السبت، يوليو 26، 2008

تنويعات علي احتفالات ثورة يوليو


بعد جهود مضنيه توصل التلفزيون المصري وصلت الي توسيط عمر موسي الامين العام للجامعه العربيه الي اتفاق مع الامير الوليد بن طلال علي اذاعه اوبريت وطني حبيبي الوطن الاكبر الذ انتجته روتانا و الذي يغنيه نخبه من المطربين المصريين والعرب ومن المعروف ان قناه روتانا لاتذيع اي من اعمالها خارج قنواتها

صاحب انتاج الكليب العديد من المشكلات اولها القبض علي المطرب عبد الحليم حافظ معشوق المراهقات لتهربه من اداء الخدمه العسكريه والحكم عليه بالسجن
لمده عام كامل يذكر ان حليم تعهد بعدم الادلاء بأي احاديث اعلاميه لحين انتهاء مده خدمته العسكريه تعهد بذلك كتابيا
كما تمت حلاقه شعره ويظهر في الكليب بشعر مستعار
اما المشكله الاقوي فهي التي واجهت الفنانه شاديه حيث رفع عليها المحامي نبيه الوحش قضيه لترديدها كلمات خادشه للحياء _حسب اعتقاده_ فشاديه رددت مرتين وطني يا قالعه للحريه... يا قالعه..!! اعتبرها نبيه تحمل اسقاطات واحياءات تخدش الجياء العام واتهم شاديه بالدع
وة للانحلال و ومخالفه الاداب العامه.. الدعوة تنظرها محكمه جنح باب اللوق لم ينجح الوحش في ايقاف تصوير وعرض الكليب الي الان!!
اما المطربه صباح فقد ذكرت
مصادر موثوقة اجراءها عدة عمليات تجميل حقن سليكون في انحاء الجسد المتفرقه وتصغير انف رفع صدر وحقن ساقين يذكر ان صديقها الثري العربي تكلف بثمن العمليات لم تفصح صباح عن سعر الشبكه الماسيه ولا ثمن الشقه البيروتيه التي ابتاعها لها صديقها
تم استبدال الفنانه ورده بالفنانه نور الهدي في الكليب بعد اعتذار نور الهدي التي ارتدت الحجاب واعتزلت الفن بعد ترددها علي احد المشايخ الجدد نجوم الفضائيات يذكر ان نور الهدي غيرت اسمها من كاميليا الي نور تيمنا بالمرحله الجديده من حياتها
غضب مغربي من عدم مشاركه اي من ابناءه في الاوبريت ويذكر ان سبب غضب المغرب الحقيقي مشاركه ورده الجزائريه وذكرت مصادر ان فستان ورده التي شاركت به الحفله من تصميم المصمم
اللبناني مايكل رعد
تساءل البعض عن المقطع الذي غنته نجاة وطني يا جنه الناس حاسدينها؟؟
من المتهم بالحسد تحديدا والي اي مدي ذهبت العين الحسود في ضرب الوطن الاكبر بالعين والاذي
خلافات شديده علي الاجور وترتيب نزول الاسماء صاحبت انتاج الكليب تدخل الوليد بنفسه بمنح سيارة كاديلاك للمشاركين في الكليب ترضيه لهم!!
شاهد الكليب حصريا وداون لود علي الموبايل فقط مع روتانا كليب الجزء الاول... التاني

هناك 22 تعليقًا:

Nsreen Bsunee يقول...

جااااااااااااااااامده اووووووي
انا بحب الاغنيه ديه جدا بس البوست مالوش حل هههههههههههههههههههه مسخره بس تفتكرى الوليد ابن طلال ممكن اصلا ينتج حاجه من النوع ده

اسكندراني اوي يقول...

هههههههههههههههههههههههههههه
بجد 10 على عشره
ولو فيه اكتر كنت قيمت البوست بيه كنت عملتها

تحياتي على الفكره العبقريه

ذو النون المصري يقول...

قلعه للحريه
و جنه الناس حاسدينها
حاجه فعلا تضحك
و النبي بلاش هزار

أحمد كمال يقول...

على قد ما كنت بحب الأغنية دي و أنا صغير بقت بتجيبلي اكتئاب و أنا كبير ، فكرة البوست حلوة ضحكتني ، بس لما شغلت الكليب في الخلفية مابقتش عارف أضحك !

على فكرة كان نفسي أعرف رأيك في الصدمة ، خاصة بعد ردي على تعليقك في المتاهة ..

زمان الوصل يقول...

ههههههههههه ..
أنا بردو جت فى بالى "شاديه" و انا باقرا البوست و افتكر كلماتها :)

وميض ابتسامة يقول...

عزيزتى

بالرغم من اعجابى بهذا البوست الضاحك الباكى . فأنا اتفق مع الاخ/ احمد كمال ان الاغنية المعنية اصبحت تصيبنى فعلا بالاكتئاب ..والغثيان

فهذا الحلم.. حلم الوطن العربى اصبح كابوس لكل الوطن العربى

وبالرغم من ذلك سوف أدعوا الله ان يجمعنا نحن العرب تحت مظلة الوطن العربى الواحد حتى وان كان فى حلم

وجعت قلبى الله يسامحك والسلام

وجهة نظري يقول...

هييييه ... كان زمان بقي، الله يرحم زمان وأيام زمان.

أهم كان ليهم الشرف إنهم حاولوا زمان، فكان عندهم نفس يغنوا لمحاولتهم، إنما تقولي إيه علي إلي محاولوش وبياخدوا علي أفاهم عمال علي بطال، وعايزين الشعب يغني: إخترناك إخترناك. بلا وكسه.

بثينــــــة يقول...

تحفة
بجد عجبتني أوي الفكرة
وروحك عالية جدا ومزاجك عالي
‏(خرزة زرقا)بس تعرفي اننا بييجي مننا في التهييس
:D

Sherif يقول...

لذيذة الفكرة .. كالعسل المر

الاغنية جميلة .. والحقيقة مضحكة

أبدعت

Sherif يقول...

بالمناسبة .. هل وصلك الايميل بعنوان "أتهزأ بى" ؟

بنت القمر يقول...

نسرين بسيوني
===============
مبسوطه انك مبسوطه لانه ما بقاش حاجه تبسط
:))
سؤال اجابته في روطانا مش عندي منورة

بنت القمر يقول...

اسكندراني
========
الله يخليك ويكرمك
زورونا تجدوا ما يسركم
:
:
:
نون
=========
زمان يا نون
الكليب سنه 1962
الله يرحم دي ايام.........نورتني

بنت القمر يقول...

احمد كمال
===========
الكآبه مشتركه
زورونا تجدوا ما يكئبكم
منور
:
:
:
زمزم
===========
شفتي شاديه بقا وهي بتقبح فشرت هيفا ودومنيك:((
نورتي

بنت القمر يقول...

وميض ابتسانه
===================
كله ضحك ضحك لازم حبة عظة
الكليب شفته الضهر عبربلانامج الاستاذ بكري وهو بيتكلم عن امجاد الثورة.. قلت لو الكليب ده اتعمل دلوقت مين يعمله وها يعمله ازاي والافكار جريت ورا بعض
ربنا يسامحنا كلنا
نورت

بنت القمر يقول...

وجهه نظري
===========
انا عمري ما قلت اخترناك
انا بسمعها بس
:))
شفت انت فرق الكلمات والروح والشياكه والادب والزوق واللحن والاداء والمشاركين..و..و..و
فرق ربنا يكشف دي ايام!!نورتني

بنت القمر يقول...

بثينه
=========
ربنا يكفيكي شر التهييس اللي انا فيه!!!
ده معناه ان الحاله جيم
ويا اهيس يا افيص
منورة ومبسوطه انها عجبتكم

بنت القمر يقول...

شريف
=========
وصلت واشكرك جدا بس لسه شايفاها امبارح لاني مش بروح الياهو كتير
عسل مر جدااا
فرق زمن فرق ناس ولحن وكلمات وشياكه وحماسه واداء وحماسه.., عملنا زي اهالينا بنترحم علي زمان!!
نورتني

فى القلب يقول...

عسسسسسسسسسسسسسسسسسسسسسسسل

يا فظييييييييييعه

الأفتكاسه دى جووون مباشر فى الهدف

الصارم الحاسم....يوما هل أكونه يقول...

مع انك بتقوليهالي كتير بس اول مرة هأقولهالك
:)


مش فاهم
؟؟؟؟؟؟؟؟؟؟؟؟؟؟؟

وبالمناسبة كمان...ماكانتش قسوة على من سقطت...لكن لحظة السقوط تكون مجيدة حقا اذا ادت الى اعادة النظر وتصحيح المسار


وتكون مجيدة - سخرية - ان استمر الانسان على نفس الكبر والاعجاب بنفسه

نونو يقول...

هههههههههههههههه
حلوة هاقول ايه بس
ابداع يا قمر
تحياتي

بنت القمر يقول...

في القلب
==========
اشكرك
:
:
:
الصارم
-------------
مفهمتش التنويعات
كنت بتفرج في برنامج فضائي يبث من الفضاء فيه مصطفي بكري وجاب الاوبريت وتخليت لو اتعمل انهارده ها يكون ازاي؟؟
من انهيار سياسي الي اجتماعي الي فني
وها نتسوله من الوليد بن طلال
تهييسه يعني يا عم ما تقدش وبخصوص السقطه المجيده ولا يهمك
اما حمالة اسيه:))

بنت القمر يقول...

نونو
==========
ما تقوليش غير لا اله الا الله:))
من انهيار وتردي الي انهيار وتردي
نورتي يا جميله