في الطريق الي مكتبه الاسكندريه سلك السائق طريق الكورنيش لم اتمتع من فترة بالحديث مع سائقي التاكسيات وترك يدي حرتان بدون... قياده فقط املأ رئتاي بهواء البحركانوا يقفون مثل عواميد الاناره علي مسافات متساويه ببدلهم السوداء واغطيه الرؤوس الصوفيه في حرارة الظهر القاسيه ظهورهم الي الشارع ووجوههم الي البحر تبرع السائق: ان القذافي عندنا النهارده.. ومرشقين الكورنيش حراسات.
من ستنالي حيث اسكن قربها الي الشاطبي مئات الامتار يملؤها هؤلاء الرجال حديثي السن بسمار الصعيد...واجسادهم النحيلة كأنهم حبات
!! رمل منثورة لحمايه الضيف العربي
ينتظرون ساعات وساعات الي حين مرور الكوكب الميمون بدون قطرة ماء في هذا الحر بدون ان يستطيعوا قضاء حاجتهم او الحصول علي راحه.. ربما منهم مريض بنزله معويه او الم في ضروسه او مشاكل في الضغط و هل حقا يستطيعون تلقي رصاصه طائشه بدلا عن سياده العقيد وهل هذا هو واجبهم؟!!! اليسوا بشرا مثله...
هل يستحق هو ان يتلقي الموت اخرون نيابة عنه! الم يخلقهم الله مجرد بني ادم مثل العقيد او الرئيس او المحافظ او بقيه الالقاب
هل يستحق هو ان يتلقي الموت اخرون نيابة عنه! الم يخلقهم الله مجرد بني ادم مثل العقيد او الرئيس او المحافظ او بقيه الالقاب
!!! البغيضه روح مقابل روح جسد مقابل جسد حلم وامل مقابل حلم وامل
الا نتساوي امام الله كبشر؟!؟..
الا تكفي سيارتان مصفحتان لاند كرورز او جيب لحمايه المذكور وانتهينا؟!!
الايشعر مسئولي التشريفات بادميه هؤلاء ويسألون انفسهم كم ياخذوا _ربما لا يزيد عن جنيهات قليلة_ ليعاملوا بتلك العبوديه نحن نتعجب من قسوتهم في التعامل مع المظاهرات.. ونتهمهم بالغباء في غباء واضح !!!!
هل هذا هو{سلو} البلاد الاخري في نشر جنودها كليو مترات متتابعه تشريفه للمسئولين الكبار... واذا كان هذا هو البروتوكول واشك!! ملعون هذا السلو{ البروتوكولي} الذي يجعل هؤلاء البشر عبيدا لمجرد بشر اخرين!!
الا تكفي سيارتان مصفحتان لاند كرورز او جيب لحمايه المذكور وانتهينا؟!!
الايشعر مسئولي التشريفات بادميه هؤلاء ويسألون انفسهم كم ياخذوا _ربما لا يزيد عن جنيهات قليلة_ ليعاملوا بتلك العبوديه نحن نتعجب من قسوتهم في التعامل مع المظاهرات.. ونتهمهم بالغباء في غباء واضح !!!!
هل هذا هو{سلو} البلاد الاخري في نشر جنودها كليو مترات متتابعه تشريفه للمسئولين الكبار... واذا كان هذا هو البروتوكول واشك!! ملعون هذا السلو{ البروتوكولي} الذي يجعل هؤلاء البشر عبيدا لمجرد بشر اخرين!!
هناك 11 تعليقًا:
اكيد طبعا هما فى اعتقادهم ان الامن المركزى دول
مش بنى ادمين فى الاساس
ما ينقعش نقارن بينهم وبين الساده الافاضل صفوه الحياه
المسؤلين
لما عشره من الغلابه دول يموتوا
انا الواحد فيهم ما بتخدش
تحياتى
لأ سلو البلاد الأخري إزاي يعني، دا رئيس الوزراء هنا بيروح مكتبه الصبح علي عجله ووراه عربية بوليس واحده فيها 2 عساكر!!! وأهي رومانيا الدوله إلي كانت شيوعيه ولسه متخلفه لحد دلوقتي. .... رئيس الجمهوريه بينزل بنفسه هو ومراته يتفسح في كارفور في الويك إند، ومفيش صحفي يقدر يقرب منه لأنه بيتفسح بصفته الشخصيه... دول قعدوا 30 سنه شاوشيسكو كابس علي نفسهم وكان إلاه.
نظام التشريفه وقفل الشوارع وال 500 عربيه حراسه ده موجود بس في مصر، لما الأسياد بيحبوا يتمنظروا علي العبيد إلي هما الشعب. وبعدين خايفين علي نفسهم لأنهم عارفين إنهم مغتصبين ومجرمين ومحدش إنتخبهم ... إنما الدول التانيه حيخافوا علي نفسهم ليه؟ ما لو مش عايزينهم حيشيلوهم في ثانيه.
لنا الله، والعزاء لمجندين الشرطه.
لو كان كل واحد من الشعب أو من الأمن المركزي اللي كانوا واقفين تشريفة قدام فرعون و هامان وقت ما انكشفت حيلة التعابين الفالصو و الناس عرفوا إن موسى نبي فعلا ، لو كان كل واحد منهم رفع طوبة من الأرض و رماها على الظالمين كان زمان التاريخ كله اتغير .
لكن للأسف عساكر الأمن المركزي لسه واقفين من ساعتها ، حتى بعد ما فرعون غرق ، و بعد ما مات ألف فرعون ، لسه برضه واقفين تشريفة لفرعون .
غريبة جدا .. أنا كنت صاحي النهارده و بيلح على بالي مثل قال يا فرعون مين فرعنك .. فعلا غريبة .
و لسه يا قمورة كماااااااان
عندك كام كلية و حفلة تخرج و المنظر دا هيتكرر
أصلى حضرت القصص دى و من الساعة ستة الصبح تلاقيهم واقفين الوقفة السودة دى و عند كل حارة و زقاق
و المواصلات توقف تماما و متلقيش حاجة تركبيها و تخديها مشى لحد بيتك
الحمدلله إنى أتولدت بنت
و بنت وحيدة عشان مروحش الجيش لو بياخدوا بنات
و إتعلمت تعليم عالى و مخدونيش أمن مركزى
تحياتى يا قمورة
حسبنا الله ونعم الوكيل
يا بنتي من شهرين هنا كان فيه مؤتمر كبير للدول المصدره للبترول وقبليها مؤتمر لمناقشه الوضع فى العراق وفيه شخصيات كبيره عربيه واجنبيه لولا انهم بيقولو الكلام ده فى الاخبار مكنتش حاحس بحاجه اكتر من شويه الزحمه اللى بتبقي حوالين المكان اللى فيه المؤتمر متحسيش بحاجه ولا فيه تشريفه ولا نيله
معتقدش ان فيه بلد بتستعبد العساكر كده زي مصر وتوقفهم بال12 ساعه في عز الشمس او البرد من غير اى سبب امنى مقنع
يالا ربنا كبير ومنتقم وجبار وكل شئ وله اخر
امتى اشوف اخر بقي للقرف اللى فى مصر
طب ده رئيس ودول عساكر والجهة المنظمة هى الشرطة يعني فى حجة ولو إنها ماتتبلعش بأى شكل.. إنما لما أطفال صغار فى مدرسة فى إحدى الأقاليم يوقفوا الوقفة دي بتعليمات من المدرسة بإنتظار زيارة وزير التعليم وتقع طفلة منهم وتموت بضربة شمس يبقى ده إسمه إيه!؟
للأسف هما بيتعاملوا معاهم على انهم مش بنى ادمين
ربنا يلطف بينا
لايوجد هذاالبروتوكول الغريب فى أى بلد فى العالم .. غير مصر المحروسة ..
ربنا يرحمنا من هذا قريبا
دة استعباد الإنسان لأخيه الإنسان
تعرفي اني مرة استفزني موقف مماثل وألهمني دي
http://horouf.blogspot.com/2007/05/blog-post_27.html
مش عارفه بس بحس انك بتاخدى بالك من حاجات زى كده صغيرة عارفه ان دول بيصعبوا عليا جدا وعندى فى القاهرة الجديدة كمين واقف على طول بجد فيه عسكرى كده ولا ظابط ولا بتاع والبيه الامين بالليل بس بيروح فبأخد لهم ميه صاقعه وانا رايحه اى مشوار اعديها عليهم بجد انا بحس ان فيه ناس قلبهم حجر
حتى بتوع الاجراءات الامنيه يا اخى ما هو العمر واحد ولو ربنا كتب لك تموت هتموت لو وسط الف حراسه بجد حاجه تغيظ
حقول ايه بس
ربنا يفك كرب المكروبين كلهم
إرسال تعليق