الجمعة، يوليو 18، 2008

! لست وحدك

هل تشعر بالنفور من النساء البدينات.... او النحيفات ووجود حاجز نفسي بينك وبينهن..... لست وحدك
هل تشعرين بالنفور من الرجال جميعا ذوي البطون المدلاه_الكرش- او ذو الصلع ... لست وحدك
هل تشعر بشعور سيئ تجاه كل النساء اللاتي يمرون في حي في حياتك وقد كانت اسمائهن غادة او مني... لست وحدك
هل تشعرين بالضيق من كل الرجال اللاتي يمرون في حياتك واسمائهم احمد او طارق.. لست وحدك
هل تشعر بنفور غير مبرر من جيرانك و وزهد في معرفتهم في اي سكن... لست وحدك
هل تشعرين بعدم الرغبه في اي علاقه مع زملاء العمل ... وان تبقي العلاقه في حدود العمل... لست وحدك
هل تشعر بالنفور من ابناء منطقه او محافظه معينه لمجرد انتمائهم لتلك المحافظه ... لست وحدك
هل تميل الي والاعجاب واحترام بابناء مهنه محددة او من النفور منهم... لست وحدك
هل تشعر بالاعجاب عند مرورك امام بعض السياح امامك... رغم انك لا تعرفهم ولا تعرف الي اي الدول ينتموا لكن هو شعور مزيج من الاعجاب والرغبه في التواصل والحسد.... لست وحدك
هل تشعري بالنفور عند مرور فوج من السياح ويدفعك الي تذكر ابو غريب او جوانتانامو او ميل الي وصمهم بالانحلال... لست وحدك
هل تحس بالتعالي امام اهل النوبه والسودان... وينتابك شعور بانهم لا يعدو ان يكونوا مجرد خدم... لست وحدك
هل تشعر بان الصينين او اليابانيين ربما اناس بلا مشاعر او احساس ... الالات انسانيه مخلوقه للعمل والانتاج... لست وحدك
لست وحدك.... مجرد ميل للتصنيف والتنميط واستدعاء الصورة العقليه الجاهزة التي تعددت اسبابها ومحدداتها
لكن من فضلك راجع صورتك العقليه

هناك 27 تعليقًا:

صباح الخير يا مصر يقول...

بنت القمر
************
نعم عقولنا دائما ما تكون جاهزه لتنميط الاشخاص و الجنسيات
ولكن هل هذا التنميط صحيح ؟؟1....بالطبع يجب مراجعته و يجب ان يكون هذا التنميط بدايه لاكتشاف الحقيقه... ووليس قرارا لتحديد اسلوب التعامل

تحياتى

جبهة التهييس الشعبية يقول...

انا ما عنديش اي حاجة من دي

بس باشعر بالنفور من المنايفة
واللي بيشربوا خمرة

وميض ابتسامة يقول...

الحقيقة انك لست وحدك
ولكن ما أنفر منه قد لاتنفرين منه .. والعكس صحيح

فالسيدات البدينات مثلا خفيفات الظل ..ولكنهن للاسف بدينات
واصحاب الكروش .. منظرهم صعب جدا .. ومؤسف فى نفس الوقت
وعدم وجود علاقات صداقة فى العمل أومع الجيران هى آفة من آفات العصر
المهم احنا مش مختلفين
وكلامك فيه عمق واقعى .... ويدل على عين ناقدة وراصدة
والسلام

عروس البحر يقول...

هل تشعر بغلاء اللحمة.... لست وحدك
هل تشعر بفساد الادارة .. لست وحدك
تحياتي

محمد حمدي يقول...

رائع موضوعك .. بجد جميل وغير مطروق

ياريت نظرة على مدونتى

تحياتى

Desert cat يقول...

العزيزة بنت القمر
يوم الاحد الموافق 20/7/2008 يتم اذاعة بوست للمدونة طهقانة وأيضاً إذاعه كومنت لحضرتك على البوست
فى البرنامج الاذاعى
انت تسال والكمبيوتر يجيب
الذى يذاع يوميا الساعه 9.10 صباحا على اذاعه البرنامج العام ما عدا يوم الجمعه

عين فى الجنة يقول...

طبعا كلنا فطرنا على تخزين الخبرات التى تمر بنا فى المخ فى خانات بحيث كل خانة لها سمة او صفة تميزها ، مثل رائحة معينة او صوت او لون او الم او لذة
وعندما تستقبل حواسنا هذه الرائحة المميزة او نسمع ذلك الصوت او نشعر بهذا الالم يستدعى المخ الذكريات المخزنةفى الخانة الخاصة بها فى المخ والمرتبطة بالرائحة او الصوت
وهكذا فاننا لو مر فى حياتنا شخص بدين مثلا وخفيف الظل فى نفس الوقت نميل الى تعميم ذلك الربط بين البدانة وخفة الظل
والانسان الغافل هو الذى يترك دماغة تصنف وتنمط الخبرات بمعرفتها ويكون دوره فقط هو الانفعال طبقا لذلك
والانسان الذكى الموهوب صاحب القدرة على تحليل خبراته ومشاعره تجاهها يستطيع الافلات من دمغ كل شيء بالاستريوتايب
ملاحظة ذكية ولكى التحية

Hypatia يقول...

ههههههه
انا مش بحب الرجاله الغير رياضيين شكلهم بيضايقني
ومش بحب الشقر اووى برضه
ولا المنايفه
ولا الشواذ
ولا الخلايجه
ولا الطوال اوى وده بسبب نقص عندي طبعا لانى قصيره
مممممم
انا بانفر من حاجات كتير للاسف انا مش عارفه اتخلص من شوفنيتي ديه
اولع فى نفسي ولا ايه

Hypatia يقول...

البوست ده حلو اوى يا موون على فكره
:))

ذو النون المصري يقول...

فعلا الكثير جدا من معتقداتنا و مواقفنا يحتاج للتغيير
لكن بالنسبه لي مع السودانيين فهم اقرب العرب الي قلبي و اشعر معهم باننا من وطن واحد و لنا مصير مشترك اكثر مما بيننا و بين باقي البلاد العربيه

bastokka طهقانة يقول...

هل تشعر بالضيق و القرف و العبط؟؟؟
اذا فانت انسان معقد تحتاج الى جلسات نفسية لتصفي زهنك و قلبك من التفرقة الشكلية و تتعود ان تعامل الناس كعقول و قلوب و ليس كاصنام منحوتة بشكل مثالي

مقال يغيظ يا بنوتة فعلا في ناس كده تقعد تتنك عليكي و تقولك بحب ده و مبحبش ده و هم بالبلا الازرق
ههههه
ازيك بقى عاملة اية؟
اوروفوار

... يقول...

متهيألي عمري ما وقعت تحت هوس التنميط دة
لكن
تصرفات البشر هي التي تجعلني أضعهم - بداخل عقلي - في كاتيجوريز ههههه
يعني مثلا دول صادقين ودول صادقين الا ربع
دول فشارين ودول فشارين ونص
باصنف سلوكيات وباحتفظ بدة لنفسي
بس أكيد بينعكس علي ردود فعلي معاهم
هيييه
دنيا

بنت القمر يقول...

صباح الخير
========
طبعا التنميط غير صحيح لكن هكذا تجري الامور يا عزيزي
المهم ان لا نسقط تحت سطوته وان تكون تصرفاتنا ومنهج تعاملنا خامه بيضاء في كل تعامل جديد
نورتني

بنت القمر يقول...

جبهه التهييس
============ هو تقريبا المنايفة عليهم ضغط جامد اوي اليومين دول
:))
ومن فتره كمان
وده مش عدل بالنسبه ليهم
ان تكرهيهم لانهم احتكروا مناصب الدوله...او لانهم بيحبوا مصلحتهم النظر الي مجموعه من الناس ككتله مصمته وناخدهم شروة علي بعضهم
فيه كثير من الظلم... وان كنت انا ايضا اقع فيه يا عزيزيتي
منورة

بنت القمر يقول...

وميض ابتسامه
==============
بس انا اعرف تخان ودمهم تقيل ويلطش كمان
:)))
شفت بقا
مصيبه مش كده هذه ثالثه الاثافي
تخان وبكرش ومهم تقيل
:)))
نورتني

بنت القمر يقول...

عروس البحر
==========
نورتيني يا اموره
:))))))))))))))))))
:)))))))))))))))))))
طبعا لست وحدي!! وبغلاء العيش كمان
تحياتي

بنت القمر يقول...

Mohamed Hamdy
================
اشكرك يا عزيزي
تم وضع مدونتك علي الريدر واعدك بالتعليق في اقرب وقت
نورتني

بنت القمر يقول...

قطه الصحراء
================
ميرسي يا حنان
اكيد ها اسمعه.... بس اصحي بدري
:))
بجد شكرا

بنت القمر يقول...

راجي
==========
طب تصدق انا اعرف ناس تخينه ودمهم تقيل
:)))
ورفيعين وقلبهم ابيض!!
وعديد من الصفات اللي ممكن متكونش مرتبطه ببعض
فاكر مسلسل اوشين
كان ضربه لميلنا للتصنيف... الدراما الصينيه وممكن حضرتك تتابعها اليومين دول علي الفضائيات فشر الدراما الهنديه!!
مما ينسف فكرة ان الصينين دول ولاد لذينه حمير شغل وبس وكل بني ادم فيهم ماسك مفك وترانزسوستر تحد مخدته ونايم عليهم
:)))
اشكرك يا عزيزي
وتحياتي

بنت القمر يقول...

Nsreen Bsunee
===============
يعني انت نص الرجاله مش عاجيبنك
:))))))))))))
لا حول الله.... طلبك برضه عندي
يعني مش طويل اوي ومش اشقر
وعلي خده اليمين حسنه
لا خير خير خير
ان شاء الله سهل
انتي بس حضري لي عين كتكوت حمرا ورجل غراب يتيم وركبه ضفدعه عمرها شهرين
:)))))))))
وكله ها يبقا تمام
نورتيني يا نوسي

بنت القمر يقول...

طهقانه
===========
تعليقك شا في كافي يا عزيزيتي
نورتيني

هشام علاء يقول...

عزيزتى

موضوعك جميل و لم يتطرق له احد من قبل على الاقل بهذا الاسلوب و العرض اجميل و المركز فى نفس الوقت

و هذه النظرة النمطية التى ننظرها لبعض الناس هى فى اعتقادى رد فعل لا ارادى بسبب خبرات سابقة سيئة او مشاعر و ذكريات مزروعة فى العقل الباطن و اللاوعى تدفعنا لاتخاذ مواقف ثابتة و مسبقة ضد انماط من البشر بسبب الشكل او الاسم او الدين او العرق او غيرها من السمات

و غالبا ما يكون هذا الانطباع او الشعور غير صحيح لانه لم ينتج عن احتكاك فعلى و لكنه مجرد ارتباط شرطى سىء مع متغير ما

هناك من يستطيعون اختراق هذا الحاجز النفسى بارادتهم اوعندما تجبرهم الظروف فيكتشفوا ان ارائهم السابقة كانت خاطئة

و هناك من يعيشون و يموتونم ع بل و يورثون هذه الخبرات السلبية و المشاعر السيئة

و هذا كله اعتقد انه يتركز حول عدم نضجنا فى مسألة مهمة جدا و هى مسألة تقبل الاخر و التعايش معه مهما كان هذا الاخر

و لكن موضوع الاخر ده موضوع عايز له بوست تانى مش تعليق

تحياتى على البوست و عذرا للاطالة

هش

Unknown يقول...

على فكرة كل الى قلتيه ده انا ما بحسش بيه
يعنى انا لوحدى باه و لا مش لوحدى ؟

بنت القمر يقول...

بثينه
=========
التنميط علي السلوك ده طبيعي ومنطقي لانه بيخدع لشيئ ملموس هو تجربتك وانطباعك الاصيل وكل حالهخ بتكون لها حكم منفرد اللي بتكلم عنه هنا هو القياس يعني واحد قارفك اسمه علي يبقا كل العلي الاخرين كده
مريتي بتجربه مش حلوة مع شخص من محافظه معينه يبقا كلهم كده
وده مش منطقي
لانه بتاخدي الناس ككتله مصمته وبيكون في ظلم ليهم
بس حلوة حكايه كاتيجوريز دي:))
نورتي

بنت القمر يقول...

هشام
==
نورتني يا سكندري تعليقك دسم جدا ولكن مردتش انت مش بتقع في التنميط ده ولا لا؟؟
:)
او مثلا بيتمارس ضدك احيانا؟؟!!
عموما
انت قلت
و هذا كله اعتقد انه يتركز حول عدم نضجنا فى مسألة مهمة جدا و هى مسألة تقبل الاخر و التعايش معه مهما كان هذا الاخر
انتظر كتابتك انت عن تقبل الاخر نورتني

بنت القمر يقول...

عاليا حليم
========
ما قلنا انتي ملاك التدوين
:))
ها تعملي الغلطات الوشه بتاعتنا دي ازاي
منوراني يا لولو
تحياتي

دعوة الفردوس يقول...

لم يعد الأمر كذلك بالنسبة لي
قبل ذلك كثيرا ما كنت انفر أو أحب بلا مبررات واضحة فلم يكن الأمر يتعدى حد الهواجس النفسية ولكن الآن ولله الحمد أصبح الأمر يرتبط كثيرا بالدين
فأصبحت أنفر ممن يجاهرون بالمعاصي وممن يفعلون بعض المعاصي الى أن يتوب الله عليهم

أعلم أنا جميعنا عاص
ولكن هناك بعض المعاصي تسبب لي النفور الشديد ممن يفعلها
كالشذوذ
و شرب الخمر
والربا
والنفاق

ولكن ما يرتبط بالأماكن و الجنسيات لا يؤثر في كثيرا

و أشعر بأن ماهديت له أخيرا هو ما يسعدني في الدنيا والاخره
الأمر فقط يحتاج الى بعض التدريب للنفس وترويضها على الحب في الله والبغض في الله
وعلى الأقل القبول و عدم النفور بلا داعي
لأجل الدين فذاك هو المبرر الوحيد المقبول