السبت، سبتمبر 08، 2007

!!!!!!!لما الشتا يدق البيبان

دخلنا التوقيت الشتوى كل عام وانتو بخير. كان عندى دكتور فى الكليه دايما يقول التاريخ بيعيد نفسه التاريخ .حلقات متصله ومتكررة .ولما دخالنا التوقيت الشتوي افتكرت الكلمه دي خلص الصيف وجاي الشتاء النهار القصير والصحيان المبكر.خلص الصيف بمفرداته وحرة وسهره وسهره وحركته وسرعته وطيشه ونشاطه دخل الشتا بشجنه ووقارة برده وصوفه مفرداته المختلفه نظام وصرامه, مدارس, وكليات, مطر ,ونوة, سماء ملبدة بالغيم وجونادى, شمس باهته كأنها بتهرب من الناس .وريحه البحرالهادر, اكوام من الموظفين المتراصين تحت تندة محطات الاتوبيس خوفا من المطر.والسيارات المارة بسرعه ساقطه في برك الامطار وملقيه بمياهها على المارة. ملابس ثقيله والوان رماديه. معاطف, وجوارب ,قفازات, واحذيه ثقيله, حركه خائفه ووجله في سباق مع الوقت للعودة للمنازل قبل هطول المطر
باعه البرتقال واليوسفي بلونهما الزاهى يكسرحدة اللوحه القاتمه .طعام مختلف رائحه القلقاس تملا ارجاء العمارة فى تمام الثالثه. والجارة المسيحيه تواصل صيامها مع اكياس الطعميه والبطاطس والبسكوت الصيامى زحام المروراماكن السهر مغطاة بالواح البلاستيك لتحمى الساهرين الذين لايمكثون بها طويلا

المدينه لاتسهر كثيرا وكأنها ارهقت من سهر الصيف فتنام باكرا عاد الشتاء وسنه عدت بحلوها ومرها رجع الشتاء كل عام واحنا بخير والحلم اللي ضاع السنه دى نحاول نستعيده السنه الجايه او اللي وراها ماهوايه؟؟؟ التاريخ بيعيد .....نفسه


هناك 20 تعليقًا:

عروس البحر يقول...

الله عليكي يا بنت القمر
دخلنا الشتا و جو اللحاف و البطانية و الكسل و شرب الكابتشينو الف مرة و النسكافيه الفان مرة و المذاكرة و الامتحانات و اننا نلبس الدولاب كله عشان البرد و شغل البرد و الزكام يجي و العطس و همتشي همتشي
و متنسيش الربع جنيه المخروم
تحياتي الي الغد

غير معرف يقول...

من اجمل الأوقات عندى
الشتا
والكلفتة تحت البطانية
والشورابات الصوف
والمشاريب السخنة والشيكولاتة باللبن

والمشى تحت المطر
اللـــــــــه عليه
لما الواحد يتبل مية
وزخات المطر تبلل وشك وانتى ماشية
باكره الشمسيات علشان بتمنع المطر عنى


جميل جد جدا الشتا

الطائر الحزين يقول...

اوعى تكونى مش بتحبى الشتا

انا بحب المشى تحت المطر
ونسيم الهواء بعد المطر منتهى النقاء

تحياتى لك وللشتاء

فى القلب يقول...

أتصورى يا بنت القمر يا قمر
أنتى رجعتيلى كل جو الشتا ألى بعشقه عشق
شكراً ليكى يا بنت الأكرمين
وزياده و طمع فى كرمك ممكن ليمون لزوم عصير الباميه عشان يدفينى فى الشتا

بنت القمر يقول...

عروس البحر الحلوة فكرتيني بباقى المفردات البطاطين والكاكاو والذي منهادوار البرد والعطس تحياتي يا قمر ومن غير ربع جنيه
ههههههههههه

غير معرف يقول...

تعرفى لما قريت البوست دة لأول مرة وشجون الشتا طافت فى بالى
طافت معاهم اغنية فيروز
رجعت الشتوية
تحفة فى الوقت دة فعلااااا

momken يقول...

الشتا بتاعكليان حجات مش حلوة ليه كده؟
عربيات وترتشه
وبسكويت ان وليم فى ايه

الشتا يعنى الاحساس بالحاجه للدفىء
يعنى الشعور بالرغبه فى الاحضان
يعنى رائحه المطر
يعنى اسكندريه الريقه النظيفه جدا
الششتا يعنى الخصوصيه
الشتاء يمنح روحى الكثير الكثير

تحياتى

momken يقول...
أزال أحد مشرفي المدونة هذا التعليق.
بنت القمر يقول...

شهروزة شهروزتى
يا شغل العواجيز يانا
ايه دا يا حاجه النظام غامق ليه شرابات وبطاطين
وبعدين بهدله تحت المطر
فوصام دا ماي دير ولا ايه؟؟؟
هههههههههههههه
عموما تعالى اليكس وربنا مش ها يحرمك من حاجه!!1

بنت القمر يقول...

الطائر الحزين
اة مش بحب الشتاء مش باين ولا ايه؟؟؟
كسل وحبسه ووخم تحياتي
وكل انسان بيشوف من وجهه نظرة الحاجه اللي نتحدد احساسه بيها
برضه تحياتى

بنت القمر يقول...

في القلب
هههههههههههههه
ايه دا انا الوحيدة اللي مش بتحب الشتاء يا الهي
طيب مفيش ليمون ماى دير!!!والباميه ساقعه بقا تاخدى بيتزا مارجريتا؟؟؟
تحياتى ياقمر شفتى النيولوك بتاعي؟؟؟
ها عجبك؟؟

بنت القمر يقول...

شهروزة باشا
رجعت الشتويه يختى
شمستى البطاطين؟؟؟
هويتي اللحفه ؟؟؟
لمي بقا الغسيل يحسن الجو قلب وها تمطر ههههههههههه
ههههههههههههههه
مش عارفه شتا ايه اللي بيحبوه دة؟؟؟
اموااااة
معبقه بثانى اوكسيد المنجنيز!!!ا

الطائر الحزين يقول...

يعنى عاجبك برمنجنات البوتاسيوم و ثانى اكسيد المنجنيز مع الحر بيعمل ولا بلاش

تحياتى ليكى وللشتا بردة

Esmat يقول...

كل سنة وانتى طيبة
دخلتينا بدرى فى جو الشتا
وما اجمل شتاء اسكندرية
بموت فيه
بس على الاقل الخريف بيدخلك الشتاء بالتدريج
هنا فى الرياض
مفيش ربيع او خريف
يعنى احنا الجو صيف نار حتى نوفمبر
وفجاءة
تلاقى بقت برد جدا
حتى مارس
وفجاءة تبقى حر
يعنى حر او برد
الشتاء هنا حرامى يدخل وانتى مش واخدة بالك والحر كمان
واتمنى لك خريف لطيف
وشتاء ظريف
وسنة سعيدة عليكى
وكل سنة وانتى طيبة

بنت القمر يقول...

الطائر الحزين
الحر الكاسح كمان صعب كل شئ معتدل جميل المهم القدرة على الحركه وللانتقال احن من البيات الشتوى او ما اسميه الموات الشتوى
تحياتى
وكل عام وكلكم بخير

بنت القمر يقول...

اسمت
وسنه سعيده عليكى انتى كمان انا برضه عارفه برد السعوديه كنت هناك فترة برد صحراوى يوجع العضم وينشف الشرايين ربنا يعينك ويقصر غربتك ويردلك بالف سلامه ورمضان سعيد ليكى وللاسرة
تحياتى

اسكندراني في الغربة يقول...

اولا كل سنة و انت طيبة
ثانيا جميل النيو لوك الجديد للمدونة
ثالثا الشكل الاولاني احلى بكتيير
رابعا بفكر جدايا اسحب من الجنسية الاسكندرانية
في حد مبيحبش الشتا ؟؟؟؟؟؟

اسكندراني اوي يقول...

سيدي يا سيدي على النيو لوووووكس
من كام يوم كان نيو لووك بحري
وانهارده اجمل
في ايه
قوليلنا جايبه الحاجات الحلوه دي منيييييييييييييين

ما احلى الشتا خاصه على شط اسكندريه

تصدقي انها شتيت امبارح في اسكندريه

كل سنه وانتي طيبه

بنت القمر يقول...

اسكندرانى في الغربه كل عام وانتوا كلكوا بخير
الله اللوك حيرني الناس ما بتتفقش علي زوق واحد
وبعدين التمبليت الجديد تحت مسئوليه شهروزة
انا مايش دعوه وبعدين الشتا مطر وبرد
وكسل
وبطاطين
الصيف حريه
بحر
انطلاق
سهر
وكل عام وانتو جميعا بخير اهل اسكندرية

بنت القمر يقول...

اسكندرانى اوى كل عام واهل مصر كلهم بخير ورمضان كريم والموقع دا بتاع تيمبليت
http://freeskins.blogspot.com/