الاثنين، أغسطس 04، 2008

:)the exorcist_ طرد الارواح الشريره الامريكيه

تم التنويه عن الفيلم ده في الام بي سي فور من شهور وصفوا الفيلم بانه الاكثر رعبا في تاريخ السينما الامريكيه علي الاطلاق انتاج 1973وان ممثلته تلقت علاج نفسي مكثف بعد الفيلم وكانت اشهر وجه في السينما وقتها وخضعت لتدريبات مكثفه الفيلم
المهم يوم الجمعه الفيلم اتعرض علي الاو تي في حفظهم الله جايبين لنا الحلو كله:))
الفيلم مبني علي روايه لوليم بيتر بلاتي تحكي عن فتاه امريكيه تتقمصها روح شريرة[the devil him self] ورحله معاناه والدتها الممثله المشهورة لعلاجها, الفتاه تتحول الي ملامح قبيحه جدا ويتغير صوتها وتتحدث بلغات غريبه لا تجيدها اصلا{ اللاتينيه} وكل الظواهر التي نعرفها في شرقنا السعيد [انها لابسها جن واو عليها مس... الفيلم بدأ بإيييييه بالآذان اه والله
الاب فاذر ميرن يذهب الي العراق_بدايه الفيلم_ لبينقب علي الاثار ويحصل علي تعويذه تحت احد الآثاريشبه شكل الشيطان بس ليه اجنحه طبعا المخرج جايب أن العراق كلها صحراء جرداء وشويه غنم هنا وهناك ورجال يرتدون الجلاليب البيضاء والخناجر في وسطهم... ومفيش حجر فوق حجر يدل علي اي حضارة في بلاد الحضارات.. لاحظو الفيلم انتاج 73 والعراق في عز عزها وعايمه في البترول!!ا
و المهم ميرن يعود الي جورج تاون وتبدأ قصه الفيلم طبعا انتقال الصورة صدمه الي بلاد الكباري وناطحات السحاب ومظاهرات العمال والسينما ما علينا ما احنا خدنا علي كده :))المهم تبدا التحولات للفتاه ذات الملامح الملائكيه و تتفوه بكلمات بذيئه وترتفع الي اعلي وتأتي بحركات بهلوانيه وهات يا سوائل خضرا ودماء تخرج من فم الفتاه واخر صيحات الرعب السينمائي الامريكي المرتبط بتلك الفتره
وتشك الام في ارتكاب الفتاه جريمه قتل المهم تلجأ الي الاب ميرن والاب الدومينيكاني ديميان لاخراج الروح الشريره من الفتاه الاب ديميان لازم يقدم طلب للكنيسه{ حتي العلاج بطلب} والاباء يشوفوا هل يوافقوا ل علي منحه اذن باخراج الروح من البنت او الشيطان المهم يشترك الاب ميرن اللي كان اول الفيلم في العراق مع الاب ديميان وزي الشيوخ ما بيعالجوا الممسوسين عندنا نفس التكنيك مع اختلاف المفردات الدينيه,الاباء ميرن وديميان يرشوا البنت بالماء المقدس وهي تصرخ لان الماء يحرق الشيطان بداخلها واخرج بقوة الصليب اخرج بقوة الصليب اخضع الي الرب ,ويرسموا صليب علي البنت التي تحولت الي ملامح مرعبه وبعد جلسات مرهقه وطويله يخرج منها الشيطان وتعود الي ملامحها الاولي بعد ان تقتل الاب ميرن والاي ديميان اللذان عالجاها طبعا مش عارفه ليه يعني المخرج اختار ان العلم اتهزم في مواجهة الايمان والايمان ورجال الدين هم اللذين نجحوا في علاج الفتاه اذن لماذا ينتصر الشيطان علي رجال الدين..؟ صحيح هو رحل من جسد الفتاة لكن بعد أن قتلهم يعني الشيطان انتصر علي الجميع
المهم ايه بقا الفيلم يخلص علي رحيل الفتاه الجميله مع امها من المدينه وفي الخلفيه الآذان بتاعنا ايه العلاقه الله اعلم؟؟ رغم انهم في جورج تاون هل انتصار للدين عي العلم ام انه انتصار للشيطان علي رجل الدين حيث يقتل الشيطان رجلي الدين في الفيلم اسئله لم اعرف اجابتها مع جزء غير قليل من العنصريه البغيضه وربط الشرق الذي يمثله العراق_ بالشرور والجهل و والشيطان نفسه:((
ممكن تشوفوا اجزاء من الفيلم هنا و وهنا وحاولوا تشوفوا اعادته علي الاوتي في

هناك 40 تعليقًا:

•√أريـ السمر ـج√• يقول...

انا بسلم بس لاني لا يمكن اشوف فيلم رعب حصلت لى مرة و ظلت اشباحه تطارد احلامي سنوات و لم اكررها ابدا


دمتي بكل الخير

... يقول...

لا لا بجد زعلانة جدا
طيب نوهي قبل ما يتعرض
انت عارفة دة أنا باموت في الحاجات دي
بس ما تدوريش علي إجابات بأة لأن الموضوع مش بس عنصرية .. لا دة جهل كمان
جهل منهم بينا واستسهال عرض الفكرة السائدة عنا بدون دراسة
وجهل منا بأنفسنا
لأن أحب أقوللك فيه كتير أوي عايشين قصص اللبس دي لغاية دلوقت

هي الإعادة امتي

غير معرف يقول...

نقل وسرد وتعليقات على الفيلم ممتازة

غير معرف يقول...

على فكرة مش كل الناس عندها العنصرية دى حتى فى الغرب ..

فى فيلم جميل جدا اسمه بابل .. مش عارف ممكن تكونى شفتيه أو لأ .. هتلاقى إن المخرج المكسيكى بيقدم العقلية الاميريكية الحديثة بعبلها .. بغرورها وغباءها وسوء تقديرها للعالم حواليها بمنتهى الوضوح ..

الغريب ان هذا الفيلم انتشر فى أمريكا .. بس هم مش بياخدوا المواضيع بحساسية جامدة زينا .. بيوجهوا الحقيقة
ويحاولوا يعالجوها

خمسة فضفضة يقول...

السلام عليكم ورحمة الله وبركاته

عادي جدا اتعودنا علي كده خلاص ، اي فيلم عن الشرق لازم يظهرونا فيه متخلفين وبنركب جمال وبنمشي حافيين

طيب شوفي اي فيلم بيتكلم عن مصر و شوفي بيبقوا عرضينها ازاي
وخصوصا الافلام اللي في الاربعينيات مثلا انجليش باشنت عارضين الشوارع ولا اكننا ايام العثمانيين مع ان القاهره في الاربعينيات والخمسينيات كانت شبه اوروبا والشوارع انضف من الصيني بعد غسيله

وافتكر فيلم تاني بيدور برضو في نفسه الفتره عن بعثة تنقيب عن الآثار وفمشهد داخل مطعم كانوا جايبين دبانه وتقريبا رشينها بشوية بيروسول عشان يدوخوها ويقدروا يصوروها بالقرب ده والله المشهد فضل بتاع 2 او 3 دقايق مركزين علي الدبانه

مش عارفه دي عنصريه ولا اضطهاد ولا عقدة نقص


سلام

Ahmed Kamal يقول...

القصة دي أنا حاولت أقراها قبل كده زمان ، و نفسيتي إتأثرت بها و ماكملتهاش ، و في سن معين كنت بحب الأفلام من النوعية دي ، لحد ما حفظت المفردات بتاعتها ، و بقيت أحس إنها كليشيهات ما بين الرعب اللامرئي و الرعب المعوي و رعب الغفلة و هكذا .

النهارده مافيش حاجة بترعبني زي الأطفال الصغيرين .

وميض ابتسامة يقول...

انا شفت الفيلم من مرحلة متأخرة وقبل استعانة الام بالاب ميرن الطبيب النفسى والقس فى نفس الوقت ..

ولكن يبدوا ان مافاتنى هو لب الموضوع .. يعنى مفيش فايدة فى العالم المفترية دى .
للاسف ح ننتظر ايه من شعب بدون تاريخ أو جضارة ح ننتظر منه ايه يعنى ..جهل ومزيد من الجهل بحضارةالعرب الحالية وتاريخهم العريق أو يمكن ده نوع من التجاهل وألاستعلاء ودى للاسف الطامة الكبرى..

ماعلينا الفيلم وبصرف النظر عن الجزء الاول فيه وما تمثله من عنصرية بصراحة من اشد افلام الرعب اللى انا شفتها .. رعبا

ولكن الجزء غير القليل من العنصريه البغيضه وربط الشرق الذي يمثله العراق_ بالشرور والجهل والشيطان نفسه ده منتهى الجهل والغرور والغباء من القائمين على الفيلم نفسه حتى يحصل الفيلم على علامات الاستهجان والقرف من الاخوة العرب

تحياتى وآسف للاطالة

HANY YASSIN يقول...

شكراً لك على تقديمك للفيلم
وانا شفته وكنت مستمتع
الافلام الامريكية في حاجة جميلة تخلي الواحد يتشد ويشوف الفيلم كله
حاجة معمولة حلو
تحياتى
هاني يس

اسكندراني اوي يقول...

هيا ناقصه فجعه مش كفايه اللي بنشوفه في الشغل وكمان في الشارع
ههههههههههههههههههههه

سلام وتحيه لكي وللاسره

Layla يقول...

فكرة العنصرية في سلسلة افلام
exorcist
متأصلة واحد اركان الفيلم الرئيسية..حتى في اخر فيلم
exorcist the beginning
كانت بتدور احداثه في افريقيا وان فيها بيت الشيطان او معبده
وطبعا مانسيوش يحطوا حتة في اول الفيلم عن العرب بنفس المناظر اللي قلتي عليها لكن المرة دي كانت في مصر بدل العراق

الفيلم الاخير كان مرعب اكتر بكتير من الاول..التكنولوجيا بتفرق اوي في الافلام دي
:)))

بنت القمر يقول...

اريج السمر
============
وانا كمان بخاف.... بس برجع اشوف تاني
الله يسلمك:))))
:
:
:
بثينه
=========
والله يا قلبي ما اعرف انك ليكي فيه
خلاص لو عرفت معاد اعادته ها اقولك بس سمعت انه فيه برنامج اسمه شار بينزل الفيلك كامل علي الجهاز
لو عرفتي نزليه فيلم كوبس
اما حكايه الجهل مش عارفه بس اعتقد هنا ان سوء الظن هنا من حسن الفطن
منورة

بنت القمر يقول...

ميرسي ديفل
===========
اشكرك بس يا ريت تشرف او تشرفي تاني بالاكاونت بتاعك
:
:
:
شريف
======
في فرق يا شريف انك تنتقد عقليه وطريقه تفكير وده شيئ نسبي جدا جدا
لانه واحد تاني ممكن يردو يقولك لا العقليه الامريكيه دي زي الفل لانهم ببساطه سايقين العالم دلوقت
يعني وجهات نظر
وفي فرق انك... تفتأت علي الحقيقه وتقول ان العراق بدو وغنم وما فيهاش غير صحرا.. واللي هي عاصمه الخلافه وبلد القصور والثقافه وفي عزها سنه تلاته وسبعين
كدة يبقا شيئ من اتنين يا جهل يا كره والاتنين اسوأمن بعض
منورني

بنت القمر يقول...

فضفضه
========= كلامك سليم تماما علي الرغم ان الفيلم فيه شد واثارة الا انه بعيدا عن نقطه العنصريه الرساله فيه مبهمه وغير مفهومه ان الشيطان رحل بعد ما قتل رجال الدين
عموما اكيد او تي في ها تعيده
ابقي شوفيه
منورة
:
:
:
: احمد كمال
=============
انا بخاف جدا رغم كده مش بقدر اقاوم واشوف واحيانا بكتم الصوت رغم اني عارفه ان مجرد تمثيل ورغم اني شفت الماكينج بتاع الفيلم ده وعارفة ان البنت ممثله ويخير وبقت كمان في الاربعين دلوقت:))
منور

بنت القمر يقول...

وميض ابتسامه
=================
طول براحتك المدونه مدونتك
شفت الفيلم؟؟ مرعب صح؟؟
ورغم اني شفت التنوريه عنه من شهور بس خفت برضه؟؟
ولا الواحد اعصابه مش مستحمله!!
عموما ها يتعاد تاني اكيد وممكن تنزله من اليوتيوب برنامج شير ينزل داون لود كامل وتشوفه من اوله
منورني
:
:
:
:
هاني يس
==========
اه انا كمان استمتعت وخفت..... واستفزيت!!
منورني واشكرك

بنت القمر يقول...

اسندراني
==================
ربنا ما يجيب فجعه:)))
اجازة سعيده يا رب
:
:
:
:
مارفيل
=========
والله ما كنت اعرف انهم سلسله!!
بجد جديده دي عليا
انا مجرد شفت التنويه علي الام بي سي من شهور وشفت الفيلم كاملا يوم الجمعه
طب ها ادور علي بقيه الاجزاء وانزلها
العنصريه جزء اساس والواحد لو جابوا فيلم كويس عننا ها يندهش!!
او علي الاقل حيادي
بس غير كل ده نهايته مبهمه ومش مفهومه ان الشيطان هو اللي انتصر في النهايه صحيح انه رحل عن جسد الفتاه لكن انتصر طب ليه متفهمش وايه علاقه الادان متفهمش
عموما منورني

صباح الصباح يقول...

متهيالى نفس الفكرة دى متاخدة من كتاب انيس منصور .. ارواح واشباح.. انا ياحي الرعب اوى بس حاسس ان الموضوع بقة كلة زى بعضة ويمكن اخر فيلم علق معايا كان the omen نسخة 2006 بجد كان رائع وؤعب بفن عالى..
مدونة جميلة جميلة..

bastokka طهقانة يقول...

لو حيزيعوه تاني ابقى قوليلي علشان اشوفه
باين عليه فيلم جامد

اوروفوار

حـنــّا السكران يقول...

أنا شفت الفيلم طبعا من زمان و بعدين شفته بالنسخ جديدة كلها ..و أول مرة بشوفه استغربت جدا بدايته متل ما انت ذكرتي تماما ..و سألت نفس أسئلتك ..و السلسلة كلها فيها تلميحات عنصرية غير مبررة ..
يبقى انه الفيلم من العلامات الفارقة في سينما الرعب فعلا ..
أما فيلم بابل اللي أشار إليه الأخ شريف .. أنا بصراحة ما عجبني أبدا ..مع انه متعوب عليه جدا و نال عدة جوائز .

عاشــــــ النقاب ـقــــة"نونو" يقول...

هههههههههههههه
عادي عادي ما تاخديش في بالك ما العرب من مملكة الرمال اما العرب نفسهم بيقولوا على نفسهم كدة وبيوكسوا في روحهم عاوزة الغرب يمجدهم
عادي عادي

Mercy Devil يقول...

الشرف لى ... لكنى لست شيطانا

Unknown يقول...

الفيلم رائع جدا
و بالنسبة للاذان فأعتقد ان ده جهل و عنصرية انما خلاصة الفيلم ان الاديان هي الي تقدر تقف قدام الشيطان ووساوسه و اغراءاته بدليل الصراعات الطويلة بين المؤمنين ايا كانت ديانتهم و الشيطان ..هي دي خلاصة الفيلم
اعتقد ان الموضوع من غير عنصرية او سخرية .

يا مراكبي يقول...

ما بلاش السيرة دي هنا للمدونة تبقى مسكونة ولا حاجة .. أشتاتا أشتوت

أسماء علي يقول...

أولا لازم نتفق مع بعض

قبل اي فيلم رعب ابعتيلي مرسال اصلي مدمنة اقلام رعب ..

...
لو بتدوري على موضوع العنصرية

هي مش عنصرية اد ماهو عيب مننا في جزء و جهل منهم في جزء

احنا مش بنعرف ببلادنا كويس

ده حتى اعلانات السياحة بتطلع في مصر الاهرامات ومعاهم كام جمل كده على ماقُسم ..

و هما مش بيدرسوا القصة كويس قبل مايعملوها ..

وكمان الأجانب عندهم عشق للجو بتاع الف ليلة وليلة وبيحبوا يطلعونا كده عشان يكمل جو الغموض ..

دايما اتفرجي و استمتعي بالفيلم على انه اخراج وتمثيل في حاجات الرعب ..


...

الفيلم الجاي ماتنسيش المرساااال

Darweshe يقول...

thank you for your awsome information ,
and have a nice posts with your cuty blog .
BR,

blackcairorose يقول...

أزيك بنت القمر وان شاء الله تكون أخبارك كلها عال

كتبتى بوستات كتيرة تستحق التعليق وقبلها التفكير، بش ادينى شوية وقت قبل ما اركز كده!

افلام الرعب كانت هوايتى زمان ولكن لا ادرى لماذا لم اعد احب مشاهدتها الان وكلما تقدم بى السن؟ مثلها مثل الملاهى كنت من عشاق العابها والمراجيح الخ ولكنها الان ايضا تصيبنى بالصداع ولا افكر لثانية فى ركوب أى من العابها

اكنشى كبرت ولا ايه؟؟!!!

وخالص الود

بنت القمر يقول...

صباح الصباح
==========
الفيلم مقتبس عن روايه حطيت لينكها علي الويكيبديا يمكن القراءه عنها
اشكر مرورك تحياتي
:
:
:
طهقانه
==========
تؤمري
منورة

بنت القمر يقول...

حنا السكران
============
متعوب عليه!! ولكن انا شفت انه مجرد جرعه ابهار جامده جدا بمقاييس الصناعه السينمائيه الامريكيه ليس اكثر ولكن حتي المخرج فكرته الاخيرة غير محدده وقد لا تعني غير انتصار الشيطان في النهايه
ودي قد تكون فكرة مريحه بالنسبه لي
نورتني
:
:
: نونو
=========
علي رأيك:))
نورتيني

بنت القمر يقول...

ميرسي ديفل
===============
ماشي
:
:
:
:
دبفنشي
=========
امال ليه القساوسه ماتوا في الاخر!!!
يبقا مين اللي انتصر؟؟
نورتني

بنت القمر يقول...

يا مراكبي
==========
البوست دخل الدرافت تلاتين مرة
وكل ما انشره ينزل نصه!!
واللينكات تسيح علي بعض!!
والله العظيم... وبعدها مليش اي نفس اكتب حاجه... والله بوست منحوس:))
نورتني:
:
:

اسماء علي
=============
علي رايك
انا حاسه اني ها انزل الاقي تحت البيت جمل:))))))
بخصوص المرسال... تؤمري بس ابعته علي فين؟؟!
نورتيني

بنت القمر يقول...

Darweshe
===============
ميرسي ليك نورت المدونه
ك
:
:
:
بلاك كايرو روز
================= كفاااااااره
رجعتي من الاسكيمو:)))
نورتي مكانك
يلا احكي لنا بقا عملتي ليه في الاجازة
وطمنينا علي احوالك
انا ما بحبش الرعب
بس الفضول ...... داء لا شفاء منه قلت اشوف اللي بيحكوا ويتحاكوا عليه
ده ايه
خالص الود ليكي انتي
نورتي مكانك اللي معرفهوش
:))

Abd-Alrahman يقول...

الصراحة الفيلم كويس اوي
شكرا علي معلوماتك
وعلي تدوينتك الجميلة
ربنا معاكي
علي فكرة مدونتك كمان جميلة

ربنا معاكي

تحياتي

LAMIA MAHMOUD يقول...

تعليقك على الفيلم رائع كبداية
اما عن فكرة ادخال الادان في الفيلم .. ومناقشتهم فهو جهل متبادل
جهل منهم بينا كما قالتها بثينة وجهل منا بيهم

هي صورة تروجها وسائل الاعلام هناك وهنا .. الاسلام يظلم في بلاده فما بالك بالبلاد الاخرى عزيزتي

(المهاجر الى الله) يقول...

ادعوك لزيارة مدونتى المتواضعة والمساهمة بارائك وتعليقاتك
www.eyuon.blogspot.com
وشكرا

(المهاجر الى الله) يقول...

ادعوك لزيارة مدونتى المتواضعة والمساهمة بارائك وتعليقاتك
www.eyuon.blogspot.com
وشكرا

(المهاجر الى الله) يقول...

ادعوك لزيارة مدونتى المتواضعة والمساهمة بارائك وتعليقاتك
www.eyuon.blogspot.com
وشكرا

بنت القمر يقول...

عبد الرحمن
============ اشكر مرورك
:
:
:
لميا محمود
========
اشكر وان كنت اعتقد انه جهل علي تعالي علي سوء نيه مجتمعين
نورتيني
:
:
:
المهاجر الي الله
================
ان شاء الله
اشكرك

ربيع يقول...

أنا مش فاهم فين العنصرية في ان أصل الشيطان في العراق ، ده لو هو فعلا المعنى المطلوب توصيله
تاريخيا الحضارة نشأت في العراق و مصر ، طبيعي جدا ان يكون للحضارتين آثار باقية لحد دلوقتي ، طبيعي كمان ان يكون لأهل الحضارتين ارتباط قوي بالدين ، و بالتالي بالشر ممثلا في الشيطان ، الفلم عايز يقول ان الشر أصيل و قديم ، ممثلا في الشيطان طبعا ، لو انتي عايزه تجيبي أقدم شر في التاريخ ، هاتروحي للعراق أو مصر ، اكيد مش هايكتشفه في باريس أو أمريكا ، أو حتى بلد ليها حضاره قديمه زي الصين
دايما كان هناك طرف خير في البلدان دي ، في العراق مثلا الناس مش ماسكه سلاح و بتقتل في بعض ، القسيس العراقي كان هادي و ودع الراجل باحترام ، و في الفلم الأخير الأفارقة نفسهم كانوا ضحية للشيطان ، طبعا العنصرية اللي أعرفها بتكون موجهه لأشخاص بيجتمعوا في ديانه واحده او عرق أو مجموعة أفكار ، مافيش عنصرية موجهه ضد افريقيا ، و بالتالي فكرة ان معبد الشيطان كان في افريقيا ماكنتش فكرة عنصرية ضد افريقيا

بنت القمر يقول...

ربيع
=========
يا سلام طالما منشأ الدين في العراق تبقا رمز الشيطان
طب انا ممكن اشوف برضه ان امريكا والغرب رمز للشيطان لانها بلاد الحضارة الماديه علي عكس الشرق بلاد الدين والقيم الروحيه
وبعدين التعصب مش بس عشان حكايه الشيطان التعصب او الجهل او اختار انت اي تسميه ان العراق سنه 73 صحرا والكاميرا بتتنقل علي جورج تاون فرق حضاري 180 درجه ده مش تحيز
طب بلاش الادان لزمته ايه في نهايه الفيلم؟؟
ليه يقصد الدين ولو انه جاب ان الدين انهزم ليه جاب ادان مش جرس كنيسه مثلا؟؟ انا مشفتش من الاجزاء غير الجزء ده بس
بس معجبنيش وفكرة البوست مش انه الفيلم ضد التعصب بس لكن النهايه مش حلوة ولا منطقيه كمان
اهلا بيك واشكر مرورك

ربيع يقول...

جايبين صحرا لأن انتي غالبا هاتحفري في الصحرا عشان تلاقي الآثار ، ماحدش هايحفر في ميدان رمسيس مثلا

موضوع الأدان ده أنا مش فاهمه ، بس النهاية اللي أعرفها فيها انتصار للقسيس على الروح الشريرة ، و بالتالي سماع الأدان في الآخر مش لازم يكون معناه سيء

بنت القمر يقول...

ربيع يا عزيزي
================= ازاااااي
القيس انتصر
ازاي؟؟
ده واحد رماه من الشباك اللي هو الاب ديميان الدومينكاني
والتاني دخلوا لقوه ميت
اللي هو ميرن بتاع العراق
يبقا ازاي الشيطان اتهزم
ده قتل الاتنيني القساوسه!!
عشان كده مش مستوعبه النهايه خالص
لما هو عاوز يقول ان العلم اتهزم ومفيش ملجأ الا الدين
ليه جاب القساوسه ماتوا
عشان يقول ان الشيطان هزم الكل؟؟
فسرها لي حضرتك
نورت