الأربعاء، يوليو 30، 2008

...تآمر

يقدم احمد المسلماني مذيع الطبعة الاولي لنظريه المؤامرة في حادث العبارة... فيقول ان اشاعه قويه تقول ان يوسف شاهين مات في باريس اكلينيكيا قبل وصوله الي مصر.. وان تأخر نشر خبر وفاته لتتزامن مع خبر تبرئه صاحب العبارة هو مجرد نوع من الهاء الناس ووسائل الاعلام لتنشغل بوفاة جو العالمي

وكذلك يعرض شائعه اخريؤامرة)هي ان توقيت مباراة الاهلي والزمالك يوم اعلان الحكم نوع من الغلوشه علي الناس وجذب انتباهم اما النظريه التأمريه الثالثة فهي ان احداث نادي الزمالك وصراعاته وبلطجيته وانتخاباته لا تطفوعلي السطح الا مع حدوث نوع من الفوران السياسي فينصرف الناس الي متابعه نجم الشغب مرتضي منصور ورئاسه نادي الزمالك حتي تمر مصيبه ما... مش قادرة ارفض النظريات دي !!وده في حد ذاته مصيبه ان لا تستطيع رفض نظريه المؤامره

ولكن يجد الانسان نفسه مدفوعا الي توسيع دائرة المتأمرين... اذن زوجه يوسف شاهين تتأمر مع المتآمرين باخفاءخبر موت زوجها في باريس وكذلك محبيه واهله وخالد يوسف.. والمستشفي في باريس والمستشفي المعادي في القاهرة.. ونادي الاهلي والزمالك ومرتضي منصور وطلعت حرب ,ونجيب ساويرس, الجميع متأمرين لتبرئه صاحب العبارة الذي لا بد ان يكون قديسا تتذلل الصعاب وتساعده قوي الارض والسماء

من هنا اتهم ايضا اندماجا في نظريه المؤامرة الاستاذ احمد المسلماني واحمد بهجت وقناة دريم قد يدخلون ضمن زمرة المتآمرين الذين يروجون مزيدا من الاشاعات للغلوشه والهاء متابعي برنامجه .. ولاسقاطهم في بحور من الحيرة عن المطالبه بالقصاص من القاتل وكذلك وحيد حامد الذي سوف يكتب فيلم عن قصه العبارة لينشغل الشعب بالتفكير في من سيقوم بدور القبطان ومن سيقوم بدور ممدوح اسماعيل وكيف سيقتبس حامد من كارثه تيتانيك ومدي التشابه بين القصتين

بينما يرد اسماعيل بدعوي قضائيه وتتسع الدائرة اكثر فأكثر ليدخلها المصريين في هولندا الذين يتكفلون بدعوي قضائيه ضد ممدوح اسماعيل في محكمه العدل الدوليه!!
يزيد عدد المـآمرين وتمتد خيوك المؤامرة لتخنق كل شيئ

هناك 29 تعليقًا:

... يقول...

انت دماغ
:D
بس كل شئ وارد
مش بعيد تلاقي في الآخر ان فيه جزء صحيح من الكلام دة وإنه مش محض خيال.. أصل بيني وبينك ساعات بيكون الواقع أنقح من الخيال مهما كان جامحا
بس سيبك انت دي طلعة دماغية جامدة
:D

وجهة نظري يقول...

لأ طبعا، أصل الموضوع مش ناقص دجل وشعوذه كمان هههه

أولا يعني الشعب مانشغلش أوي بقضية وفاة يوسف شاهين، دا تلاقي 80% من الشعب أساسا فاكر يوسف شاهين دا صاحب مصنع صابون ههه

وبعدين النظام مش محتاج يغلوش علي عمايله السوده، دا بيفقع الشعب الأفا من هنا ويبصله بعين بجحه ويقوله: هااا، عايز تاني؟ الله يرحم الـ 30% علاوه.

بصي، كل حاجه متخططه مسبقا، والمحاكمه والبراءه والإستئناف إلي بعد 4 ساعات وراهم إلي وراهم ومش محتاجين غلوشه.

دا رأيي.

تحياتي، ومتشغليش نفسك أوي، حتحل بمشيئة الله.

عزيز عيني يقول...

مش بعيد جدا في ظل نظام ديكتاتوري
تحياااااااتي

Ahmed Kamal يقول...

معلش يا بنت القمر ، أنا أحتفظ بحقوق الملكية الفكرية لمؤامرة ماتش السوبر من قبل البرنامج ، و إنتي شاهدة :)

وميض ابتسامة يقول...

عزيزتى

وما ادراك ان كل ما يحدث ليس الا مؤامرة للغلوشة على شىء أكبر ..


متاهات ..واللغاز ؟؟

مش ح تصدقى لو قلت لك انى كرهت الصحف كلها وبلا استثناء ..وأصبحت أشك فى أى خبر بأسمعه لان مصادر الثقة قلت أو تقريبا أختفت!!!!

لكن هذا لايمنع ان الرأى العام المصرى اتصدم بخبر تبرئة ممدوح اسماعيل وأنا واحد منهم ..بصراحة بقت حاجة تقرف!!

والسلام

Hypatia يقول...

انتى شاربه ايه يا مووون
:))
شاربه الغلب والهم اللى كل المصريين شاربينه طبعا
بصي انا شايفه ان موضوع جو ده مستبعد جدا وشبه مستحيل
لكن موضوع مباراه الاهلى والزمالك ده ممكن لان كان منطقيا المباراه تتأجل عشان صعب يكون فيه مباراتين للاهلى والزمالك فى اسبوع واحد واتحاد الكوره فكر فعلا فى التأجيل ولكن تراجع
:))
مفيش حاجه بعيده ولا مستحيله
جو كان عنده 80سنه وبيزحف عشان يروح شغله وكل يوم والتانى فى المستشفي
وغيره فى نفس سنه وصبي فى عز شبابه ههههه فى معجزه اكتر من كده

عاشــــــ النقاب ـقــــة"نونو" يقول...

السلام عليكم
اب مؤامرة يا قمر بتغطي على التانية
يا ترى؟؟؟؟!!!!
النصيبة كمان ان كمان الغلبان ما بيجيش الا على اللي زيه
خيالك واسع بس ساعات بيكون ارحم من الواقع
القادم اسوا في اعتقادي
تحياتي

يا مراكبي يقول...

تحليلك سليم جدا ومن غير تخمين ولا إفتراء ولا حاجة

أمريكا نفسها بتعمل كده برضه .. بتشغل العالم كله بحدث في منطقة ما علشان تغطي على أخبار قصف إسرائيلي لغزة مثلا وما شابه

السياسة كلها كده .. السياسيين بس هما اللي عندهم الحقايق الكاملة وبيلاعبونا كده طول الوقت

محمود محمد حسن يقول...

نظرية المؤامرة والعرب وجدوا في الكون في يوم واحد ، يستمتع العرب بنظرية المؤامرة بطريقة غير عادية حتى لو ان احدهم استيقظ من نومه ووجد امام منزله كيس قمامة من الممكن ان يتهم امريكا واسرائيل بإلقاء القمامة امام منزله

عدى النهار يقول...

طالما فى إجرام يبقى مافيش ما يمنع أبداً وجود تآمر خاصة لمّا يكون إجرام بهذا الحجم. بس مش بالضرورة إننا نقدر نوصل لتفاصيل التآمر

شوفي الجزء ده من مقال فهمي هويدي واللي بيوضح لأى مدى ممكن التآمر يوصل

منذ اللحظة الأولى كانت قضية عبارة الموت مثيرة للعديد من علامات الاستفهام والتعجب ، التي تبعث على عدم الارتياح أو الاطمئنان ذلك أنه حين وقعت الواقعة في الثاني من شهر فبراير لعام 2006 قدم طلب إلى الدكتور فتحي سرور رئيس مجلس الشعب لإبلاغ المدعى الاشتراكي بإدراج صاحب العبارة ضمن الممنوعين من السفر والتحفظ المؤقت على أمواله لضمان تعويضات أسر الضحايا، لكن ذلك الطلب ظل مسكوتا عليه لأكثر من شهر، كان الرجل خلالها قد رتب أموره وهرب مع ابنه إلى لندن ، حيث ظهر هناك يوم 4 مارس، وهو ما أثار سؤالا كبيرا عن السر وراء تركه طليقا وإعطائه مهلة شهر كامل قبل الهرب إلى الخارج.
وحين باشرت النيابة التحقيق في الأمر فإن هذه كانت نقطة ضعف في القضية، لأن هذا الوضع يجعل مباشرة التحقيق في إطار السلطة التنفيذية ، وكان النظام المعمول في مصر من قبل وفى العالم المتحضر كله ، أن يتولى الأمر قاضى التحقيق يطمأن إلى استقلاله وليس النيابة العامة ، وقد ظهرت خطورة هذه الثغرة حين اعتبرت القضية جنحة ، التهمة الأساسية فيها : أن صاحب العبارة علم بالكارثة ولم يخطر الأجهزة المختصة بما جرى في الوقت المناسب ، الأمر الذي رفع من عدد الضحايا ولم يوفر الفرصة لإنقاذهم وهذا التكييف خفف كثيرا من الجريمة ، إذ حصر التهم في عدم الإبلاغ ، وتجاهل جوانب أخرى مهمة وخطيرة أسهمت في وقوع الكارثة ، منها ضعف كفاءة السفينة ، وحدود حمولتها ، وإجراءات السلامة والأمن فيها، ومختلف عناصر الفساد التي أدت إلى تشغيلها بحمولة 2790 شخصا، في حين أن القوانين واللائحة المعمول بها في مصر لا تسمح بحمل أكثر من 1168 راكبا الأمر الذي يعنى أن صاحبها ظل سنوات يحملها في كل رحلة بعدد من الركاب يصل إلى 1620 شخصا زيادة على طاقة استيعابها المقررة.... إلخ

alexandrany يقول...

ممكن ندخل برضه معاهم team leader
بتاعي عشان كان مخليني يوميها نايت شيفت وما خلانيش اسمع الاخبار لايف
:)
ثم انتي شكلك زملكاوية ولا ايه ونفسك المطش يتاجل عشان ما تخسروش تاني
:)
لو كونتي عايزة تتكلمي عن نظرية المؤامرة بجد انتي تتكلمي احسن عن ايام غرق العبارة نفسها لما انفلونزا الطيور كانت معششة في مصر وما حدش اكتشفها وعملوا حملات التليفزيون الجبراة والتفتيش ولهي الناس ومنع الفراخ منم السوق غير لما العبارة غرقت
هنقول ايه ولا ايه ولا ايه ولا ايه
يادي الغلب اللي احنا شايلينه
احنا شوية وهنشيب وشعرنا يبيض وانا لسه ماجبناش التلاتين
ربنا يسترها ان شاء الله

To a friend يقول...

الاتجاه العام حاليا في كل مكان و في كل المدونات هو نظرية المؤامرة اللي لو دققنا فيها حنتشعب (جدا)و نوصل لنفس الكلام اللي كتبتيه

طيب كل المؤامرات دي عدت علينا(مش مهم) المهم دلوقتي حق/دم الناس اللي ضاع علي الفاضي

اذا كان كل الناس دي بتتآمر عشان الحق ده يضيع ... ليه ما نتآمرش احنا كمان عشان نحافظ علي حقنا؟

بنت القمر يقول...

بثينه
============
مش معقول كده والله كل حاجه مؤامرة والاحداث مش طبيعيه لا قادرة تصدقي ولا قادرة تكدبي طب ازاي اهل شاهين يسكتوا ويكرتنوا يعني معقوله مش قادره اصدق
:
:
:
وجهة نظري
========== وجد بجد في مدونات كتير اهتمت بخبر شاهين اكتر من خبر براءه العباره مع احترامي ليهم بجد
هم برضه ليه تاريخه وجمهورة يبقا يا اما شاهين مات دلوقتي مؤامرة وظبط مع عزرائيل.. لا مرات شاهين كرتنت علي موته وتبقي برضه متأمره
حاجه تجن

بنت القمر يقول...

عزيزي عيني
===========
وده مصيبه في حد ذاته انه ده وارد انه يكون حقيقي والكل متآمر نورت
:
:
:
احمد كمال
============
لك السبق والفضل بس يبقا انت متآمر معاهم وبتغلوش علي الشعب الطيب!!
نورت

بنت القمر يقول...

وميض
==========
طبعا حاجه تقرف كله بشوشر علي بعضه ويشكك في بعضه ويكدب بعضه مفيش اي ثقه
ومفيش غير الحيره
:
:
:
:
نسرين بسيوني
===========
شاربه الهم من كيعاني:))
بصي طالما انتي بتشكري في جو
حاجه من اتنين يا جو بتاعك مظبط مع عزرائيل... لصالح اسماعيل يا مرات جو مظبطه مع الحكومه وهو مات في باريس عشان اسماعيل برضه
جاوبي انتي واختاري:))))))))))

بنت القمر يقول...

نونو
========
والله خيالي مش واسع
اديني حاطه لكم اللينكات اهو وحلقه المسلماني كانت يوم التلات وهو اللي سرد الاشاعات... زنبي ايه بس يا نونو
القادم يا رب مش اسواء وان كنت اعتقد انه اسوأ:)
:
:
:
يا مراكبي
============
فاكرجبسون وهو في الفيلم بيقفل البطرمانات من الخوف والرعب وبيتربس الابواب (نظريه المؤامره)
بين لازم نعمل كده.... نشك في كل شيئ!!

بنت القمر يقول...

محمود ماجد
=============
مشفتش فيلم نظريه المؤامرة؟؟!! كان امريكاوي يا عمنا
تقدر انت تنفي بضمير مرتاح كل النظريات دي؟؟
ان لا
:
:
:
عدي النهار
============
اللي قلته ده فساد واضح ريحته تزكم الانوف تعمي العيون
وتطرش الاذان....!!
ويمكن مؤامرة عشان منفكرش في التوريث مثلا!! تفتكر؟؟

بنت القمر يقول...

اليكسندراني
===================
ادي اخر النظريات التآمريه لك براءه الاكتشاف
يا استاذي مليش في الكورة نهائي ان شاللله يتحرق دول علي دول
قال الزمالك بيتخانقوا اوقات الفساد السياسي فقط
هو في فساد افسد من كده؟؟
نورتني
:
:
:


fad-fadat nour
======================
اذا كان كل الناس دي بتتآمر عشان الحق ده يضيع ... ليه ما نتآمرش احنا كمان عشان نحافظ علي حقنا؟
-------------------------------
ياريت عارفين نتآمر بس مسيرنا نعرف ونقدر تعليقك هو بالضبط اللي عاوزة اقوله
نورتي يا نور

هشام علاء يقول...

عزيزتى

لو هنمشيها مؤامرات

خدى عندك بقى النظرية بتاعتى

اشمعنى انا يعنى..ماكله بيحط نظريات تآمر

خبر اليراءة نفسه..ليس هو المراد التشويش عليه بل هو اداة التشويش و الهاء الناس و الاعلام فى الكلام عن القضية و الانفعال بها رغم ان فيه اسئناف و غالبا هيتحكم بادانة صاحب العبارة فيه لكن الهدف اكبر من كده بكتير

الهدف هو احداث زوبعة كبيرة تنضم الى زوابع اخرى مثل زوبعة مرتضى منصور و غيرها من الاحداث الاعلامية التى نضيع الوقت فى النقاش حولها و الانفعال معها رغم انها كلها هتنزل على مافيش

لا مرتضى منصور هيرجع الزمالك

و لا الحكم بادانة او براءة ممدوح اسماعيل هيصنع اى فرق على ارض الواقع لان الراجل فى بريطانيا و مفيش معاهدة تسليم

طب كسبنا ايه من كل الزوابع و الفرقعات الاعلامية

و لا حاجة

بس الحكومة بتنجع تشغل الشعب و تلهيه بطريقة ممنهجة و منظمة عن واقعه المؤلم المنيل بنيلة

و يظل المواطن داير فى ساقية الحصول على لقمة العيش و فى اوقات فراغه البسيطة يتسلى بالفرجة على البرامج الحوارية و مناقشة قضايا الساعة الزائفة دو ان يغير اى شىء من واقعه

هى دى نظرية المؤامرة بتاعتى..ده لو فى مؤامرة من اساسه
:)

هش
تحياتى

خمسة فضفضة يقول...

السلام عليكم ورحمة الله وبركاته

انا مع نظرية المؤامره دي ومصدقاها بكل كياني

وما تستبعديش اي حد فالبلد دي يكون مشترك فيها

وزي ما بيقولوا ماخفي كان اعظم

سلام

رحيـــــــــــــــــــــــل يقول...

الواحد ما يهتم يعني ازياده .ز
اذا الشعب اساسا مو مهتم الا درجه قليله بس ..
شو احنا بدنا نحكي بس بنتمنى يتغير كل شي
مشكوره كتير
تقبلي مروري
رحيل

عين فى الجنة يقول...

انا معاكى وبأيدك ، هى مؤامرة كبيرة واستراتيجية وعالمية

ولكن ليس هناك عناصر الالهاء والتغطية لان الاهداف واضحة وزى ما وجهة نظرى ما بيقول الخطة ماشية ببجاحة وعينى عينك وعلى مستوى العالم كله

تحياتى

عزيز عيني يقول...

فكرة المؤامرة و البالونات الاعلاميه قدمها وبشكل بسيط وساحر الراحل عاطف الطيب في الهروب

بنت القمر يقول...

هشام
===========
مزيد من المؤمرات
:))
نورتني

بنت القمر يقول...

فضفضه
=========
وانا كمان مصدقه.. ودي مصيبه.. معنديش سبب اكذبها
نورتيني

بنت القمر يقول...

رحيل
============
اهلا مرورك طبعا مقبول ونورتي
بس اعتقد ان الشعب اكيد مهتم!!

بنت القمر يقول...

راجي
========
انت معايا وانا معاك ومعانا ربنا
طب مين مع التانيين
:)) نورت

بنت القمر يقول...

عزيز عيني
=========
والله فكرتني
باين اللي بنبات فيه بنصبح فيه!!

الطائر الحزين يقول...

نهول الامر ونعطيهم قدرات اكبر منهم

مش للدرجة دى يعنى