة جدا خلال المعرض.

Unknown يقول...

ارز بلبن لشخصين انا اشتريتة بارخص من كدة انا مكنتش اتخيل ان المعاناة دى موجودة فى اسكندرية برضوا تخيل بقى انا بعانى اكتر من كدة فى الاقاليم تقريبا الكتاب زى شتيمة كدة

عين فى الجنة يقول...

فى مكتبة كويسة فى شارع صفية زغلول امام سينما مترو وخروب امال على الرصيف التانى قبل جاد بشوية
انا باشترى دايما منهم
وفعلا تلاقى الجديد فى محطة الرمل بجوار السنترال
كويس ان فى حد لسة بيقرا اليومين دول ربنا يوفقك

بنت القمر يقول...

Mukhtar Al Azizi
=====================
انا لسه راجعة من مول سان ستيفانو في مكتبه دار الشروق واللي اشتريته امبارح من الاكشاك لقيتني اتسرقت فيه الضعف
رحاب بسام جبتها من الكشك ب18 لقيتها في المول ب10 جنيه وكمان تخفيض بمناسبة المعرض15%يعني ب8,5جنيه يوتوبيا جبتها ب25 من الكشك في المول لقيتها ب20 بس
حاجه تقرف بجد يعني تقريبا سرقة من 20%الي 100%
انا ها انزل للاسف بعد المعرض افضل ما في الموضوع اني لقيت منفذ الشروث بيبع لميريت كمان وده مكنتش اعرفه
ميرسي يا باشا علي النصيحة
:))
اشكر مرورك

بنت القمر يقول...

واحد مش فاهم حاجه
=================
ما يا عزيزي احنا دوله مركزيه للنخاع وللوز كمان
مش فارقه اسكندريه عن صعيد الا البحر يا عزيزي
:(

بنت القمر يقول...

راجي
===========
:(
انا مكتئبه ومشرئبة
!!! اقري ردي علي مختار العزيزي
تحياتي

عدى النهار يقول...

إيه الحكاية يا أماني :) إنتي باين عليكي مش خبيرة فى جغرافية وطبوغرافية وتضاريس ومتاريس ومخانيق وفسافيس إسكندرية

التعليقات بتقول إنك مالفتيش كويس بس ده ماينفيش إن فعلاً كل حاجة متركزة فى القاهرة وكأن البلد هى القاهرة فقط

الرابطة وبناء الأمة يقول...

السلام عليكم ورحمة الله وبركاته
نتقدم بدعوي لك أخي ( أختي ) المدون بمناقشة
محاكمة عادلة
مبارك بين التأييد والرفض
ملف يناقش ويحلل ويضع الحلول
رائيك يهمنا جدا
مع خالص تحياتنا الكتيبة السياسية

محمود محمد حسن يقول...

على فكرة الشروق في سان ستيفانو اضافة مميزة صراحة، مكتبة ممتازة وفيها اغلب الكتب اللي بعوزها، رغم انها آخر كام يوم كانت مهوية لكن كانوا بيقولوا انهم حيوصلهم كتب كتير كانت مش موجودة الأسبوع ده ،

برضه فيه دار الهلال في النبي دانيال ممكن تلاقي فيها حاجات قديمة نوعاً ما، وفيه دار المستقبل في شارع صفية زغلول قبل ما توصلي سينما امير على ايدك اليمين ، ساعات بيبقى عندهم كتب كويسة ، انا كنت دايخ على رواية اللجنة بتاعة صنع الله ابراهيم وما لقتهاش غير هناك ، رغم إن شكل المكتبة بيوحي بالفقر المدقع،

تحياتي

بنت القمر يقول...

عدي النهار
============
لا بس الف دايما فيه مفاجءات وكنت عاوزة ااقلد واعمل بقي زي المصاروة واشتري حاجات بالجملة يعني:D

بنت القمر يقول...

محمود محمد حسن
==============
تنت اسكندراني؟؟!!
اول مرة اعرف انا علي فكرة متابعة كتابتك علي الريدر وهي متميزة الحقيقة اوي
دار شروق سان ستيفانو جميلة ومميزة والجميل لن عندهم لدور اخري زي ميريت مثلا وعلي الاقل مفيش النصب اللي في محطة الرمل
تحياتي