الثلاثاء، أغسطس 19، 2008

جنة الالحان وجحيم الواقع

يبدو احيانا ان حضور الحفلات الموسيقيه او دخول دور السينما او المشي علي شاطئ البحر في قمه متاعب الانسان واحباطاته هو نوع من البلاده الحسيه او نوع من الانفصال عن الواقع ولكني اظن انه عين العقل تماما حين يفلت زمام الامور تماما{ والدنيا تتطربق}
كان لا بد ان افعل شيئا ما للحفظ علي هدوئي واتزاني الاسبوع الماضي حفله عمر خيرت كانت اجابه مناسبه وحل جيد
الحفله محترمه منظمه في حدبقه انطونيادس بدأت في التاسعه تماما الفرقه حوالي 32 عازف منهم ثلات عازفات لم اعرف الالات ولكن الجميع يرتدي الاسود والابيض احدي العازفات محجبه تعزف علي الة لم اعرفها تماما.. الآلة كبيره لم اعرف اسمها تحديدا لكنها من العائله الوتريه شبه الكمان لكن اكبر الحضور فئات متنوعه... فكرت كيف تدير هؤلاء العازفات حياتهن الخاصه الاسريه او العاطفيه في وسط عمل مرهق يتطلب السفر والغياب كثيرا وهل يجدن من يؤمن بهن ام من يضع في طريقهن الصعاب ؟!
بدأت انسحب الي جنه الالحان واحلق بعيدا, الالحان في غايه الروعه بعضها اعرفه تماما لكن متعه الاستماع المباشر_ تختلف عن السماع المسجل في التلفزيون وغيره... الاضاءه مضبوطه مده الحفل ساعه ونص انسجمت تماما مع احد الحان عمر خيرت التي غناها علي الحجار... لا اتذكر الاسم ولكنها تقول مش عارف ليه بتونس بيكي وكأنك امي.. لكن اللحن رائع... افسد المتعه تليفون من والدتي بمستجدات علاج أخي.. استدعي انفصالي عن
تلك الجنه حوالي عشر دقائق... شعر بي زوجي الذي ربت علي يدي فقد ادرك ما اعاني... وكان يعلم انه كثير وفوق الاحتمال ...الالحان شجيه جدا حتي الحان عمر خيرت في فيلم مافيا تبدو اكثر شجنا لا اعرف هل هي شجيه فعلا ان ان الحاله العاطفيه للمتلقي _بتخليه مش مستحمل!!
كنت فقط او ان اعرف اسامي بعض المقطوعات... الغير مشهورة للجمهور... ولكن يبدو ان الالحاح الاعلامي جعل تجاوب الجمهور مع المقطوعات الاكثر شهره
انتهي الحفل الساحر في الحاديه عشره او اقل... انتهت ساعتان من التحليق في الجنه بعيدا عن جحيم الواقع.... جربوا طريقتي في الهروب

هناك 19 تعليقًا:

Jana يقول...

اااااه قلتيلى بقى
وانا اقول اخويا راح فين ومقاليش
اصلى بأشبط فيه لان جوزى مستحيل يفضى يودينى حفلات المكتبة وانطونيادس

اغنية على الحجار ..الى قلتى عليها احلى اغانيه ولحن عمر خيرت فيها زاد من روعتها ..فعلا كلمات والحان صح
المدون الزميل " عارفة مش عارف ليه" ..أطلق على مدونته هذا الاسم حبا فى عمر خيرت ..والجميل انه واضع موسيقى الاغنية فى الخلفية ..انا بازوره عشان اسمع اللحن اثناء قراءة بديع ما يكتب ..واسمها هو ما شدنى فى البداية لزيارته ..

فى النهاية ..ثقى ان جحيم الواقع لن يستمر طويلا ..وانكم ان شاء الله حتطمنوا قريبا على أخوكى ..وستصبح مجرد ذكرى يحكيها لأولاده ان شاء الله وتفائلى خيرا
ليس بالضرورة ان تكون ايامك إما جنة او جحيم ..قد تكون لاشىء منهما عديمة الطعم والرائحة احيانا لكنها على الاقل باردة ..
أما الجنة الحقيقية فيجمعك الله فيها بمن تحبين ان شاء الله

غير معرف يقول...

اوافقك تماما على رحلة الهروب الى الجنة هذه

وأولا ادعو الله أن يطمأنك دائما ويطمئنا جميعا على اخيك ان شاءالله

ربنا يهدى بالك ويسعدك انت واسرتك

وثانيا تلك الآلة التى تعزف عليها البنت اسمها الشيللو .. فاذا كانت تعزف واقفة فهى الكونترباس ..

ماتعرفيش الشيللو ؟ أمال ليه كنتى بتتريقى على وانا باقول بب اللى كانت عايزاه ام احمد؟

باضحك معاكى طبعا

... يقول...

أحب أقوللك ان دة عين العقل
ألحان عمر خيرت حلم
حضرت له حفلتين في الأوبرا وأدمنت سماع موسيقاه اللايف
حتي ابني الصغير استمتع جدا
الموسيقي دواء للنفس يا عزيزتي
وكل ملاحظاتك في محلها حتي اصرار الجمهور علي اختلافه علي سماع المقطوعات الشهيرة فقط مرارا وتكرارا
عايزة أقوللك ان لحظات زي دي بتبقي كأنها شحن للروح بيمتد للحفلة التالية .. انت أكيد هتدوري علي التالية

وميض ابتسامة يقول...

فعلا ..حضور مثل هذه الحفلات ..هو تحليق فى سماء بعيدا عن الارض ومشاكلها..

اتيحت لى صداقتى بعازف كمان بمعهد الكونسرفتوار ..وحضور معظم حفلاته فى التعرف على هذا الفن الجميل الرائع

وحاليا صديقى هذا هو وكيل المعهد ..ومازلت اشاركه حضور حفلات نجله المتميز فى مصر وبالخارج ...

فعلا جنة الالحان ...وربنا يطمنك على اخيك ..آمين

زمان الوصل يقول...

عين العقل ما فعلتيه :) و فعلا سماع الموسيقى -حتى اللىّ عارفينها من قبل- لايف تجربه تانيه خالص ..

عدى النهار يقول...

ربنا يديم عليكي الأوقات السعيدة.. إحساسي ناحية اللحظات المبهجة هو إن الواقع مهما ساء فيها الناس برضه قادرة إنها تطلع له لسانها وتقول له ظز فيك
:)

محمد عبد الغفار يقول...

تغسل الروح صحيح انما حلول وقتيه قصيره الأمد جداً

اما ان يكون زوجك الى جوارك للتشاركا الحضور وان يصله حسك بهذا الصوره وينفعل له فهم نِعَمٌ ثلاث ينبغى ان تشكرى الله عليهم ليل نهار

blackcairorose يقول...

معلش فى بوستك عن الحادثة أخدنى الاحساس بالياس كلما اسمع حوادث مماثلة وكان تعليقى انعكاس لليأسى ده

بس دلوقتى بقولك دعواتى مع اخوكى وربنا ينجيه ويقومه بالسلامة

اما عمر خيرت فهو من الحاجات القليلة قوى الحلوة بجد فى الفن المصرى

عين فى الجنة يقول...

جميل تعزية النفس بالفن السامى

بنت القمر يقول...

جانا
========
مكنتش اعرف والله انك سكندريه اهلا بيكي صديقه
ولو الاتنين طنشوكي اجي معاكي انا
:))
اسمك ورقمك وعنوان بيتك

بنت القمر يقول...

شريف
=========
انا مش ممكن ازعل منك انت صديق واخ غالي
الاله كبيره جدا
وشبه الكامنجه والبنت كانت بتعزف وهي قاعدة ومايلا براسها علي الاوتار\ تبقي ايه
؟؟
عروستي:))
انا لااعلم ومن قال لا اعلم فقد افتي:)
اشكر دعواتك

بنت القمر يقول...

بثبوثه
===========
عين العقل لان العقل ساح والله
وتعب!! والصيف ده الحمدلله
ربنا ينهيه علي خير بقا
اشكرك يا عزيزتي جدا

بنت القمر يقول...

وميض ابتسامه
================
ايوة يا عم ماشيه معاك طبعا حفلات مجاني بقا وكده
انا كعيت 100 جنيه في تذكرتين!!
بس مش خساره الحقيقه
اشكر دعواتك وتحياتي

بنت القمر يقول...

زمان الوصل
==================
كان لازم الحق الفيوز قبل ما يضرب هو صحيح ياباني اصلي وبيتحمل
بس برضه التحميل الكتير عليه خطر:))))))) نورتي

بنت القمر يقول...

عدي النهار
============
طب الحمدلله طمنتني
يعني كده مش بلادة احاسيس ولا حاجه؟؟!!
:)) يعني انا طبيعيه؟ احمدك يا رب..
اشكرك يا عزيزي جدا

بنت القمر يقول...

محمد عبد الغفار
=================
طبعا بشكر ربنا علي وجود جوزي جنبي ليل ونهار وصبح وعشا وقبل الاكل وبعد الاكل
وهو بيفكرني دايما بالنعمه دي
ها تبقي انت وهو بتفكروني:)))))))))
الرحمه يا محمد...نورت

بنت القمر يقول...

بلاك كايرو
==============
والله يا بلاك العزيزة... مصر فيها ناس كويسه وموهوبه كتييييير بس بيتوهوا في الزحام
او متعرفيش المناخ العام... مش معاهم ولا بيساعدهم
يمكن عظمة خيرت مش بس في فنه
لكن في اصرارة علي فن محترم في وسط الهلس والهجص اللي اسمه فن حاليا
اشكر دعواتك لاخويا... ربنا يحميكي ويحفظك... نورتيني

بنت القمر يقول...

راجي
=========
اشكرك يا راجي وتحياتي ليك

غير معرف يقول...

كده تبقى شيللو .. وهى ممتعة فعلا

تحياتى وتمنياتى بان تكون اوقاتك كلها سعيدة باذن الله