الاثنين، يوليو 28، 2008

البحث عن العداله الالهية

لا سبيل الا احتمال ما يحدث من مظالم والالام الا الاحتماء بالا يمان و بان لله حكمة وان لكل ظلم نهايه ,ربما حتي يبدأ ظلم جديد, ظلم وراء ظلم, الم وراء الم
خبر تبرئه قبطان العباره لا يكف الناس عن التألم من المظالم والاستعداد لمظالم جديده
كل التدوينات التي تحدثت عن الخبر كل تعليقاتها كانت حسبي الله
الدعأء الاستنجاد بالله الذي يري ويعلم كل الشرور في هذا العالم الرب الي يحتجب خلف سرادق حكمته الخفية او خلف عجزنا الدائم عن فهم احوالنا و ذواتنا الخفيه*
قديري البعض ان ايمان العامه مضحكا يبدو ستارا يحمون به عقولهم من الجنون والانهيار هل فعلا مقوله الدين افيون الشعوب هي حقيقه نرفضها وننكرها رغم معقوليتها.. مات يوسف شاهين ومات ركاب العبارة و وسيموت ممدوح اسماعيل وسيموت القاضي ومحامي الخصم ومحامي الركاب الذين اكلهم سمك البحر والباقين سيأكلهم دود الارض كل من عليها فان.. الا وجه ربك ذو الجلال والاكرام... قالت صديقتي الاليكترونيه لكن الافيون مسكن ليس علاج للالام
واجبتها انه حين يصعب العلاج وبستحيل لا يبقي الا المسكن, لا يبقي الا الايمان بالله وانتظار عدله طال او قصر الايمان هو الحل العبقري للاحتمال ومواصله تلك الرحله.... اتساءل بين نفسي هل الانضمام لجروبات الفيس بوك ضد حكم المحكمه هنا هو اقل الايمان المطلوب ام تسليم الامر كليه لمن لا تنام عيونه هو عين العقل... لا يحصل عقلي علي اجابه
جزء من عزازيل.. الصورة من مدونه حكاوي الليل*

هناك 41 تعليقًا:

محمد عبد الغفار يقول...

ان تنصروا الله ينصركم كما ان حقاص على الله نصر المؤمنين

فالأيمان هو الحل وليس المُسكن انما الأيمان الحق فما نحن فيه من اعمالنا ليس الا

... يقول...

الإيمان هو الملاذ
ليس لأن الدين مسكن الشعوب
ولكن لأن الفطرة تدفع لهذا

أظن حتي اللادينيين يبحثون عن قوة خفية مؤازرة

لكن سؤالك الأخير بأة اجابته نقول حسبنا الله و نصرخ علي الأقل

محمود المصرى يقول...

بسم الله الرحمن الرحيم

ممدوح اسماعيل اخد براءة طيب ما دا طبيعى فى ظل الفساد اللى فى البلد , ازاى عاوزين من منظمة فاسدة ان تدينه , يا جماعة دى نتيجة طبيعية للفساد فى النظم والقوانين , هو العبارة غرقت نتيجة اخطاء مباشرة ولا نتيجة للفساد اللى مالى البلد اللى خلى عبارة بحالة سيئة تخدم وباكبر من طاقتها ؟ طبعا صاحب العبارة هايجيب شهادات ان العبارة كانت زى البمب وانها احسن من المدمرة كول ذات نفسها وانها تستحمل ضربات مباشرة بالقنابل النووية وهاياخد على كل الشهادات دى ختم النسر لأن كل حاجة فى البلد بتمشى بالفلوس , سواء ليك حق او مالكش حق يبقى هايشترى ذمة الموظفين ويبقى فى السليم وماحدش له عنده حاجة , حد يقدر يقولى ممدوح اسماعيل مجرم ليه ؟ جايز مجرم بمقياس الحق والعدالة لكن مش مجرم بمقياس القانون الحالى اللى اعطاه وسائل الخروج من المأزق , لأن القانون جزء من منظومة فاسدة لما نصلح البلد كلها هانلاقى اللى زى ممدوح اسماعيل مش بس هايدانوا لما عبارة زى دى تغرق لكن ايضا سيمنعوا من ان يرتكبوا مثل هذه الجرائم .

وجهة نظري يقول...

حسبي الله ونعم الوكيل جميله ولازم تتقال.

طبعا مع إنتظار قضاء الله، لازم نبداء بنفسنا. أنا ملاحظ حاجه غريبه جدا، المدونين وقله من المصريين حاسيين بإلي بيحصل حواليهم، إنما تقريبا 90% من المصريين مغيبين تماما، سواء ملهيين أو جهله أو شاربين كوكايين الحكومه!

كل ما أكلم حد في التليفون يقولي الحياه صعبه بس أهي ماشيه. ومحدش ناوي يعمل أي حاجه ولا حتي يعترض بينه وبين نفسه.

فوصل لقناعتي إن الحل بقي الحسبنه وأحاول أطور محيطي.

مفيش حل تاني. ومعتقدش الفيس بوك والجروبات ليها أي قيمه، في نظري مش هو دا المطلوب.

حسبي الله ونعم الوكيل.

وميض ابتسامة يقول...

عزيزتى بنت القمر

خبر تبرئه قبطان العباره

أصبحت تنتظرى أيه فيما نحن فيه الآن .. كل يوم بلوة جديدة وخبر يدمى القلوب والارواح ولاحياة لمن تنادى!!

ولا يوجد لدينا كما قال باقى الاصدقاء فى تعليقاتهم وكا اشرت فى البوست الا انتظار عدالة من لا يغفل ولاينام

وأضم صوتى لكم جميعا " حسبنا الله ونعم الوكيل "

والسلام

كلبوزة لكن سمباتيك يقول...

اخد براءة و المشعرفة مين عمل نقض و شبورة و لا ميصحش و سايبنا نصوت على النت
و في الاخر
اللي عايزاه الحكومة حتعمله و احنا طظ فينا

بس احنا مش عايزين حاجة من الحكومة
احنا لينا رب منتقم جبار يورينا فيهم قدرته
و حسبي الله و نعم الوكيل

تحياتي
سمباتيك= طهقانة

صباح الخير يا مصر يقول...

بنت القمر
*********
نريد الحق و العدل ...وليس الحق الذى يراد به باطل او الباطل المتخفى وراء نص قانونى...فالحدث عظيم و جلل
اعجبنى هذا المقطع من البوست
مات يوسف شاهين ومات ركاب العبارة و وسيموت ممدوح اسماعيل وسيموت القاضي ومحامي الخصم ومحامي الركاب الذين اكلهم سمك البحر والباقين سيأكلهم دود الارض كل من عليها فان.. الا وجه ربك ذو الجلال والاكرام...

ولكن من يتعظ و يعى
ولا يبقى الا ان نقول...
حسبنا الله و نعم الوكيل

تحياتى

Che_wildwing يقول...

الغريب أننا نسعى للاستعانة بالايمان
ومن أولى مبادئ الإيمان عدم الرضوخ للظلم والقهر والطغيان
هذا ما جاءت من أجله الرسالات
جاءت الرسالات لتحرير الانسان وليس من أن يستكين في دنياه طمعا في أخرته
لا تركنوا للاستسلام باسم الايمان
ولا تلتزموا اليأس باسم الصبر

*********
قد كانت حكمة ربي أن يكون أيوب مصريا

blue-wave يقول...

حسبى الله ونعم الوكيل

بنت القمر يقول...

اشكر الزوار جميعا واهديهم الايه الكريمه التي اوردتها فضفضه في تعليقها علي الخبر في مكان ما
ولاتحسبن الله غافلاً عما يعمل الظالمون، إنما يؤخرهم ليوم تشخص فيه الأبصار. مهطعين مقنعي رؤوسهم، لايرتد إليهم طرفهم، وأفئدتهم هواء"
تحياتي لها ولكم... يبدو اننا سننتظر الي ذلك اليوم!!

بنت القمر يقول...

محمد عبد الففار
============= تفتكر اللي بيحصل للناس اللي ماتوا من زنوبهم؟؟!! مين امن هنا ومين لا؟
:
:
:
:
بثينه
=========
اصبحنا لا نملك الا الالتجاء لتلك القوة؟؟ عز العدل في الارض علي المستوي الشخصي وعلي المستوي العام.. حلقات ظلم لا تنتهي

بنت القمر يقول...

محمود المصري
=========
طب نصلح المنظومه ازاي
نخرج مظاهرات ولا نضرب عن العمل ولا نعمل ايه؟؟ ممكن ايه يتعمل بجد ؟؟اللي مسكوا طيارة اعتقلوهم !! طب نعمل ايه؟ وعشان نعمل حاجه لازم يكون في امل... تفتكر لسه في امل في عدل علي الارض
ولا ها يمشي نظام ويجي غيره
يروح فساد ويجي اخوه
تفتكر لسه في امل في عدل علي الارض؟؟

بنت القمر يقول...

وجهة نظري
===============
رجاءا ردي علي محمود المصري
تانيا
فوصل لقناعتي إن الحل بقي الحسبنه وأحاول أطور محيطي.

مفيش حل تاني. ومعتقدش الفيس بوك والجروبات ليها أي قيمه، في نظري مش هو دا المطلوب.
اتفق معاك
واضيف اللهم اني مظلوم فانتصر

بنت القمر يقول...

وميض ابتسامه
========
تذكرت امس دعاء قصير
اللهم اني مظلوم فانتصر
اشكر مرورك

بنت القمر يقول...

سمباتيك
===========
حتي المدعي العام بقا الواحد فاقد الثقه فيه فاقد الثقه في القضاء وفي نفسه
في البلد وفي بكره
حاجه مؤلمه جدا

بنت القمر يقول...

صباح الخير
========
نعرف ما نريد ولا نحصل سوي علي قبض الرياح...... لم يبق حقا الا الحسبنه وانتظار تغير الاحوال عل وعسي
اشكر مرورك... يا صديقي

بنت القمر يقول...

شي_ وايلد وينج
================
ممكن خطوط عامه وواضحه ومحددة ممكن انا تحديدا اعمل ايه؟؟
ويبقا لك جزيل الشكر... مكنتش اعرف ان ايوب مصري
جبتها منين دي
!!!!!!!!.......
اشكر مرورك

بنت القمر يقول...

بلو ويف
===========
عسي الله ان يستجيب لك اشكرك

Ahmed Shokeir يقول...

عندما تضيق بك الحياة ويضيع الحق ويسود الظلم وتكتشف في لحظة أنك لن تستطيع أن تفعل شيئاً .. في تلك اللحظة لن تجد ملجأ إلا الله لأنه موجود لاتأخذه سنة ولا نوم
يقال أن أكثر جملة نطقتها ألسنة المصريين ولم تجد غيرها كانت جملة الملاذ والغوث بالوكيل بمن وكلناه وبالحسيب بمن إكتفينا بالعون منه واللطف منه
حسبي الله ونعم والوكيل ، وكفى بالله وكيلاً

ورداً على تعليق وجهة نظري بان الجروبات ليس لها أي قيمة .. أتفق أن الحل ليس في التدوينات ولا الجروبات فلا يملك احد الحل وحده ولكن الحل يكمن في كل الطرق المتنوعة والمختلفة التي تمارس ولو دور بسيط في التأثير في الرأي العام لتغيير حالة ظلم واقع .. ومن الممكن ان تكون الجروبات والتدوينات لها دور ولو هامشي في ذلك .. فقط نفعل شيئاً

غير معرف يقول...

ليس هناك شئ أسوأ من ضياع الحق

لحظات قد تصيب العقل بالشلل المؤقت عما يجب أن يكون .. وليس عما حدث بالفعل ..

اللهم الهم هذاالبلد الصبر والسلوان
أحيانا .. لاأجد ماأقول .. فعذرا

Ahmed Kamal يقول...

حسبنا الله و نعم الوكيل

يبدو أن الجميع اتفق عليها ، هل تكون هذه أولى خطوات النصر ؟

أتفق مع من قال أن الجروبات ليست الحل بكل تأكيد ، و لكنها تمثل صرخة في وجه الظلم ، على الأقل قد تلفت نظر بعض النائمين .

و بالمناسبة دي ، هل تم إعلان الحكم يوم مباراة السوبر علشان الغلوشة ؟ و الله مش بعيد ، و أهو كله من مكر الليل و النهار ، و لكن سيعلم الذين ظلموا أي منقلب ينقلبون

جهاد خالد يقول...

الايمان عندما يكون حقيقيا

سيدفع للعمل لا للتخاذل

ولو اننا امنا بالله حق الايمان منذ البداية

لما خفنا من الظالمين ولما انتشر الفساد بيننا

ما يذرفه الشعب من ابتهالات ودعوات

هو محاولة لستر ضعف ايمانه
لا لاظهار قوة ايمانه

هذههي الحقيقة

ويجب ان نعود لصوابنا
ونعلم ان الله وحده هو القادر
ونتخلص من هؤلاء الظلمة

عدى النهار يقول...

يمكن زي ما شقير قال فى تدوينته يكون الحكم صحيح من الناحية الفنية.. وإن كان ذلك بسبب وجود محامي وقاضى بمواصفات معينة .. وأنا أتفق معاه فى الرأى

على العموم ده حكم إبتدائي ولسّه فى إستئناف يعني الأمر لم ينته بعد. المهم هو ضمان الحقوق المادية لأهل الضحايا أما المجرم فتبرئته تمت من زمان بمجرد حدوث الجريمة لكن إحنا اللي بننسى.. مش هو برضه فضل عضو فى مجلس الشورى محمى بالحصانة البرلمانية إلى أن خرج من البلد معزّز مكرّم

إيه الحل؟ فى ناس كتير بيتقتلوا مرّة علشان رغيف عيش ومرّة على قطعة أرض أو فى خناقة.. مافيش حاجة تمنع إن التعامل مع المجرم يكون من نفس نوع إجرامه بس المهم ساعتها نفتكر الأسباب والدواعي اللي أدت لكده ومانقولش ده إرهاب

الطائر الحزين يقول...

واتقوا فتنة لا تصيبن الذين ظلموا منكم خاصة

كلنا مشاركون بشكل ما

الايمان بالمعتقد سر من اسرار التقدم حتى لو كان المعتقد نفسه فاسد

اسلام صديق يقول...

بنت القمر

سعدت جدا بزيارة مدونتك

لكن دعيني اختلف معكي


لم يكن الدين يوما افيون الشعب

لو كانت القلوب يملاءها الدين والايمان الحقيقي

لما وجدنا امثال هولاء الفاسدين

ولاخذ الحق من الظالم واعطي للمظلوم

القوي فيكم ضعيف عندي حتي اخذ الحق منه

وجهة نظري يقول...

محمود المصري:

ممدوح إسماعيل مجرم بمقياس القانون، مجرم لأنه أدين عن طريق لجنه مشكله من مجلس الشعب هو وغيره، مجرم لأنه زور في شهادات سلامه سفنه ولو بالفلوس، مجرم لأنه كرئيس مجلس إدارة شركه سمح بتحميل السفينه بأكثر من حمولتها، ومجرم لأنه حسب ما قيل لم يتحرك في الوقت المناسب لأنقاذ الناس. دي الحقائق إلي ممكن واحد مواطن عادي يعرفها، وما خفي كان أعظم.

مش حنطالب بإعدامه، ولو أنه يستحق أن يعدم بعدد ضحاياه، بس علي الأقل يدفع الثمن العادل لأخطائه، ويعترف بأخطائه وأخطاء شركائه ويطلب العفو عنها.

بس دا لو حصل، غالبا حيقع من بلكونه بيته في لندن.

=============

بالنسبه لتعليق الأستاذ أحمد شقير

لأ طبعا المدونات والفيس بوك مهمين علي الأقل بيساعدوا علي تكوين رأي عام واعي، أمال هما عايزين يقفلوهم ليه؟ بس مالهومش قيمه كبيره كوزن نسبي في الحركه الشعبيه إلي لازم تحصل. الشعب هو إلي موجود علي الأرض، وسلوكيات الشعب مبتتحددش ومبتتصلحش علي شاشة كمبيوتر، لأن المدونين دول فئه ضاله ومغرضين هههه

حزيــــــــــــــــــن يقول...

الموقف كله من البداية صدمه تدهشنى وتجعلنى اقف مذهولا وقرفان من البلد

بنت القمر يقول...

احمد شقير
============
الانضمام للجروب ولاي جهه تقدم مساعدات للمنكوبين او اي اجتماع او مؤتمر لمناصره اهالي الضحايا_ انظر جبهة التهييس_ يبدو هنا هو اضعف الايمان الي لم يبقي غيرة
تحياتي واشكر مرورك

بنت القمر يقول...

شريف
=========
كلماتك المقتضبه تحمل الاسي الذي تحمله جملنا الطويله
ربنا يرحمنا جميعا
نورتني

بنت القمر يقول...

احمد كمال
==========
امبارح كنت بسمع تحليل غريب جدا في الطبعة الاولي في دريم
ان يوسف شاهين مات اكلينيكيا في باريس لم يتم اعلان موته الا يوم الحكم للغلوشه والهاء الاعلام عن تغطيه خبر تبرئه اسماعيل!!!
:(( نفس استنتاجك يبدو ان نظريه المؤامرة تحكم كل شيئ ولا ثقة الان في اي شيئ
نورتني

بنت القمر يقول...

النجمه الصامده
=================
نصرة المظلوم هنا حق يا عزيزيتي لا يجب التخاذل عنه
ارجعي فضلا لردي علي الاستاذ شقير
تحياتي

alexandrany يقول...

هنقولوا ايه غير
حسبنا الله ونعم الوكيل

بسم الله الرحمن الرحيم
الَّذِينَ قَالَ لَهُمُ النَّاسُ إِنَّ النَّاسَ قَدْ جَمَعُوا لَكُمْ فَاخْشَوْهُمْ فَزَادَهُمْ إِيمَانًا وَقَالُوا حَسْبُنَا اللَّهُ وَنِعْمَ الْوَكِيلُ (١٧٣)

صدق الله العظيم

بنت القمر يقول...

عدي النهار
==============
الجزء الاخير من تعليقك بالنسبه لي يعد مفاجأه!!
هل لو سنحت لك الفرصه انك تنتقم منه لو كنت لا قدر الله احد اهالي الضحايا كنت ستنتقم؟
جانب اخر خفي منك .. يظهر من تعليقك
هل كنت ستقفز القانون الظالم لتصنع قانونك العادل؟
تحياتي

بنت القمر يقول...

الطائرالحزين
==============
الايمان بالمعتقد سر من اسرار التقدم حتى لو كان المعتقد نفسه فاسد؟؟!!
جديده دي... تقصد ايه
تحياتي

بنت القمر يقول...

الافغاني
=========
عندك حق ولا اجد افضل من ما ذكرت
القوي فيكم ضعيف عندي حتي اخذ الحق منه تحياتي
واشكر مرورك

بنت القمر يقول...

حزين
========
كلنا في حلقنا نفس الغصه والالم
ولم يبق الا انتظار العداله الالهية
اقل القليل الصراخ علي الفيس بوك
تحياتي.......... اشكر مرورك

بنت القمر يقول...

وجهة نظري
============
فئه مغرضه وضاله... كلنا هالكون في هذا الضلال... انت مش معاهم؟؟
:))
تحياتي

بنت القمر يقول...

اليكسندراني
============
ولاتحسبن الله غافلاً عما يعمل الظالمون، إنما يؤخرهم ليوم تشخص فيه الأبصار. مهطعين مقنعي رؤوسهم، لايرتد إليهم طرفهم، وأفئدتهم هواء"
... يبدو اننا سننتظر الي ذلك اليوم!!
اشكرك يا عزيزي

عدى النهار يقول...

ماعتقدش بالمرّة إني ممكن أعمل كده لكن مؤكد حاكون قادر أستوعب رد فعل من يأخذ "حقه فقط" بيده إن إستطاع طالما أن من بيدهم السلطة يهدرون حقه عمداً

ساعتها الكل حايعمل ألف حساب لرد فعل الناس ويمكن الحال يتعدل

Hypatia يقول...

مفيش فايده فعلا غير فى الحسبنه لان الظالم عندنا وصل لمرحله متقدمه جدا من القوه والجبروت لا يقدر على ردعها الا الله ولا جروبات فايس بوك ولا تدوينات ولا يحزنون حينفع معاه ولا حيرد حق ولا حيصد باطل مفيش غير حسبي الله ونعم الوكيل هى اللى تنفع
انا كمان بطلت اتفرج على اخبار العباره اى حاجه باشوفها باقلب وكأنى مشوفتش حاجه الجرعه اللى اخدتها اول يومين كانت فوق طاقتى وفوق احتمالى الواحد لو ركز فعلا مع اللى بيحصل فى مصر والله حيموت قهرا وكمدا

محمد عبد الغفار يقول...

وأتقوا فتنة لا تصيبن الذين ظلموا منكم خاصه