الثلاثاء، أغسطس 26، 2008

العثور علي غزالة خميس...عاجل انقذوها


عثرت بفضل الله علي غزاله التي انجبت السبعة توائم في مستشفي الشاطبي للنساء قسم الحالات الحرجه ثلاثه من اطفالها في حضانه المستشفي واربعه في مستشفي آخر حاله غزاله تعتبر حاله نادرة علي مستوي العالم
جمعت ما استطيع من مساعده لغزاله واتصلت بأخيها الذي اخبرني انها في المستشفي علي حساب المحافظه مجانا وكذلك الحضانات اما لبن الاطفال فتمد به احدي الجمعيات الخيريه الي الان
ولكن حاله غزاله الصحيه حرجه وتحتاج لجراحات في الرحم لرتقه وعمليه تجميل للبطن لشد الجلد المترهل لان الفتح الجراحي كان كبيرا لاخراج السبعه اطفال
غزاله كانت تحمل تسعه مات طفلان من الشهر الرابع واكملت الشهران بأعجوبه تحتاج لعلاج صحي لان المستشفي تمدها فقط بكبسولات الحديد كما ان المحافظه وعدتها بسكن لان بيتها في قريه عزبه سعد مركز حوش عيسي البحيرة بلا سقف مغطي فقط بجريد النخيل والزعف لا يحمي اطفال مبتسرين خصوصا مع هطول الشتاء
بنات غزاله الثلاثه يبيتون في الشتاء في بيت الخال القريب لانه ذو السقف الاسمنتي الوحيد!!
اما زوجها فهو فلاح اجير يوميته 15 جنيه لا تكفي لاعاله 10 اطفال وامهم كما ان احدي البنات الرضيعات مصابه بعيب خلقي في القلب وتحتاج رعايه خاصه.... لن احكي عن سوء حال المستشفي ولن احكي عن الجدران المتسخه ولن اصف الأسره الصدئه لن اصف الغرف التي تحوي اربع مريضات مع اسرهن_قسم حالات حرجه_!! في مساحه 4في 4 ليس مهما ان احداهن تعلقت بكتفي اثناء خروجي تطلب مساعده لابنها فهي مطلقه والولد يحتاج لجراحات في المخ يبدو انها ظنتني سأوزع مزيدا من المال
فقط سأقول اني عرفت ورأيت كيف ماتت بائعه الخبز وكيف تموت اخريات وكيف يعيش الفقراء في مصر..... وكيف ان معاناتنا نحن الميسورين ووكثرة اللغو فيها وعنها هو نوع من {المرقعه }الفاضيه تتلاشي اما زيارةاي مستشفي حكومي عام!!
ارجوكم مدوا يد العون لغزالة........ مستشفي الشاطبي للنساء قسم الجراحات الحرجه
رقم مفتاح اخو غزاله0128158040
فتحي اخو غزالة121244378 0
دفتر توفير للتبرعات لعلاج غزاله ورعايه اطفالها
بنك مصر فرع السلسله باسم /غزاله ابراهيم عوض خميس
رقم حساب التوفير1367_469330_____________ اقرأ هنا عنها

هناك 27 تعليقًا:

ِِAdem El-Mahdy يقول...

شفاها الله و عافاها

(احمد سكر ) يقول...

جزاكى الله كل الخير

وفكره جميله فكرة انك تحطى رقم الحساب

تحياتى

احمد سكر

محمد عبد الغفار يقول...

مجهود مزهل جعله الله فى ميزان حسنات فى اخرتنا واراكى خير نتيجه له فى الدنيا

afew good men يقول...

جعله الله في ميزان حسناتك ودمت بخير


كل عام وانتي بخير رمضان كريم

afew good men يقول...

جعله الله في ميزان حسناتك ودمت بخير


كل عام وانتي بخير رمضان كريم

الطائر الحزين يقول...

ولتسئلن يومئذ عن النعيم

وميض ابتسامة يقول...

الست غزالة ..تسلطت عليها الاضواء على استحياء لانها حالة فريدة من نوعها .. وبالرغم ان مثل هذه الحالات فى الدول المتقدمة تعنى مزيد من الرعاية والاهتمام من الدولة والتبرعات من الهيئات والافراد والاضواء فى كل مكان.... ولكنه الفقر ياعزيزتى والاستهانة بكل ما هو فقير .. وكأن هذه السيدة المسكينة قد أذنبت كونها احدى فقير ات مصر المحروسة...
جزاك الله كل خير ..ولنترك الباب مفتوحا امام اصحاب الخير والنخوة والشهامة ..وهم كثيرون

عاشــــــ النقاب ـقــــة"نونو" يقول...

السلام عليكم
صحيح من شاف بلوة غيره
ربنا يجازيكي خير حبيبتي
مبروك اللوك تاني
ومبروك الكتاب وعقبال ما تبقي عالمية
لسة ما اشترتش الكتاب دة بس حتما لازم اشتريه
علشان اعرف كتبتي ايه فيه
كل عام وانتم الى الرحمن اقرب
تحياتي

عدى النهار يقول...

ربنا يعافيها ويشفيها ويحفظ لها أولادها بخير ويبارك لها فيهم ويجازيكي خير لأنك سعيتي فى الوصول لها

ماينفعش الأسرة دي أو غيرها تعيش طول حياتها على معونات رغم ضرورتها. لازم يكون فى وسيلة لمساعدة المحتاج على الخروج من حلقة الفقر دي

نهر الحب يقول...

لا اله الا الله
سبحان الله حالات الفقر تنتشر بشدة فى بلدنا
مش عارفة اقول اية والله قلبى حزين جداا بسبب ما ارى واسمع
جزاك الله خيرر
وربنا يشفيها هى ومرضنا

شــــمـس الديـن يقول...

اولا ماشاء الله علي التغطية الجميلة جدا دي
و انت اهتميتي تعرفي اخبار عن واحدة مصرية اخت في الوطن


بجد انا مش عارفة اقوللك ايه
المشكلة ان مش غزالة بس ولا مستشفي الشاطبي بس لأ دي الرعاية الصحية في مصر كلها في ادني درجات السوء


هي ايه هي الادوية اللي غزالة محتاجاها بالظبط علشان نجدولها و نحاول نجمع لها المبلغ المعين لتمن العلاج ؟

مش عارفة و الله الواحد يقدر يعمل ايه و خاصة انها مش في نفس المحافظة

لك الله يا غزالة و يا كل حد يمرض في البلد دي و ميكونش معاه تمن العلاج

بنوتة يقول...

اولا احب اشكرك جدا جدا على انك اهتميتي بأنك تسعدي و تساعدي حد و بجد بهنيكي و اقوللك في ناس كتير زي غزالة و انا مبسوطة انك ساعدتيها و اكيد هي كمان مبسوطة

بنت القمر يقول...

ادم المهدي
=========
امين
:
:
:
احمد سكر
=======
شكرا الرقم والتليفونات موجودين
:
:
:
محمد عبد الغفار
===============
اللهم امين
:
:
:
فيو جود مين
=========
امين... وحضرتك بالصحه والسلامه

بنت القمر يقول...

الطائر الحزين
============
كل سنه وانت طيب
:
:
:
وميض ابتسامه
============
الباب مفتوح علي مصراعيه هل من مجيب
صديقه بحكيلها قالت لي تلاقي جالها تبرعات بالهبل!!
والهبل ده هو مجرد 5 الالاف جنيه من المحافظ متكفيش اجرة العمليه غير حق اللبن غير البيت وسقفه وغير رعايه للاطفال وغير تمن اللبن وغير وغير
المشكله ان كل واحد فاكر غيره ها يسد عنه!!
وفي الاخر كلنا ها نسيبها:(
اشكرك

بنت القمر يقول...

نونو
========
اشكرك
كل سنه وانتي بالصحه والسلامه
واشكر دعواتك وجوزك واسرتك بخير
شاركت بقصه قصيره اسمها رحيل السيد ميم
تلاقيها في شهر ابريل السنه دي في الارشيف يا رب تعجبك

بنت القمر يقول...

عدي النهار
=============
تالبديل انه الدوله ترفع مستوي التأمين الصحي والعلاجي ومستشفيات القطاع العام والمنظومه كلها تتغير وده صعب المتاح دلوقت لغزاله
مد يد العون اعطاءها قشه عشان متغرقش
تعمل عمليه التجميل عشان تقدر تخدم الجيش ده وبيت بسقف عشان ما يموتوش
تخيل يا عزيزي مدحت ان ده بس هو المطلوب!!
اقل القليل لحياه ادميه كل سنه وانت طيب

بنت القمر يقول...

نهر الحب
============
اشكرك وربنا يتقبل دعواتك
:
:
:
شمس الدين
=========
رقم تليفون اخواتها موجود فيه المطلوب تحديدا وكذلك حساب البنك وربنا يقدرك علي فعل الخير
:
:
:
بنوته
========
اشكرك يا جميله وكل سنه وانتي بالصحه والسلامه

يا مراكبي يقول...

ربنا يباركلك

ياترى هي هتقدر تقوم وتروح البنك وتسحب فلوس من حسابها؟ ممكن تساعدينا برقم حساب أخوها أحسن؟

معلش هنتقل عليكي

محمد الكومي يقول...

ربنا يجعله في ميزان حسناتك

بنت القمر يقول...

يا مراكبي
===========
دي ناس ضايعه ومحدش عنده حساب ولا بطيخ
هما عملوا الحساب لها لجمع التبرعات
وعموما هي ها تروح تسحب عشان العمليه
ارقام التليفونات موجوده لاي استسفار عشان ما اعكش الدنيا
ابعت لو تحب علي حسابها وهي ممكن تعمل توكيل للي تحبه من اهلها

بنت القمر يقول...

محمد الكومي
=====
شكرا

عدى النهار يقول...

فكرة جت على بالي تتلخص فى تكوين مجموعة عمل لمساعدة غزالة. دورها يتلخص فى محاولة الوصول لأطباء يعالجوها مجاناً وأصحاب أعمال يوفروا وظيفة لزوجها وشركات تقدم لها شقة مجاناً ولو من باب الدعاية

مؤكد فى ناس كتير على النت لهم صلة قوية أو ضعيفة بكل الأطراف اللي ممكن تساعد

عمرو (مواطن مصرى) يقول...

هل وضع مبلغ فى حسابها فى أى فرع لبنك مصر بأى مدينة مصرية؟ أم شرط بالفرع المذكور؟؟

وشكرا على الإفادة

تحياتى

بنت القمر يقول...

مواطن مصري
==========
في اي فرع بنك مصر... او اي بنك اخر الي فرع بنك مصر فرع السلسه
يعني الايداع في اي بنك مش لازم فرع السلسه
والتحويل الي فرع السلسه

عمرو (مواطن مصرى) يقول...

بنت القمر

شكرا على التوضيح..

غاية شكرى وإحترامى

Yara S يقول...

هل الارقام دي لسه شغالة من فضلك؟ او في اي طريقة اوصل للست غزالة؟ تليفون او عنوان؟ ضروري!

بنت القمر يقول...

0127672160
ده رقم غزاله الحالي@يارة اس